2 Barkperii 6:14 - Yennu Gbouŋ Mɔɔr

¹⁴ ki miar Yennu ki yet a, “Timm Israel teeb Yomdaanɔ Yennu, yensau ji kaa sanpaapo nan tiŋ na ni, ki tee nan fin na. A dia a mɔlor nan a niib, ki bia wantib a lomm, yoo nba ki bi sak a mɔb nan bi para kur.

2 Barkperii 6:14 ပူးပေါင်းရင်းမြစ်များ

Pinpiik 17:1

Abram nba din mɔk bina piinyia nan ŋanyia yoo nba, ki Yennu baar u boor ki tan yetɔ a, “Mine tee Yabint Yennu. Ii saak n mɔb, ki daa mɔk siara biiti.

Pinpiik 33:20

U din maa maruŋ binbintir leŋ, ki purir “Yennu nba tee Israel teeb Yennu na.”

Pinpiik 35:10

ki yetɔ a, “A sanne tee Jakɔb, ŋaan laa nyii dinna ki saa, a sann ji sii tee Israel-e.” Nnae ki Yennu purɔ Israel.

Pinpiik 5:24

Enɔk din waa Yennu fanu, ki bi din tan ki lau, kimaan Yennu-e din jiiu.

2 Samuel 7:22

Yabint Yennu, a tee Yenjaanne, sɔɔ ki be ki tee nan fin na, ki ti mi nan fin kɔɔe tee Yennu.

1 Kpanbara 18:36

Ki yenlekir maruŋ yoo baar, ki Elaija saan binbintir na boor ki miar a, “Yennu, fin nba tee Abraham nan Aisak nan Jakɔb Yennu, want a mɔŋ mɔtana nan a set tee Israel teeb Yennu-e, ki n tee a toontunnɔ, ki fine yetin a man tun linba na kur.

1 Kpanbara 3:6

Ki Solomonn jiin a, “A tun a lonchiɔŋ ki tur a toontunnɔ, n baa Defid, yoo nba gar, ki u din ŋan, ki mɔk mɔsaku nan baakir, fin nan ŋɔɔ binbeŋ ni, ki a tukin ki wannɔ a lonchiɔŋ nba kaa paak, ki turɔ bonjak ki u kar u naan binbintir paak dinna na.

1 Kpanbara 6:12

“Li-i tee ki a sak n sennii nan n wannu, n saa tun mɔsonn nba ki n din senn ki tur a baa Defid na ki tura.

1 Kpanbara 8:23

ŋaan miar Yennu a, “Israel teeb Yomdaanɔ Yennu, yensau ji kaa sanpaapo koo tingbouŋ na ni, ki tee nan fin na. A dia a mɔlor nan a niib, ki bia wantib a lomm, yoo nba ki bi sak a mɔb nan bi para kura.

1 Barkperii 29:10

Niib na kur tɔɔnne ki kpanbar Defid din pak Yennu, ki yet a, “Yennu nba tee ti yeeja Jakɔb Yomdaanɔ na, dontir tee a yare mɔkmɔk nan mɔkmɔk.

1 Barkperii 29:20

Tɔn, ki Defid yet niib na kur a, “Pakin i Yomdaanɔ Yennu.” Ŋanne niib na kur pak ki dont Yennu, wunba tee bi yeejamm Yomdaanɔ Yennu na, ki baa fabin tiŋ ni ki tur Yennu baakir, ki bia tur kpanbar na baakir.

2 Barkperii 20:6

ŋaan miar Yennu sanpaapo ki yet a, “Ti yeejamm Yomdaanɔ Yennu, fine be Yendɔuŋ ni, ki dia doi nba kur be durinya na ni. A mɔk paŋ nan yiikoo, ki sɔɔ kaa ki saa fit kɔn nana.

2 Barkperii 6:17

Li paak, timm Israel teeb Yomdaanɔ Yennu, a ŋaan ki bont kur n tun nan barmɔnii nan faa din sat ki tur a toontunnɔ Defid na.

Nehemaya 1:5

“N Yomdaanɔ Yennu nba be Yendɔuŋ ni, a tee Yenjaanne, ki ti tiina jaŋmaanii. A dia a mɔlora fanu nan binba loona ki bia saak a mɔb.

Yaŋ 86:8

Yennu, yensau kaa ki tee nan fin na, sɔɔ daa ki ban tun siar ki li tee nan a yar na.

Yaŋ 89:28

ki n sii tun dia n mɔsonn nanɔ, ki n mɔlor sii yɔɔ be nanɔ nan yoo nba kaa gbennu.

Yaŋ 89:6

Yennu, sɔɔ ki be yendɔuŋ ni ki tee nan fin na; malakanba nba be yendɔuŋ ni, bi sɔɔ ki tee a lɔɔ.

Yaŋ 89:8

N Yomdaanɔ Yennu, sɔɔ ki be ki tee nan fin na. Yennu, fine tee yabint daanɔ, ki mɔk barmɔnii binbeŋ bona kur ni.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 3:15

Pakin Israel teeb na nan min Yennu, wunba tee bi yeejamm Abraham nan Aisak nan Jakɔb Yennu nae tuma bi boor. N sanne na yaayoo nan yaayoo. Sann nae ki nibooru nba waa kur sii yin.

Nyinu 8:6

Ki Aarɔnn jii u patu na ki tant nyun na kur paak, ki pɔnta nyii nyun maŋ ni ki piin Ijipt tiŋ kur po.

Jeremaya 10:16

Israel teeb Yennu na ki tee nan pata maŋ na kaa, ŋɔɔe nan bona kur, ki gann Israel teeb a bii tee u tiɔŋ niib; u sanne tee Yabint Yennu.

Jeremaya 10:6

Yennu, sɔɔ kaa ki tee nan fin na, a tee Yenjaanne, ki a sann yab, ki bia mɔk paŋ.

Daniel 9:4

Ki n miar n Yomdaanɔ Yennu, ki pak kat n niib biit ki turɔ, ki yet a: “Yomdaanɔ Yennu, a paŋ yab bonchiann, ki ti baakita. A dia a mɔlor fanu nan a niib, ki want a lomm nba kaa paak ki teen a niib nba loona ki saak a sennii na.

Barŋanii nba ki LUK din sɔb nae na 1:50

U bia mɔk ninbatinu nan nigbouŋ kur nba tiinɔ.

Barŋanii nba ki LUK din sɔb nae na 1:6

Bi banlee maŋ binbeŋ din ŋan Yennu boor, ki bi sak u wannu nan sennu kur nyiknyik;

Barŋanii nba ki LUK din sɔb nae na 1:72

U bia yet a u sii mɔk ninbatinu nan ti yeejamm, ki kan mi tamm u popeenn mɔsonn

Sennu 3:24

‘Yabint daanɔ Yennu, n mi nan a fiit ki wannin a toongbeŋa nan bakitnauŋ toona nba ki a yaa a tuma. Yensau kaa sanpaapo koo tingbouŋ na ni ki saa fit tun a paŋ toona na leere.

Sennu 4:39

Bant dinna daar nba na, ki daa ban tammit nan Yennu-e tee Yomdaanɔ, yendɔuŋ ni nan tingbouŋ na ni, ki yensau ji ki be.

Sennu 7:9

Ii mi man nan i Yomdaanɔ Yennu kɔɔe tee Yennu, ki tee barmɔnii daanɔ, ki dia u mɔlor nan u ninbatinu ki teen binba loonɔ mɔtana, nan yaaboona nba saa wei tusir.

1 Tesalonika teeb 2:12

ki maant i para, ki tun kpaani a yii be binbensiak nba saa gboo Yennu numm. Ŋɔɔe yiini a wun kɔɔni u tiɔŋ naan ni nan yentchiɔŋ ni.