2 Barkperii 33:24 - Yennu Gbouŋ Mɔɔr

²⁴ Amonn saakab din lor u paak, ki tan kpiiu, u ŋaak ni.

2 Barkperii 33:24 ပူးပေါင်းရင်းမြစ်များ

Pinpiik 9:5

Ki wunba nyinn nirɔ manfoor, n tan saa boiɔ manfoor maŋ powa, ki bonkobuk nba nyinn nirɔ manfoor, n tan saa boiɔ li powa.

Pinpiik 9:6

Wunba nyinn nirɔ manfoor, nirɔe mun bia tan saa nyinn u manfoor, kimaan min Yennu ninnauŋo ki n nan nisaarik.

2 Barkperii 22:9

Bi din lin lon Ahasia-e ki tan lau ki u bɔr Samaria, ki bi jiiu saan nanɔ Jehu boor, ki u saa nyinn u manfoor, ŋaan bi din pii u gbanant, kimaan u yeeja Jehosafat wunba din yiab u mɔŋ paak ki waa Yennu na chɔruŋ paak. Sɔɔ din ki biar Ahasia ŋaak ni ki saa fit dia naan na.

2 Barkperii 33:25

Ŋanne ki Juda teeb kpii niib nba kpii Amonn na, ŋaan jii u bija Josaya ki dinnɔ naan, ki u set u baa maŋ seenu ni.

Yaŋ 55:23

Yennu, fine saa sikin nikpiirit nan fai damm na bi kaat ni; a kan te ki bii be ki baar bi manfoor bonjinni. Min ŋarin, fine ki n teena yada.

Rom Teeb 11:22

Gotir, Yennu nba mɔk ninbatinu ŋaan bia mɔk ninkoonii biaŋinba. U mɔk ninkoonii ki tur binba ki teen yada, ŋaan u tiina ninbaauk; fi-i kpaŋi teen yada, u bia sii tiina ninbaauk, ŋaan li-i kii tee nna, u mun bia saa kɔnnae ki lu.