2 Barkperii 32:33 - Yennu Gbouŋ Mɔɔr

³³ Hesekia din kpo, ki bi piiu kpanbara kaat ni, kunkonn paak. Juda nan Jerusalem teeb kur din turɔ jirinjoontik, u kuun poorpo. U bija Manase din set u seenu ni, ki dii naan.

2 Barkperii 32:33 ပူးပေါင်းရင်းမြစ်များ

1 Kpanbara 1:21

Fi-i kii tun siar mɔtana ŋaan tan kpo, bi sii dia min nan n bija Solomonn nan ti tee nikpiira nae.”

1 Kpanbara 11:43

U din tan kpo, ki bi piiu Defid doo nie, ki u bija Rehoboam gaar u naan.

1 Kpanbara 2:10

Defid din kpo, ki bi piiu doo nba ki bi yi Defid doo na ni.

2 Kpanbara 20:21

Hesekia din kpo, ki u bija Manase gaar u naan.

2 Barkperii 16:14

Bi din piiu tanpiiuk kaauk nba ki u mɔŋ din lukir, ki li be Defid doo ni nae. Bi din jii bonnunubit nan kpanunubite ki ŋamm u gbanant ki piiu. Bi din joo mutunne, ki li tee u baakir.

2 Barkperii 32:32

Toona nba kur ki Hesekia tun, nan waa jii u mɔŋ tur Yennu biaŋinba, li sɔb Yennu sɔkinii Aisaya, wunba tee Amos bija na yirintu sɔbinii ni, ki be Juda nan Israel kpanbara barkperii gbouŋ ni.

2 Barkperii 35:24

Ki bi wokitɔ u taantoruk ni, ki kɔɔnɔ u taantorleer nba be leŋ na, ki saan nanɔ Jerusalem. Leŋe ki u saa kpo, ki bi piiu kpanbara kaat ni. Ki Juda nan Jerusalem teeb kur bui fabin u kuun po.

Yaŋ 112:6

Niŋanɔ kan ban baa, bi sii yɔɔ tian u poe.

Barjokit 10:7

Bi saa tiar toonŋana damm po, ki li tee piisime, ŋaan li kan yukir ki bi saa tamm toonbiit damm na po.

Nikant 20:29

Niib na kur nba gbat nan Aarɔnn kpowa na, ki bi bui fabin u kuun po daapiintaa.

Sennu 34:8

Israel teeb din mɔ ki fabin u kuun, daa piintaae, Moab tiŋ ni.

1 Samuel 2:30

Min Yabint daanɔ nba tee Israel teeb Yennu, mine bo senn mɔsonn sianyoowa, nan i ŋaateeb nan i naakuuk ni niibe sii tee mannteeb ki tuun mannteeb toona yoo n tuu yoo, ŋaan mɔtana n ji kan chabi yaaki. N sii baakit binba baakitime, ŋaan kii yisin binba yisimin na.

1 Samuel 25:1

Ki Samuel kpo, ki Israel teeb kur taan ki bui fabin u po, ŋaan piiu u ŋaak ni, Rama doo ni. Li poor po ki Defid saan Parann kunkoouk paak.