2 Barkperii 21:7 - Yennu Gbouŋ Mɔɔr

⁷ ŋaan Yennu lek din ki loon wun boont Defid maaru, kimaan u din lor nan Defid a u yaaboonae sii tun di naan.

2 Barkperii 21:7 ပူးပေါင်းရင်းမြစ်များ

2 Samuel 21:17

Ŋaan Abisai, wunba tee Seruya bija na, din baar ki taan Defid, ki wor jawakitir na ki kpiiu. Defid jab na ji din te ki Defid por nan u ji kan ban saan tɔbi. Bi din yet a, “Fine tee Israel dindann, ti ki loon ki a kpo.”

2 Samuel 23:5

Nna bannue ki Yennu saa teen piisin n maaru paak, kimaan u lor mɔlor nba kaa gbennu nanima, ki li tee lor nba kan ban biir, ki tee mɔsonn nba kan ban lebit. Maa loon linba kure na, ŋanne sii tee nyannu, ki Yennu set saa te ki lin teen mɔnii.

1 Kpanbara 11:13

N kan gaar a naangbouŋ na kur u boori, n saa tennɔ booru yennkɔɔe, kimaan n toontunnɔ Defid paak, nan Jerusalem doo nba ki n gann ki li tee n yar na paak.”

1 Kpanbara 11:36

Ŋaan n saa te ki Solomonn bija-ii dia booru yennkɔɔe, ŋanne saa te ki mii mɔk Defid yaaboonn yoo kur, ki u dia Jerusalem doo nba ki n gann ki bi jiantirin leŋ na.

1 Kpanbara 15:4

Ŋaan Defid paak, ki u Yomdaanɔ Yennu tur Abija bonjak nba tan saa gaar Jerusalem naan, ki dia Jerusalem fanu, u baa kuun poorpo.

2 Kpanbara 8:19

ŋaan Yennu din ki loon wun biir Juda, kimaan u din senn mɔsonn ki tur u toontunnɔ Defid nan u yaaboonae sii yɔɔ dia u niib.

2 Kpanbara 8:24

Jehoram din kpo, ki bi piiu kpanbara kaat ni, Defid doo ni, ki u bija Ahasia dii naan.

2 Barkperii 22:11

Ahasia din mɔk niipoosɔɔ, ŋaan ki bi ki taa baa, ki bi yiu Jehoseba, ki u din kun manntɔɔ nba ki bi yiu Jehoyada na. Jehoseba din jii Ahasia bonjai na yenɔ, ki u sann tee Joas, ki nyinnɔ kpanbar waas nba ki bi yaa bin kpib na ni, ki saan bɔr ŋɔɔ nan poo nba wubiiɔ na, Yenjiantu ŋasaakak didɔɔtuk ni. U din te ki u be bɔr nie, ki nyii Atalia nikpinu ni.

2 Barkperii 23:3

Ki bi kur taan be Yenjiantu ŋasaakak ni, ki lor nan Joas, wunba tee kpanbar bija na. Ki Jehoyada yetib a, “Kpanbarkperɔ na bijae na. Ŋɔɔe ji sii tee kpanbar mɔtana, nan biaŋinba ki Yennu senn mɔsonn nan kpanbar Defid yaaboonae sii diat na.

2 Barkperii 6:16

Mɔtana, timm Israel teeb Yomdaanɔ Yennu, ii dia a mɔsonleer nba ki a din senn ki tur n baa ki yetɔ nan yoo kur u yaaboonne sii yɔɔ tee Israel teeb kpanbar, li-i tee ki bi yɔɔ saak a mɔb nan waa din saak biaŋinba na.

Yaŋ 132:11

A din senn mɔsonjaanne ki tur Defid, mɔsonn nba ki a kan ban nyik a: “N saa dinn a bonjai na yenɔ naan, ki u tan saa set a seenu ni ki dia a niib yoo nba ki a kaa.

Yaŋ 89:39

A biir mɔlor nba ki a lor nan a toontunnɔ nawa, ki lu u naan fokirik jakint ni,

Barŋanii nba ki LUK din sɔb nae na 1:69

U turit Tinntɔɔ nba mɔk paŋ ki tee Yennu toontunnɔ Defid yaaboonn.

Barŋanii nba ki LUK din sɔb nae na 1:79

ki li tan saa yent sanpaapo ki tur binba be kuun bunbɔnn ni na; ki bia yent ti taa ni ki tin tɔkin parmaasir sɔnjouk na.”