2 Barkperii 20:21 - Yennu Gbouŋ Mɔɔr

²¹ Waa pak nan niib na ki gbenn yoo nba, ki u te yanyinna na lia bi liant nba ki bi lia Yenjiantii ni na, ki somm kunkɔnkɔnna na tɔɔnn po, ki yiin yaŋ a, “Pakin Yennu man. U lomm kaa gbennu.”

2 Barkperii 20:21 ပူးပေါင်းရင်းမြစ်များ

1 Barkperii 16:29

Pakin ki dont Yabint Yennu paŋ. Baat nan piinii ki kɔɔ nann u ŋaak ni. Ii gbaan ki jiant kasii daanɔ maŋ, wuu lekit yoo nba.

1 Barkperii 16:34

Turin Yennu niipoouk, kimaan u ŋan; ki u lomm kaa gbennu.

1 Barkperii 16:41

Bi din be nan Hemann nan Jedutunn nan leeb nba ki bi din gannib, a bii yiin donta yaŋ kii teen Yennu nae, kimaan u lomm kaa gbennu.

2 Barkperii 30:21

Israel teeb nba din taan be Jerusalem na din jii daaŋanlore ki dii boroboro nba ki mɔk datiŋ jaamm nan kpinkpammuk, ki daar n tuu daar kur ki Liifai teeb nan mannteeb tuu dont Yennu nan bi paŋ kur.

2 Barkperii 5:13

Ki naatunpebira nan yanyinna kur taan yomm ki yiin kunkɔyenn ki dontir, ki bia teen Yennu niipoouk. Bi din peeb naatuna nan duunii nan bonmumɔɔt nba kur be, ki leeb waa ki yiin ki dont bi kunkɔra ki piak Yennu, ki yeen a, “Pakin Yennu man, kimaan u ŋan, ki u lomm kaa gbennu.” Tɔn, ki sanpagbouŋ gbee Yenjiantu ŋasaakak na ni.

2 Barkperii 7:3

Israel teeb nba din la ki muu nyii sanpaapo, nan yentsaakar na ki li be ŋasaakak na yur paak yoo nba, ki bi baa fabin sakii paak, ki jiantir Yennu, ki teenɔ niipoouk, u ŋant nan u lomm nba kaa gbennu na paak.

2 Barkperii 7:6

Mannteeb na din saan set siaminba ki bi wannibe, ki Liifai teeb mun set ki tookib nan bi bonmumɔɔt, ki faa ki yiin yanii ki dont Yennu nan bonmumɔɔt nba ki kpanbar Defid din ŋammir a bii kpakitir Yennu nann na, ki yiin a, “U lomm kaa gbennu,” nan Defid nba din senn biaŋinba na. Mannteeb na din peeb naatunae, ŋaan ki niib na kur see.

Nehemaya 12:27

Yoo nba ki bi din jii Jerusalem doo joonn ki tur Yennu na, ki bi tun siaminba kur ki Liifai teeb be, ki yiimm a bin taan tintaanu ki jiin baa jikin joonn na ki teen Yennu na po, ki yin niipoturu yanii nan bonmumɔɔt nba tee duunii nan kɔna.

Yaŋ 106:1

Pakin Yennu man. Ii tur Yennu niipoouk, kimaan u ŋan, ki u lomm kaa gbennu.

Yaŋ 107:1

“Turin Yennu niipoouk, kimaan u ŋan, ki u lomm kaa gbennu.”

Yaŋ 18:4

Kuun daŋ kaane ki lintin, ki biiru yuuk ki gaar n paak nan nyunpana na.

Yaŋ 29:2

Pakin Yennu, u baakir sann paak. Gbaant man tiŋ ni ki jiant Kasii Daanɔ, wuu taŋi lekit yoo nba.

Yaŋ 50:2

Yabint Yennu yentu nyi Sayɔnn doo nba fan na ni.

Yaŋ 90:17

Ti Yomdaanɔ Yennu, ŋaant ki a piisim-ii be nant, ki te ki tin nyann linba kur ki ti tuun ni.

Yaŋ 96:9

Yoo nba ki kasii daanɔ Yennu dɔkit, yin baa gbaan u tɔɔnn; tingbouŋ na munn n jekir u tɔɔnn.

Barjokit 11:14

Digbann nba ki mɔk tɔɔndamm nba ŋan, li saa baae. Kpaanteeb bonchiann tee nyannue.

Jeremaya 33:11

fuut nba tee parmaasir nan parpeenn yar, ki poochianu jaamm kpinkpammuk fuur sii fu. I sii gbia niib yiin yanii, yoo nba ki bi baat nan niipoturu piinii a bin turin jiantu ŋasaakak ni na, ki bi sii yiin a, ‘Turin Yabint Yennu niipoouk, kimaan u ŋan, ki u lomm kaa gbennu.’ N saa te ki tiŋ na n mɔkit nan laa din tee na. Min Yennu-e pak na.”