2 Barkperii 20:12 - Yennu Gbouŋ Mɔɔr

¹² Fine tee Yennu. Datir bi tuba, kimaan ti ki mɔk paŋ nba saa took kunkɔnkɔnna nba yab ki saa lekit na. Ti ki mi taa saa teen biaŋinba, ŋaan ti gorii fine ki loon sommir.”

2 Barkperii 20:12 ပူးပေါင်းရင်းမြစ်များ

2 Samuel 14:11

Ki poo na yet a, “Chanbaa, miat a Yomdaanɔ Yennu, ki u daa te ki n nikpiimm nba ki li kpaab nan bin kpi n bik ki jiin pann na tuun bonbilankant na.” Ki Defid yet a, “N por nan Yennu nba fo na, nan siar kan damm a bija na nan waama.”

1 Kpanbara 1:20

Chanbaa, Israel teeb kur goriiae a bin la wunba saa gaar a naan na.

2 Kpanbara 6:15

Laa yent sanyapob ni, ki Elaisa toontunnɔ fiir ki nyii, ki la Siria kunkɔnkɔnna nan bi taanii nan taantorit, ki bi ŋaa loon doo nawa. Ki u ŋmat kɔɔ Elaisa boor ki yetɔ a, “Chanbaa, ti kɔɔ biak niwa. Ti saa teen nlee?”

2 Barkperii 20:13

Ki Juda jab na kur nan bi poob nan bi waas see Yenjiantu ŋasaakak na boor.

Yaŋ 141:8

Ŋaan n yada be fin Yabint Yennu nie yoo kur, n loon a guurue; a daa te ki n kpenni.

Yaŋ 25:15

N gorii Yennu-e n sommir po yoo kur, ki u nyintin daŋ ni.

Yaŋ 43:1

Yennu, want nan n ki mɔk biiti, ki bu nyinnin binba ki jiantira na ni, a fatin ki min nyi fai damm nan nibiit na ni.

Yaŋ 7:6

Yennu, fiit nan wutoor, setir a taajaa paak, ki took n datai bi wutoor ni, ki sommin, kimaan a tee wunba waa barmɔnii sɔnue.

Yaŋ 7:8

Yennu, fine tee nisaarii kur barbuurɔ, a bu ki sommin; a mi nan n ki mɔk biiti.

Yaŋ 9:19

Baat, Yennu, daa te ki nisaarii nyanti. Baat nan binba ki mia na a boor ki tan bu bi buut.

Yaŋ 94:2

Fine tee nisaarii kur barbuurɔ, fiit ki tur biit damm na, baa jaŋ nan linba.

Aisaya 2:4

U saa ŋamm barii nba be digbanjaana sinsuuk ni na. Bi saa jii bi takoobii ki kur sɔkit, ki jii bi kpana ki kur gɔtit. Digbana ji kan ban saan tɔbu, bi kan ban teen tɔb siiri.

Aisaya 42:4

U kan ŋaa tama, koo dindanni; u saa baar nan mamɔmme durinya paak. Digbanbanfɔka damm kpan guu u tumiiue.”

Aisaya 45:22

“Durinya kur niib, baat n boor man ki la tinnu. Min kɔɔe tee Yennu nba be.

Joel 3:12

“A te digbana na niib n teen siir, ki baar Buut Baauk na ni. Leŋe ki min Yennu saa kar ki bu digbana kur buut.

Jona 2:4

Ki n dukin nan min kpan nyinte na, ki ji kan mi nakin a kasii jiantu ŋasaakak na, ki n ninbinn bia ji kan mi lari.

Sennu 32:36

Yennu saa fat u niib, yoo nba ki u la ki bi paŋ gbenn. U sii mɔk ninbatinu nan damm nba jiantirɔ na, yoo nba ki u la baa chɔk biaŋinba.

Fiitu 19:11

Li poorpo ki n la ki Yendɔuŋ loot, ki taanpeeŋ see leŋ, ki wunba jakɔ na sana tee Nimɔnɔ nan Barmɔndaanɔ; ki u bu buut nan li barmɔnii, ki bia tookit tɔbii nan barmɔnii.

Barbuura 11:27

N ki tun biira, ŋaan a biirime na, ki lorin fan faan tɔb na. Ŋaant ki Yennu-ii tee ti butɔɔ, wun gat Israel teeb nan Amonn teeb sinsuuk ni.”

1 Samuel 14:6

Ki Jonatann yet naasimɔ nba jikit u jatiat na a, “Ŋaant ki tin lɔɔr kɔɔ Filistia jab nba ki waa Yennu na kaaŋ ni. Li pasiar Yennu saa sommita. Li-i tee ki u sommiti, siar kaa ki saa dɔkin ki ti kan nyanni. Taa lek ki yab na, ŋaan li kan biir siar.”

1 Samuel 3:13

N poŋ betɔwa nan n saa dat u ŋaateeb tuba, halii nan yoo nba kaa paak, kimaan u bonjai tun yanbɔmm ki biirima. Ki Eli mi nan bi tuun bonbiir maŋ, ŋaan ki u ki gɔɔribi.