2 Barkperii 14:11 - Yennu Gbouŋ Mɔɔr

¹¹ Ki Asa miar u Yomdaanɔ Yennu, ki yet a, “Yennu, a saa fit somm kunkɔnkɔnna nba ki mɔk paŋ ki bin kɔn nyann binba mɔk paŋ. Ti Yomdaanɔ Yennu, sommitit mɔtana, kimaan ti maa a paake, ki a sann nie ki ti nyii a tin took kunkɔnkɔnna nba yabit na. Yennu, fine tee ti Yomdaanɔ, sɔɔ kaa ki saa fit kɔn nyanna.”

2 Barkperii 14:11 ပူးပေါင်းရင်းမြစ်များ

1 Kpanbara 8:44

“Li-i tee ki a yet a niib a bin saan kɔn nan bi datai, ki bi miara, baa lek be siaminba kur, ŋaan set tor digbann nba ki a gann na po, nan jiantu ŋasaakak nba ki n maa ki tura na,

1 Barkperii 5:20

Bi din teen Yennu yada, ki miarɔ sommir po; ki Yennu sommib, ki bi nyann Hagar teeb nan bi yɔɔsnba nba kɔn taamm na.

2 Barkperii 13:12

Yennu tiɔŋo tee ti tɔɔndaanɔ, ki u mannteeb na be nant ki dia bi naatuna, ki teen siir nan bin pebir ki yiint tɔb po, ki tin kɔn nani. Israel teeb, i daa kɔn nan i yeejamm Yomdaanɔ Yennu. I kan nyanni.”

2 Barkperii 13:14

Ki Juda teeb na got ki la nan bi lintiba. Ki bi yikin fabin ki boi Yennu sommir po, ki mannteeb na mun pebir bi naatuna.

2 Barkperii 13:15

Juda teeb na din yikin nan kunkɔpaarire. Abija-e din tee bi tɔɔndaanɔ, ki bi lekib. Yennu din te ki Abija nan Juda teeb na nyann Jeroboam nan Israel kunkɔnkɔnna na.

2 Barkperii 13:18

Juda teeb din paak Israel teeb, kimaan bi din maa bi yeejamm Yomdaanɔ Yennu paake.

2 Barkperii 14:10

Ki Asa nyii a wun kɔn nanɔ, ki bi kur saan set bi sinsetboa, Sefata baauk ni, ki kpia Maresa.

2 Barkperii 16:7

Li yoo maŋe ki Yennu sɔkinii Hanani saan kpanbar Asa boor ki yetɔ a, “Kimaan faa deen Siria kpanbar paak, ŋaan ki ki deen a Yomdaanɔ Yennu na paake teen ki Siria kunkɔnkɔnna na chiar paaka.

2 Barkperii 18:31

Baa la kpanbar Jehosafat yoo nba, ki bi kur dukin nan ŋɔɔe tee Israel teeb kpanbar, ki bi ŋmant a bin lekɔ, ki Jehosafat yikin sanpaapo, ki ti Yomdaanɔ Yennu fatɔ, ki te leku na yakirɔ.

2 Barkperii 20:12

Fine tee Yennu. Datir bi tuba, kimaan ti ki mɔk paŋ nba saa took kunkɔnkɔnna nba yab ki saa lekit na. Ti ki mi taa saa teen biaŋinba, ŋaan ti gorii fine ki loon sommir.”

2 Barkperii 20:32

Jehosafat din tee nan u baa Asa nba din tee biaŋinba nae, u din tuun linba ŋan Yennu tɔɔnn,

2 Barkperii 25:8

A sii dukii nan bi saa taan a po ki a la paŋ tɔb ni, ŋaan Yennu-e mɔk yiikoo ki te ki nirɔ laat nyannu, ki bia kɔŋit, ki u saa te ki a datai na n nyanna.”

2 Barkperii 26:7

Yennu din sommɔ ki u fit nyann Filistia teeb, nan Arab teeb nba kɔɔ Gur Baal na, nan Meun teeb na.

2 Barkperii 32:20

Ŋanne kpanbar Hesekia nan Yennu sɔkinii Aisaya, wunba tee Amos bija na, miar Yennu sanpaapo, ki loon sommir,

2 Barkperii 32:8

U mɔk nisaarik paŋ kɔɔe, ŋaan timm ŋarin mɔk ti Yomdaanɔ Yennu, ki u saa sommit ki kɔn kɔnn na ki turit.” Kpanbar na mɔmaan din chekin niib na.

Yaŋ 120:1

Maa be daamii ni yoo nba, n yiin Yennu-e, ki u turin gatu.

Yaŋ 18:6

Maa be mabir ni, n yiin Yennu-e. N yiin Yennu ki loon sommir, ki u be u ŋasaakak ni, ŋaan gbat n kunkɔr, ki gbiint n mɔŋ nba ki n mɔ ki loon sommir na.

Yaŋ 20:5

ki ti tan saa yikin nan parpeenn, yoo nba ki a la nyannu na, ki ti saa donn ti farimii ki dont Yennu. Yennu n gat a miaru kur.

Yaŋ 20:7

Nisiab teen yada nan bi taantorite, ki leeb mun teen yada nan bi taanii, ŋaan timm ŋarin teen yada nan ti Yomdaanɔ Yennu sanne.

Yaŋ 20:8

Li nibooru sii gbiatire, ki baa, ŋaan ki timm n fiir, ki see kenken.

Yaŋ 22:5

Bi din yi a sann, ki laat tinnu, ki teena yada ki ki kɔŋit a sommir.

Yaŋ 22:6

N ji ki tee nisaarik kaa, n tee nanwubire, ki niib piak ki butimin, ki bia sarikitin.

Yaŋ 34:6

Ki fara damm fabin ki turɔ, ki u turib gatu ki nyinnib bi wahala kur ni.

Yaŋ 37:5

Jiin a mɔŋ ki tur Yennu. Teent Yennu yada, ki u saa somma.

Yaŋ 50:15

Ii tuu yiin min Yennu yoo nba ki i la daamii, ki n saa fati, ki i sii baakitin.”

Yaŋ 9:19

Baat, Yennu, daa te ki nisaarii nyanti. Baat nan binba ki mia na a boor ki tan bu bi buut.

Yaŋ 91:15

Bi-i yiinin, n saa turib gatu; bi-i kɔɔ daamii ni, n sii be namm, ki nyinnib, ki te bin la baakir.

Nyinu 14:10

Israel teeb na nba la kpanbar na nan u lanjimanba baat bi boor yoo nba, ki jaŋmaanii soorib, ki bi yikin yi Yennu a wun sommib,

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Aisaya 10:20

Yoo baat ki Israel teeb nba foor na ji kan gaan bi dindann digbann nba nyannib na paaki. Bi tan saa teen bi dindann Yennu nba tee Israel teeb kasii Yennu na nie.

Aisaya 2:22

A daa tee a dindann nisaarik ni. Nisaarik jan nan bee?

Aisaya 26:13

Ti Yomdaanɔ Yennu, siabe tuu diat, ŋaan fin kuukɔɔe tee ti Yomdaanɔ.

Liifai teeb 26:8

Ki i jab banŋmu saa fit kɔn nyann i datai kobik, ki i jab kobik saa fit kɔn ki nyann i datai tusaa piik.

Amos 5:9

U biir paŋ damm, ki te ki bi digbanjaana kpantir langbent.

Sekaria 2:8

Wunba faai, u tuu min Yennu ninbinne na.” Li paak, ki Yabint Yennu tumin nan mɔɔntii nba na, a n mɔn tur booru nba tuu fiar u niib bona na a,

Matiu 16:18

Fin Piita, min ŋarin beerae, a tee tanne; ki tanpiiuk na paake ki n saa jii n niib ki senn; ki kuun kan fit nyannibi.

Jɔɔnn 14:1

Yiisa din betib a, “I daa mɔk parbiiri. Teent Yennu yada, ki mun teenin yada.

Jɔɔnn 14:27

“Mi-i yaa n saan, n saa pi-i piinii nba tee n parmaasir na. Li ki tee tingbouŋ na parmaasir na booru kaa. I daa mɔk parbiiri. I bia daa tiin jaŋmaanii.

Toona 2:21

Ki sɔɔ kur nba tan boin sommir po saa la tinnu.’ ”

Toona 3:16

“Yiisa maŋ sann paŋ nba ki ti yi nae te ki jɔɔ na somm. Wabik na tee wunba ki i poŋ tuu miu ki bia laatɔe, ŋaan ki u tan somm, kimaan waa teen Yiisa sann yada na paak. Waa teen Yiisa yada na paake te ki u somm ki see i numm ni na.

Toona 9:4

Ki u baa tiŋ ni, ki gbat ki kunkɔr yiu a, “Sɔɔl, Sɔɔl, bee ki a mukisirimi?”

Rom Teeb 8:31

Ti-i got linba na kur, ti saa yet a bia? Li-i tee ki Yennu be ti po, ŋmee ji be ki saa biiriti?

Sennu 32:27

ŋaan n ki loon ki bi datai n donn bi mɔŋ nan ŋamme kɔn ki nyann n niib na, ŋaan ki li tee n mɔŋe biiribi.’

Sennu 32:30

Nlee ki yenɔ kɔn ki nyann bi tusiri, ki banlee kɔn ki nyann bi tusaa piiki? Linba na tun kimaan bi Yomdaanɔ Yennu nyikiba. Bi Yabint Yennu jiib ki turib bi dataiwa.

Sennu 32:36

Yennu saa fat u niib, yoo nba ki u la ki bi paŋ gbenn. U sii mɔk ninbatinu nan damm nba jiantirɔ na, yoo nba ki u la baa chɔk biaŋinba.

Barbuura 7:7

Ki Yennu yet Gideonn a, “Jab kobii ŋantaa nba kabir nyun nan bi nii ki nyuu na, a saa jii ŋamme ki bin kɔn nan Midiann teeb na, ki a saa nyannib. Yetir wunba biar kur, wun ŋmat kun.”

1 Samuel 14:6

Ki Jonatann yet naasimɔ nba jikit u jatiat na a, “Ŋaant ki tin lɔɔr kɔɔ Filistia jab nba ki waa Yennu na kaaŋ ni. Li pasiar Yennu saa sommita. Li-i tee ki u sommiti, siar kaa ki saa dɔkin ki ti kan nyanni. Taa lek ki yab na, ŋaan li kan biir siar.”

1 Samuel 17:47

ki sɔɔ kur nba be nna saa la nan Yennu ki kpaan kpana nan takoobii kaawa, ki fit tint u niibi. Tɔb na tee Yennu yare, ki u saa nyann, ki jii i kur ki kubin ti nuu ni.”

1 Samuel 2:9

“U guu niŋamm manfoa, ŋaan te ki nibiit na kpakin bunbɔnn ni. Nirɔ paŋ kaa te ki u laat nyannu.