1 Timoti 4:15 - Yennu Gbouŋ Mɔɔr

¹⁵ Ii tuun linba na nan ninmɔnn, ki sɔɔ kur n la a kpaatu Yiisa toona ni.

Yennu Gbounpaauŋ Mɔɔr

¹⁵ I tuun linba na nan ninmɔnn, ki sɔɔ kur-n la a pukinu.

1 Timoti 4:15 ပူးပေါင်းရင်းမြစ်များ

Yaŋ 1:2

Bi parmaasir nyi baa saak Yennu sennu na niŋe, kimaan bi dukii sennu maŋ poe yoo kur.

Yaŋ 104:34

U par-ii mei n yaŋ maŋ paak, kimaan n parpeenn nyi u boore.

Yaŋ 105:5

Yimm nba tee u toontunnɔ Abraham yaaboona na, yimm nba tee Jakɔb nba ki u din gannɔ na yaaboona na, ii tian yaarlituk toona nba ki Yennu tun na, nan buut nba ki u bu na.

Yaŋ 119:148

N ki gɔɔnt nyiɔk a man fit kii dukii a sennii po yoo kur.

Yaŋ 119:15

N tumii a senniie ki fiitir a wannu na.

Yaŋ 119:23

Doo diara tuu chet ki lor lorbiite ki jiin n po, ŋaan min sii tumii a senniie.

Yaŋ 119:48

N lomm be a sennii ni, ki n teen a sennii maŋ baakir. N sii dukii a sennii maŋ poe yoo kur.

Yaŋ 119:97

N loon a sennu bonchiann. N dukii li poe daar kur.

Yaŋ 119:99

N mɔk bannu ki gar n wannteeb kur, kimaan maa dukii a sennii maŋ po yoo kur na paak.

Yaŋ 143:5

N tian daa nba gar na po, ki dukii faa tun linba po, ki tian linba kur ki a tun.

Yaŋ 19:14

Yennu, ŋaant ki n mɔmaan nan n dudukit-ii man a po. Fine tee n sindandiiuk nan n tinntɔɔ.

Yaŋ 49:3

N dudukit be paanu ni, ki n saa pak yanfoon maan.

Yaŋ 63:6

Ki mi-i dɔɔ n dɔɔnu paak, n sii tian a po; nyɔtunmunn n sii dukii a po,

Yaŋ 77:12

N sii tian linba kur ki a din tun, ki bia dukin a toonjaana na po.

Nikant 8:26

Bi tuu saa fit somm bi ninjamm ki bin tun lanbouŋ na ni toona, ŋaan bi daa tuun toona maŋ bi tiɔŋu. Faa saa wann Liifai teeb ki bi tuun bi toona biaŋinbae na.”

Matiu 5:16

Ii muni be nna; ŋaant ki i yentu n yent tur nisaarii, ki bii laat i toonŋana kii dont i Baa Yennu nba be sanpaapo na.

Toona 6:4

ŋaan timm n jii ti mɔŋ yoo ki teen Yenmiaru ni, nan Yennu maan wannu ni, ki daa naki.”

1 Korint teeb 16:15

I poŋ mi Stefanas nan u ŋaateeb po, ŋamme din tee niib nba sint teen Masiaweira, Akaya yent ni, ki jii bi mɔŋ ki tuun ki teen Yennu niib.

2 Korint teeb 4:14

Kimaan ti mi nan Yennu nba din fiin ti Yomdaanɔ Yiisa kuun ni na, ŋɔɔe tan saa fiin timm nan yimm nba waa Yiisa maŋ kuun ni mun, ki baar nant u mɔŋ boor.

2 Korint teeb 8:5

Bi din tur ki li gar taa poŋ din dukii baa saa tur biaŋinbawa. Sinsinn bi din jii bi mɔŋe ki tur ti Yomdaanɔ, ki lian fit jii bi mɔŋ ki turit, Yennu loomm ni.

1 Timoti 4:14

Daa tammit Yennu Seyeeŋ piinii nba be a ni na po; Yennu din tura piinii maŋ yoo nba ki sɔkiniinba din pak a po, ki yudamm bia yii bi nii a paak nae.

1 Timoti 4:16

Ii mi a mɔŋ nan a wannu po. Ii dia wannu nba na, kimaan li-i tee ki a diar, a saa tinn a mɔŋ nan binba ki a wantib nawa.

1 Timoti 4:6

Li-i tee ki a jii kpaanii nba na ki tur Yiisa Masiaweira na, a sii tee u toontunŋanɔe, ki sii dint a mɔŋ nan maan nba ki ti teen yada na, nan wannŋanu nba ki a waa maŋ na.

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

Joosua 1:8

Yabit ki tuu te sennu gbouŋ na-ii karin jiantii ni yoo kur. A tumii gbouŋ maŋ yonnu nan nyiɔk kur, ki sak linba kur sɔb gbouŋ na ni, ŋanne saa te ki a mɔkit ki bia nyann.