1 Timoti 3:8 - Yennu Gbouŋ Mɔɔr

⁸ Li bia kpaa talas ki Masiaweira sommteeb-ii munii mɔk binbenŋaŋ, ki daa tee mɔleemii dammi. Bi daa nyu daan bonchiann, ki bia daa tee liklonbiiuk dammi.

Yennu Gbounpaauŋ Mɔɔr

⁸ Li bia kpaa talas ki Masia niib sommteeb-ii munii mɔk binbenŋaŋ, ki daa mɔk mɔleemii. Li kpaa talas ki bi daa nyu daan bonchiann, ki bia daa tee binba di fobit bi liklommu ni.

1 Timoti 3:8 ပူးပေါင်းရင်းမြစ်များ

Yaŋ 12:2

Bi kur fa faie ki teen bi leeb, bi dia mɔmante ki kparin bi leeb.

Yaŋ 5:9

N datai nba piak linba kur ki tee barmɔnii. Ŋamm kpan loon bin biire. Bi mɔmaan kur mariie, ŋaan ki bi para gbee nan faak nan kpinkpannii.

Yaŋ 50:19

“I teen siir nan mabiit pakue, ki i mɔi farik nan faak,

Yaŋ 52:2

A lorin a fan biir leeb, ki a mɔb di nan bilepaann na, ki a fa fai,

Esekiel 44:21

Mannteeb na tuu daa nyu daan, yoo nba ki bi yaa bin kɔɔ dindouŋ maŋ ni.

Liifai teeb 10:9

“Fin nan a bonjai daa kɔɔ n lanbouŋ ni, li-i tee ki i nyuu daan. I-i tun nna, i saa kpowa. Linba na mun bia tee sennu nba ki i yaaboona sii diae mɔkmɔk nan mɔkmɔk.

Rom Teeb 3:13

bi mɔi yaa nan kayaant nae, ki fai nyi bi mɔi maŋ ni, ki linba nyi bi mɔi ni tee nan waauk lɔbii na;

Filipi teeb 1:1

Min Pɔɔl nan Timoti, timm nba tee Yiisa Masia toontunna nae sɔbin gbouŋ na ki teen Yennu niŋamm kur nba tee Yiisa Masiaweira ki be Filipi doo ni na, nan bi yudamm nan bi sommteeb.

1 Timoti 3:12

Li kpaa talas ki Masiaweira sommtɔɔ-ii mɔk poo yenɔkɔɔ, ki bia fit dia u waas nan u ŋaak niib fanu.

1 Timoti 3:2

Li ki ŋan ki Masiaweira yudaanɔ-ii mɔk bisiati. Li kpaa talase ki wuu mɔk poo yenɔkɔɔ, kii tee subindaanɔ, kii dia u mɔŋ fanu, kii gaan saamm u ŋaak ni kii chantirib, kii tee wunba saa fit wann niib Yennu maan,

1 Timoti 3:3

ki daa tee daanyuuruku, ki daa tee kpikpiruk daanɔ, ŋaan kii be soon nna nan parmaasir, ki daa tee liklonbiiuk daanɔ.

1 Timoti 5:23

A laafia nba ki jaŋa na paak, a daa nyu nyun kuukɔɔ, ŋaan a tuu nyu tilɔɔna daan waan ki lin somm a nɔɔk ni.

Taitus 1:7

kimaan Masiaweira yudaanɔe yen Yennu toona. Li paak, li kpaa talas ki u daa mɔk biiti: U daa tee bongaann, koo wunba dont wutoor yann yanni, koo ki tee danyuuruk, koo kpikpiruk daanɔ, koo liklonbiiuk daanɔ.

Taitus 2:3

A bia kpaan poosaakab na ki bii tee popeendamm. Bi daa tee sanjaanjanna, ki daa mantik tee danyuura. Li kpaa talas ki bii want linba ŋan,

Jeems 3:10

Mɔb nba ki maŋamm nyi na, li mɔb nie ki mabiit bia nyi. N naa waas, li-i tee nnaie, li ki ŋani.

1 Piita 5:2

n kpaaniie, ii guu Yennu niib nba be i nuu ni na, ki li daa tee miar kaa, ŋaan kii tee i yanbɔɔte, Yennu nba loon biaŋinba; ki li bia daa tee likirii paaki; ŋaan tee i kpan koor a i tume.