1 Samuel 3:19 - Yennu Gbouŋ Mɔɔr

¹⁹ Ki Yennu be nan Samuel ki u kpaatir, ki te linba kur Samuel yet, tan gbee.

1 Samuel 3:19 ပူးပေါင်းရင်းမြစ်များ

Pinpiik 21:22

Li yoo na ki bat Abimelek jii u lanjimanba yudaanɔ, ki bi yiu Fikol, ki bi saan Abraham boor, ki saa pakɔ a, “Yennu be nanae linba kur ki a tuun ni.

Pinpiik 28:15

I mi nan n sii be nana faa saa saan siaminba kur, ki saa nyinna bonbiir ni, ki tan tunn jen nana nna. N kan nyikaani, see ki n tan tun linba kur ki n senn mɔsonn nan n saa tun na.”

Pinpiik 39:2

Ki Yennu be nan Joosef, ki u laat nyannu, ki kɔɔ u chanbaa, Ijipt nirɔ na ŋaak.

Pinpiik 39:3

Ki u chanbaa na la nan Yennu be nan Joosef, ki linba kur ki u tun, ki li pukiiɔ nyɔɔt.

1 Kpanbara 8:56

“Pakin Yennu nba tur u niib parmaasir nan waa din pak a u saa tun na. U dia u mɔsonŋana nba ki u din tur u toontunnɔ Moses na.

2 Kpanbara 10:10

Nae want nan Yennu nba din pak linba kur ki jiin Ahab yaaboona po na saa mann mɔnii. Yennu tun linba ki u din senn mɔsonn ki te ki u sɔkinii Elaija pak nawa.”

2 Kpanbara 15:12

Ki Yennu nba din senn mɔsonn nba tur Jehu na gbee. U din yet a, “A yaaboona ki saa tuu maaru munna ni sii yɔɔ di Israel naame.”

2 Kpanbara 22:16

mɔmaan nba nyii Yennu boor na a: “N yaa n dat Jerusalem nan li niib kur tubae, nan laa sɔb sennu gbouŋ ni biaŋinba ki kpanbar karin na.

Aisaya 43:2

Yi-i sik nyun sunsuŋ ni, ŋaan n sii be nani. I daamii kan nyanni. Yi-i kɔɔ muu ni, ŋaan li kan di-i; ki bonpaarir nba baarii, ŋaan li kan teeni siari.

Aisaya 44:26

Ŋaan n toontunnɔ-i bunt buntir, koo mi-i tun toomii a wun wann n lora, n tuu te ki buntir na, nan n lora na n teen mɔniie. N pak Jerusalem, a niib tan saa ŋamm kar leŋ, ki pak Juda doi, a niib tan saa ŋamm maab. Bi saa ŋamm ki fiin doi maŋ langbent.

Aisaya 55:11

Nnae mun ki mɔmaan nba ki n saa pak na sii tee, ki linba ki n lor maa lin tun na kan gbar tumu. Ki li saa tun linba kur ki n tumir a lin tun.

Matiu 1:23

“Sapaanmunn tan saa soor poor ki mar bonjak, ki bi saa purɔ Imanuel.” Li paak tee a “Yennu be nant.”

Barŋanii nba ki LUK din sɔb nae na 1:28

Ki malaka na tan baar Meeri boor ki yetɔ a, “N foonta. Yennu par mei a paak, ki u bia be nana.”

Barŋanii nba ki LUK din sɔb nae na 1:80

Bik maŋ din kpaatire ki pukii nan Yennu bannu, ki kɔɔ muuk ki saa be tatata nan yoo nba tan baar nan wun dɔkit Israel teeb paak.

Barŋanii nba ki LUK din sɔb nae na 2:40

Ki bik na tan kpaat nan paŋ nan subinii bonchiann, ki Yennu par mei u paak.

Barŋanii nba ki LUK din sɔb nae na 2:52

Ki Yiisa kpaatir ki pukii nan subinii, ki Yennu nan nisaarii para mei u paak.

2 Korint teeb 13:11

N naa waas, linba ji biar tee min chabie. Ŋammit i sɔnu kii saak n kpaanii man, kii mɔk mɔtaauk nan parmaasir; ki Yennu nba loonit ki teent parmaasir na sii be nani.

Sennu 18:22

Li-i tee ki sɔkinii pak Yennu sann ni, ki linba ki u pak na ki tumii, ŋann li ki tee Yennu mɔmaan kaa. Sɔkinii maŋ pak u mɔŋ yiikoo nie, i daa tiinɔ jaŋmaanii.

2 Timoti 4:22

Ti Yomdaanɔ-ii be nana. Yennu ninkpabauŋ-ii be nani.

Joosua 21:45

Yennu din dia u mɔsona kur nba ki u senn ki tur Israel teeb nae.

Barbuura 13:24

Li poor po, poo na din mar bonjak ki purɔ Samsonn, ki Yennu teen piisin u paak, ki u din kpaat.

1 Samuel 10:7

Yoo nba ki linba na kur baara, fan tun nan Yennu nba saa wanna biaŋinba na.

1 Samuel 12:2

Ki mɔtana i ji mɔk kpanbar, ki u sii tee i tɔɔndaanɔ. Min ŋarin kpet ki yur penna, ki n bonjai be nani. Maa fiir n bisin niŋa, mine tee i tɔɔndaanɔ nan mɔtana.

1 Samuel 16:18

Ki u toontunna na yenɔ betɔ a, “N la Jese nba nyii Betlehem na bija, ki u tee wunba saa fit faa kɔnn fanu. U mɔk par, ki tee kunkɔnkɔnnɔ, ki piak ki ki bitin, ki bia tee naasinŋaŋ, ki Yennu be nanɔ.”

1 Samuel 18:12

Sɔɔl ji din tiin Defid jaŋmaaniie, kimaan Yennu din be nanɔ, ŋaan nyik ŋɔɔ Sɔɔl.

1 Samuel 18:14

Ki linba kur Defid tun, u din tuu nyanne, kimaan Yennu be nanɔ.

1 Samuel 18:5

Siaminba kur ki Sɔɔl din tuu tun Defid, u tuu saan ki nyanna. Li paak, ki Sɔɔl jiiu ki teenɔ u kunkɔnkɔnna saakab yenɔ. Linba na din maŋ Sɔɔl jab nan bi saakab kur.

1 Samuel 2:21

Yennu set din teen piisin Hana paak, ki u mar bonjai bantaa nan bonpoi banlee ki pukin, ki bonjabik Samuel kpaatir nan Yennu toona.

1 Samuel 2:26

Samuel din ŋammit ki kpaatir, ki mɔk binbenŋaŋ, ki li gboot Yennu nan nisaarii numm.

1 Samuel 9:6

Ki u toontunnɔ na betɔ a, “Gotirii, Yennu nirɔ be doo nba na ni, ki niib chɔrimɔ, kimaan linba ki u yet, li tuu tan teen mɔniie. Ŋaant ki tin saan u boor. Li pasiar u saa fit wannit taa saa lon bonii na siaminba ki laba.”