1 Samuel 28:15 - Yennu Gbouŋ Mɔɔr

¹⁵ Ki Samuel yet Sɔɔl a, “Bee ki a daamiin, ki fiinimi?” Ki Sɔɔl jiin a, “N be parbiir nie. Filistia teeb nyii a bin faan tɔbe, ki Yennu mun nyikima, u ji ki gat teenin ki li nyi u sɔkiniinba masɔkinkar, koo damiit ni. Li paake teen ki n yiina, maa a wannin maa saa teen biaŋinba.”

1 Samuel 28:15 ပူးပေါင်းရင်းမြစ်များ

Yaŋ 51:11

A daa beer ki nyintin a boor, koo ki nyinn a Seyeeŋ na n ni.

Barjokit 14:14

Nibiit na saa la linba jaŋ namme; niŋamm saa la bi toona paauk.

Hosea 9:12

Ki i-i lekii mar waasi, ŋaan n saa jiibe ki yaat namm, ki kan nyik nan yenɔkɔɔwa ki u mɔk manfoori. Mi-i nyiki yoo nba, bonbilankante saa baari.”

Matiu 25:41

“Li poorpo, n tan saa jiant ki bet binba see n niigaŋ po na a ‘Yimm nibiit nba ŋan nan tubdatu na, seetir nna. Ii saa man ki saa kɔɔ muu nba di ki kaa kpeenu, ki Yennu ŋamm ki guun Sintaanii nan u niib na ni,

Barbuura 16:20

Ki Delila ji tant yiin a, “Samsonn, Filistia teeb na baat.” Ki Samsonn fiir gɔɔn ni ki dukii a, “N saa fat n mɔŋe kii be n yamani nan maa tuu tee na,” ŋaan ki ki mi a Yennu ji ki be nanɔ.

1 Samuel 18:12

Sɔɔl ji din tiin Defid jaŋmaaniie, kimaan Yennu din be nanɔ, ŋaan nyik ŋɔɔ Sɔɔl.

1 Samuel 23:2

Ki u boi Yennu a, “N saan ki lek Filistia teeb na-a?” Ki Yennu jiin a, “Nn, ii saa ki lekib, ki tinn Keila doo.”

1 Samuel 23:4

Ki Defid bia ŋamm boi Yennu, ki Yennu betɔ a, “Ii saa Keila, kimaan n saa te ki a nyann Filistia teeb nawa.”

1 Samuel 28:11

Ki poo na boi a, “Ŋmee ki n saa yiinɔ turani?” Ki Sɔɔl jiin a, “Yiint Samuel.”

1 Samuel 28:16

Ki Samuel yet a, “Bee teen ki a yiinin, ŋaan Yennu nyikawa, ki tee a dataake?

1 Samuel 28:6

Ki u boi Yennu waa saa teen biaŋinba, ŋaan Yennu ki turɔ gatu damiit ni, koo ki sɔkin ki tur sɔkiniinba ni, koo tana nba ki bi yir Yurim nan Tumim na ni.

1 Samuel 28:8

Ki Sɔɔl lebit u liant a lin te ki bi daa bantɔ. Li daar ki ŋɔɔ nan jab banlee fiir nyiɔk ki saan poo na boor, ki saa yetɔ a, “N loon fan boi kpeemme ki turin, ki bin wannin linba saa tun. A yiin kpeemmɔ nba ki n saa tura u sann.”

1 Samuel 30:6

Defid ji din be parbiir nie, kimaan u jab na para din biir nan baa kɔŋ bi bonjai nan bonpoi na, ki bi ji piak nan bin jaat Defid tana. Ki ti Yomdaanɔ Yennu chee Defid par.