1 Samuel 24:10 - Yennu Gbouŋ Mɔɔr

¹⁰ Dinna daar nba na, a la nan a numm, biaŋinba ki Yennu jiia ki kubin n nii ni, tanfiiɔk na ni, ki n jab na siab yaa min kpiia, ŋaan ki ninbaauk soorin nana, ki n yet a, ‘N kan ban jii n nuu ki sii fin chanbaa, kimaan fine tee daanɔ nba ki Yennu gann, a fii tee kpanbar.’

1 Samuel 24:10 ပူးပေါင်းရင်းမြစ်များ

Yaŋ 105:15

“I daa paa n nigannkab na daŋi, i daa siit n sɔkiniinba na.”

Yaŋ 125:3

Biit damm kii tun ki dia kasii dammi, bi-i tun ki diabi, kasii damm na mun tan saa mann tun biita.

Yaŋ 7:3

N Yomdaanɔ Yennu, li-i tee ki n tun ki biir sɔɔ, li-i tee ki n nyii n yɔsiak poor, koo ki n ki mɔk ninbatinu nan daansɔɔ nba biirin, li-i tee ki n tun linba na yenn,

Nyinu 21:13

Li-i tee ki u kpet faau-ie, u saa fit chiar ki saan siaminba ki n saa wannii na, ki leŋe ki u saa foor.

Esekiel 22:9

Ki i niib na siab fa fai, ki te ki bi kpi leeb, ki i siab ŋman nant nba ki bi mannir poochianfei ni, ki siab mun ki nyik bi nianbiiuk tumu.

Liifai teeb 19:16

A daa lin fa faak ki tabint leeb, ki li-i tee sɔɔ be maan ni ki kɔn u manfoor paak, ki li tee a siara saa fit sommɔ, fan pak a barmɔnii. Mine tee Yennu.

1 Samuel 24:4

Ki Defid jab na yet a, “Daar nba nae ki Yennu din paka nan u saa jii a dataak ki kubin a nuu ni, ki a saa fit teenɔ faa loon biaŋinba.” Ki Defid bɔk soon nna ki saa bɔkin, ki pot Sɔɔl liatir mɔgbann, ki Sɔɔl ki banni.

1 Samuel 24:9

ki yetɔ a, “Bee teen ki a gbia niib nba yeena nan n koor a n kpiiani?