1 Samuel 23:7 - Yennu Gbouŋ Mɔɔr

⁷ Bi din bet Sɔɔl nan Defid saan Keila-wa, ki Sɔɔl yet a, “Yennu jii Defid ki kubin n nuu niŋa. Defid soor u mɔŋ baruk, kimaan u kɔɔ doo nba ki bi maa joona ki linta, ki li tammɔi mɔk gankparkara.”

1 Samuel 23:7 ပူးပေါင်းရင်းမြစ်များ

JOB labaar 20:5

nibiiuk ki ban mɔk parpeenn ki li yukii.

Yaŋ 31:21

Pakin Yennu, kimaan u tun u lomm nba kaa paak nae ki turin, yoo nba ki n datai bo lekin ki n be bi sinsuuk ni na.

Nyinu 14:3

Kpanbar na saa dukin nan Israel teeb na lin turime yent na ni, ki kpaan sɔnu nba ki bi saa nyi kunkoouk na ni.

Nyinu 15:9

Ki datai na yet a, ‘Ti saa wei beribe ki soorib, ki bɔkit bi mɔkint na ki gann taa loon linba. Ti saa nɔɔt ti jukbanjaie ki jii baa mɔk linba kur.’

1 Samuel 23:14

Defid din bɔr kunkona tiŋ nie, ki li be kunkoouk nba kpia Sif na. Sɔɔl lek din koor a wun lon u boore, ŋaan Yennu din ki jii Defid ki turɔ.

1 Samuel 23:6

Yoo nba ki Ahimelek bija Abiatar din bot ki saan taan Defid, Keila doo ni na, u din jii mannteeb liatjabik nae ki saan nann.

1 Samuel 23:8

Ki Sɔɔl yiin u kunkɔnkɔnna kur, ki bi teen siir nan bin faa tɔb, ki saan Keila doo ni a bin saa soor Defid nan u jab.