1 Samuel 18:12 - Yennu Gbouŋ Mɔɔr

¹² Sɔɔl ji din tiin Defid jaŋmaaniie, kimaan Yennu din be nanɔ, ŋaan nyik ŋɔɔ Sɔɔl.

1 Samuel 18:12 ပူးပေါင်းရင်းမြစ်များ

2 Samuel 5:10

U naan din kpaatir nan paŋe yoo kur, kimaan Yabint daanɔ Yennu din be nanɔ.

2 Barkperii 17:3

Yennu din teen piisin Jehosafat paak, kimaan u din gaar u baa Asa naan pinpiik binbeŋe, ki ki jiant tingbann nba tee Baal na.

Yaŋ 51:11

A daa beer ki nyintin a boor, koo ki nyinn a Seyeeŋ na n ni.

Yaŋ 53:5

Jaŋmaanii bia saa ŋamm soorib ki gar baa tuu mi biaŋinba. Yennu saa kpi u niib datai ki yat bi kpaba. Yennu yêtibe, ki saa te ki Israel teeb na n nyannib.

Hosea 9:12

Ki i-i lekii mar waasi, ŋaan n saa jiibe ki yaat namm, ki kan nyik nan yenɔkɔɔwa ki u mɔk manfoori. Mi-i nyiki yoo nba, bonbilankante saa baari.”

Matiu 25:41

“Li poorpo, n tan saa jiant ki bet binba see n niigaŋ po na a ‘Yimm nibiit nba ŋan nan tubdatu na, seetir nna. Ii saa man ki saa kɔɔ muu nba di ki kaa kpeenu, ki Yennu ŋamm ki guun Sintaanii nan u niib na ni,

Barŋanii nba ki MAK din sɔb nae na 6:20

Herod din tiin Jɔɔnn, kimaan u mi nan Jɔɔnn tee popeendaanɔ nba tiin Yennu-e. Li paak ki u tinn Jɔɔnn. Ki Jɔɔnn nba mɔɔntir Yennu maan na, ki li ŋmat Herod yan bonchiann, ŋaan ki u lek gubin ki gbiintir u maan maŋ.

Barŋanii nba ki LUK din sɔb nae na 8:37

Ŋanne ki Gerasa tiŋ ni niib kur baar Yiisa boor ki barimɔ a wun seet kii saa, kimaan jaŋmaanii soorib hei. Ki Yiisa ji kɔɔ burgbetir na ni a wun ŋmat poot;

Toona 24:25

Tɔn, Pɔɔl nba piak ki want yentinu nan mɔŋdianu nan buut daar baaru po yoo nba, ki jaŋmaanii ji soor Fiiliks, ki u yet a, “Mɔtana, i daa kii saa, ŋaan li-i tee ki n la yaak, n bia saa ŋamm yiina.”

Toona 7:9

Ki Jakɔb waas maŋ din tan mɔk punponn nan bi waarɔ Joosef, ki din soorɔ ki kɔiɔ, ki siab daau ki saan nanɔ Ijipt tiŋ ni, ŋaan Yennu din be nanɔ,

Barbuura 16:20

Ki Delila ji tant yiin a, “Samsonn, Filistia teeb na baat.” Ki Samsonn fiir gɔɔn ni ki dukii a, “N saa fat n mɔŋe kii be n yamani nan maa tuu tee na,” ŋaan ki ki mi a Yennu ji ki be nanɔ.

1 Samuel 16:18

Ki u toontunna na yenɔ betɔ a, “N la Jese nba nyii Betlehem na bija, ki u tee wunba saa fit faa kɔnn fanu. U mɔk par, ki tee kunkɔnkɔnnɔ, ki piak ki ki bitin, ki bia tee naasinŋaŋ, ki Yennu be nanɔ.”

1 Samuel 16:4

Ki Samuel tun nan Yennu nba wannɔ biaŋinba na, ki fiir saan Betlehem. Waa saa baar leŋ yoo nba, ki jaŋmaanii soor doo na ni saakab, ki bi tookɔ ki boi a, “Chanbaa, a baar parmaasir baarue-e?”

1 Samuel 18:15

Sɔɔl din diit ki la Defid nyannu nba tee, ki jaŋmaanii ŋamm kɔɔu.

1 Samuel 18:20

Sɔɔl bipoo bonbik po Mikal niɔŋ din kɔɔ Defid ni, ki bi yet Sɔɔl ki jiin li po, ki Sɔɔl mɔk parpeenn,

1 Samuel 18:29

Ki jaŋmaanii ŋamm kɔɔ Sɔɔl, ki u tiin Defid, ki ji din tee u dataak nan ŋɔɔ Sɔɔl kuun.

1 Samuel 20:13

Li-i muni tee ki n baa lor a wun kpiia, ŋaan ki n ki wanna ki te ki a chiari, Yennu n faa kpin. Yennu-ii be nana, nan waa din be nan n baa biaŋinba na.

1 Samuel 22:13

Ki Sɔɔl boiɔ a, “Bee ki fin nan Defid lorin a yin kpimi? Bee ki a turɔ jeet nan jukbanjiak, ki bia boi Yennu waa saa tun linba? Mɔtana u ŋmant n paake, ki kpaan sɔnii a wun kpin.”

1 Samuel 28:15

Ki Samuel yet Sɔɔl a, “Bee ki a daamiin, ki fiinimi?” Ki Sɔɔl jiin a, “N be parbiir nie. Filistia teeb nyii a bin faan tɔbe, ki Yennu mun nyikima, u ji ki gat teenin ki li nyi u sɔkiniinba masɔkinkar, koo damiit ni. Li paake teen ki n yiina, maa a wannin maa saa teen biaŋinba.”

1 Samuel 3:19

Ki Yennu be nan Samuel ki u kpaatir, ki te linba kur Samuel yet, tan gbee.