1 Samuel 12:9 - Yennu Gbouŋ Mɔɔr

⁹ Ŋaan niib na din tamm bi Yomdaanɔ Yennu poe. Li paak ki u din te Sisera, wunba tee Hasor doo kunkɔnkɔnna saakɔɔ na, nan Filistia teeb, nan Moab bat, kɔn namm ki nyannib.

1 Samuel 12:9 ပူးပေါင်းရင်းမြစ်များ

Yaŋ 106:21

Bi din tamm Yennu nba din jii u panchiɔŋ toona ki nyinnib Ijipt na poe.

Aisaya 63:10

ŋaan ki bi yêtɔ, ki te ki u kasii Seek na la parbiir. Ŋanne ki Yennu kpant bi dataak ki kɔn namm.

Jeremaya 2:32

Poopaaŋ tammit u salinbaŋ po-o, koo pooyookir tammit u chiann liant po-o? Ŋaan yimm n niib tamm n po ki li wei ki gar yoowa.

Sennu 32:18

Bi din tamm Yennu po, wunba tee yabint tinntɔɔ ki turib manfoor na.

Sennu 32:30

Nlee ki yenɔ kɔn ki nyann bi tusiri, ki banlee kɔn ki nyann bi tusaa piiki? Linba na tun kimaan bi Yomdaanɔ Yennu nyikiba. Bi Yabint Yennu jiib ki turib bi dataiwa.

Barbuura 10:7

Li paak ki Yennu wutoor doo Israel teeb paak, ki u te ki Filistia teeb nan Amonn teeb kɔn ki nyannib.

Barbuura 13:1

Israel teeb bia din ŋamm tun ki biir Yennu, ki Yennu te ki Filistia teeb diab bina piinna.

Barbuura 2:14

ki Yennu wutoor ŋamm doo Israel teeb paak, ki u te fat-teeb lekib ki fat bi mɔkint, ki jiib ki kɔib tur bi datai. Ki Israel teeb ji din ki fit gɔi bi mɔŋ.

Barbuura 3:12

Ki Israel teeb bia tun ki biir Yennu. Baa din tun ki biir na paake teen ki Yennu tur Moab bat Eglonn paŋ ki gar Israel teeb.

Barbuura 3:31

Saakɔɔ nba din wei paan Ehud paak din tee Samgar-e. U din tee Anaf bijae, ki mun bia din tinn Israel teeb. U din jii gbajare ki kpii Filistia teeb kobii ŋanloob.

Barbuura 4:2

ki Yennu te ki Keenann bat Jabinn kɔn ki nyannib. U din kar Hasor doo ni, ki Sisera tee u kunkɔnkɔnna saakɔɔ, ki kɔɔ Harosef Hagoyim.

1 Samuel 12:15

ŋaan li-i tee ki i ki gbiint Yennu sennu, ki yêtiri, u wutoor saa do i paake nan laa din doo i yeejamm paak biaŋinba na.