1 Samuel 12:21 - Yennu Gbouŋ Mɔɔr

²¹ I daa lin kpaan yennii nba ki tee Yenmɔnii na, bi kan fit sommini, ki bia kan fit tinni, kimaan bi ki fo.

1 Samuel 12:21 ပူးပေါင်းရင်းမြစ်များ

2 Kpanbara 17:15

Bi din yêt Yennu wannue, ki ki dia mɔlor nba ki Yennu lor nan bi yeejamm na, ki ki fiin u kpaanii na po. Bi din jiantir yenbise, linba kaa nyɔɔti, ki bi mɔŋ tan kaa nyɔɔti, ki waa niib nba kɔɔ kpiab na taa, ki yêt Yennu sennu nba ki u yet a bi daa tokii leeb na.

Aisaya 41:29

Tingbana na kur ki mɔk nyɔɔti, bi kan fit teen siari; tingbana na tee butimme, bi kaa pansiaki.”

Aisaya 45:20

Ki Yennu yet a, “Lakint man, yimm digbana teeb, yimm nba nyii digbana biiru ni na, baat buut man. Niib nba somm nan bi pata nba tee daat, ki mei pata nba kan fit tinnib na, niib maŋ ki mi siar nan waama.

Aisaya 46:7

Bi tuu wokitire ki buk ki saan sennir, ki li see, ki kan fit chat baa sennir siaminba na. Nirɔ-i miar siar, li kan fit jiin, koo ki tinnɔ biiru ni.

Jeremaya 10:15

Bi ki mɔk nyɔɔt, ki tee bin yisimme. Yennu-i baar bi paak nan wutoor yoo nba, u saa biiriba.

Jeremaya 10:8

Bi kura tee jatit nan bonliiniie. Bi saa tumii bee, baa jii tiinii ki nan pata nba na boori?

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Jeremaya 2:13

kimaan n niib tun biit booru munlee-e; bi ŋmant bi poor ki tur min nba teen nyunŋanin na, ŋaan gbiir gbiit nba tee bonyiant, ki nyun kan fit be leŋ.

Jeremaya 2:5

Yennu yet a: “Bilante ki i yeejamm din baar nann n paaki? Bee din te ki bi lek bi numm ki nyikimi? Bi din jiant yenbise, yenbis nba kaa nyɔɔti, ki li te ki bi mɔŋ mun ji kaa nyɔɔti.

Jona 2:8

Binba jiantir pata na, bi ki laat piisin nba ki a bo sii teemm na.

Jona 2:9

Ŋaan min saa yin yaŋ ki dont fine. N saa mann maruŋ ki tura, ki bia tun linba ki n senn mɔsonn nan n saa tun na. Tinnu nyi Yennu boore.”

Habakuk 2:18

Tingbann nyɔɔt tee bee? Tingbann tee linba ki nirɔ ŋammire, li ki beera siar see faak kuukɔɔ. Nyɔlante ki u teen wunba namɔ na, ki u maa u paaki. Tingbann kan fit pak maan gbaa.

Toona 14:15

“Bee ki i tuun nna? Ti mun tee nisaariie nan yimm na, ki mɔɔntir Yiisa barŋanii, a tin ŋmanti ki yin nyik bon-yana maŋ, ŋaan kii waa manfodaanɔ Yennu, wunba nan sanpaak nan tiŋ nan mɔkgbeŋa nan linba kur be li ni.

1 Korint teeb 8:4

Tɔn, ki jiin nant nba ki bi mann pata na ŋmamu po; ti mi nan patir tee bont nba ki foe, ki bia mi nan Yen-yenɔkɔɔe be.

Sennu 11:16

Ii mi man, ki daa gaan kpinkpannii, kii tan saa mann nyik Yennu jiantu ŋaan wei ki jiant pata.

Sennu 30:17

Ŋaan li-i tee ki i ki sak yin gbiintɔ, ki ŋmant ki jiantir yennii,

Sennu 32:21

Bi patmannu nae donn n wutoor. Li mɔkin funfunn nan bi yenbis na; yensau kaa ki mɔk nyɔɔti. N saa jii digbanŋmaŋire ki donn bi wutoor, n saa jii digbanliiŋ nnae ki kɔɔmm funfunn.