1 Piita 5:10 - Yennu Gbouŋ Mɔɔr

¹⁰ Ŋaan li-i tee ki i dii biak yoo waaminna, Yennu nba mɔk ninbatinu kur na saa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u manu nba kaa gbennu na.

Yennu Gbounpaauŋ Mɔɔr

¹⁰ Ŋaan li-i tee ki i di fara yoo waaminna, ki Yennu nba mɔk ninbatinu kur na sa ŋamm i binbeŋ, ki chee i para, ki turi paŋ; ŋɔɔe din yiini Masia paak a yii di u mant nba kaa gbennu na.

1 Piita 5:10 ပူးပေါင်းရင်းမြစ်များ

Yaŋ 119:28

Parbiir gbee ki yentima, kɔɔntin paŋ, nan faa senn mɔsonn biaŋinba na.

Yaŋ 138:7

Daamii-i lintin yoo nba, a tuu fatime, a tuu biir n datawutodamm nae, ŋaan jii a paŋ ki tinnin.

Yaŋ 86:15

Ŋaan fin n Yomdaanɔ, fine tee ninbatinu nan lomm Yennu, ki mɔk sukuru nan barmɔnii nan burchint.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Sekaria 10:12

N saa te ki n niib na mɔk paŋ, bi saa jiantin ki sak n mɔb.” Yennu-e pak na.

Sekaria 10:6

“N saa te ki Juda teeb-ii mɔk paŋ. N saa fat Israel teeb na. N sii mɔk ninbatinu bi paak, ki jen kpen namm, ki bi sii tee nan n ki mi yêtib na. Mine tee bi Yomdaanɔ Yennu; n saa gat bi miaruwa.

Barŋanii nba ki LUK din sɔb nae na 22:32

Ŋaan fin Simonn, mine miar Yennu a paak, maa a yada daa baa; ki yoo nba ki a ji jen n boor ni, a tot a naa waas.”

Rom Teeb 15:13

Yennu nba turit dindann na, yaa teenɔ yada na paak, u saa turi parmaasir nan parpeenn bonchiann, ki ŋɔɔ Yennu Seyeeŋ paŋ saa te ki i dindann na n ŋamm yabit.

Rom Teeb 15:5

Yennu nba teent sukuru ki kɔɔntit para na, wun turi dudukyennkɔɔ nan Yiisa Masia nba loon biaŋinba na;

Rom Teeb 16:25

Li ŋan ki tin baak Yennu, kimaan u fit te ki i set waau fanu nan maa mɔɔnt barŋanii ki jiin Yiisa Masia po, ki li fiit woonin ni barmɔnii nba din bɔr bina bina na.

Rom Teeb 9:11

Yoo nba ki bi daa din ki marib ki bi ki tun linba ŋan koo linba bi na, ki Yennu yet a bikperik nae tan sii tee waarɔ po na jiamɔ. Yennu yet nna a u loomme n tun. Li paak, u loomm tee wun gann niibe, li ki tee bi toona paak; ŋaan li tee waa loon ki gann biaŋinbae.

Rom Teeb 9:24

Li tee timm nba ki u gann nae; li ki tee Juu teeb kuukɔɔ kaa, ŋaan nan binba ki tee Juu teeb nawa.

1 Korint teeb 1:10

N naa waas, n barimie ti Yomdaanɔ Yiisa Masia sann ni, a yin taan mɔb, ki mɔniɔk daa be i sinsuuk ni, ki yii taa mɔyemmkɔɔ nan dudukyennkɔɔ.

1 Korint teeb 1:9

Yennu-i yaa u saa tun linba, u tuun ŋanne. U yiinie a yimm nan u bik ti Yomdaanɔ Yiisa Masia-ii mɔk mɔtaauk nan leeb.

2 Korint teeb 13:11

N naa waas, linba ji biar tee min chabie. Ŋammit i sɔnu kii saak n kpaanii man, kii mɔk mɔtaauk nan parmaasir; ki Yennu nba loonit ki teent parmaasir na sii be nani.

2 Korint teeb 4:17

Li paak, biak waaminna nba ki ti di, ki li kan yukir nae, tan saa baar nan parpeenn nba yab ki kaa gbennu ki turit, ki parpeenn maŋ tan sii yab ki gar ti biak na bonchiann,

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

Kolosa teeb 2:7

ki sikin i yada jiina u ni, ki i yada-ii be u ni, kii mɔk paŋ nan baa din wanni biaŋinba na, kii teenɔ niipoouk yoo kur.

1 Tesalonika teeb 2:12

ki maant i para, ki tun kpaani a yii be binbensiak nba saa gboo Yennu numm. Ŋɔɔe yiini a wun kɔɔni u tiɔŋ naan ni nan yentchiɔŋ ni.

2 Tesalonika teeb 2:14

Taa din mɔɔnt barŋanii nba ki turi nae, ki Yennu yiini ki tinni, a yii be fanu nan ti Yomdaanɔ Yiisa Masia nba be biaŋinba na.

2 Tesalonika teeb 2:17

wun chee i para ki turi paŋ, ki yin fit tun linba ŋan, kii biaki piak barii nba ŋan yoo kur.

2 Tesalonika teeb 3:3

Ŋaan ti Yomdaanɔ tee barmɔnii daanɔe, ki saa turi paŋ, kii guui, ki biitdaanɔ Sintaanii kan fit teeni siari.

1 Timoti 6:12

Yabit a mɔŋ kii waa yada sɔnu nan ninmɔnn, kii dia manfoor nba kaa gbennu na. Yennu din yiina ki a gaar manfoor maŋe, yoo nba ki a din nyinn a mɔŋ paanu ki tur Masia, niib bonchiann numm ni na.

2 Timoti 1:9

Ŋɔɔ Yennu-e tinnit ki yiinit a tii tee popeendamm. Waa yiinit biaŋinba, li ki tee ti toonŋana paak kaa, ŋaan u mɔŋe din senn a u saa tint ninbaauk, Yiisa Masia paak. U din senn nnae yoo nba ki u daa ki nan durinya na.

2 Timoti 2:10

Ŋaan Yennu nigannkab na paak ki n lek di sukuru biak kur ni, a bin mun la tinnu Yiisa Masia paak, kii mɔk parpeenn nba kaa gbennu na.

Hiibru teeb 9:15

Li paak, Masia-e tee wunba ŋamii mɔlorpaann na, a Yennu nba yiin binba na n la yiar sanpaapo mɔkmɔk nan mɔkmɔk, nan ŋɔɔ Yennu nba lor na. Bi saa la yiar maŋ, kimaan Masia poŋ din kpowa; li paak, binba din tuun toonbiit yoo nba ki sinsinn mɔlor daa din see na, u kuun maŋ nyinnib toonbiit maŋ tubdatu niwa.

1 Piita 1:15

Yennu nba yiini na tee kasiie, li paak, ii muni tee kasii man,

1 Piita 4:10

Sɔɔ kur nan waa gaar yan nba nyii Yennu boore, i diar fanu ki jii yan maŋ ki somm i leeb.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nae; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu n la paku bonsiar kur ni, Yiisa Masia paak; ŋɔɔ Yennu-e yen paku nan paŋ kur mɔkmɔk nan mɔkmɔk. Mamɔmm.

2 Piita 1:3

Yennu paŋ yab bonchiann; ki u teent linba kur tee manfoor nan yentinu yar, kimaan taa miu na paak; ŋɔɔe din yiinit u yentsaakar nan binbenŋaŋ ni.

1 Jɔɔnn 2:25

ki mɔsonn nba ki u senn ki turit na tee manfoor nba kaa gbennue.

Juud 1:24

Yennu saa fit guui ki i daa baa, ki saa baar nani u tɔɔnn, yentsaakar ni, ki i ki mɔk biit, ki i sii mɔk parpeenn bonchiann;