1 Piita 2:9 - Yennu Gbouŋ Mɔɔr

⁹ Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.

Yennu Gbounpaauŋ Mɔɔr

⁹ Ŋaan yimm ŋanin tee Yennu nigannkabe, ki bia tee u naan ni niib binba jiantirɔ, ki bia tee nibooru nba tee popeendamm, ki bia tee u tiauŋ niib, ki yii mɔɔntir u burchintuk po, ŋɔɔ nba nyinni bunbɔnn ni, ki baar nani u bakitnauŋ yentu ni.

1 Piita 2:9 ပူးပေါင်းရင်းမြစ်များ

Yaŋ 106:5

Ŋaant ki man la ki a niib mɔkitir, ki biit namm bi parpeenn, ki bia biit nan a niib maŋ parpeenn kpinkpammuk.

Yaŋ 118:27

Yennu-e tee ti Yomdaanɔ, u tun ŋane ki turit. Ii dia faat i nii ni, ki piin jaamm na, kii somm kii lintir maruŋ binbintir na.

Yaŋ 135:4

U gann Jakɔb yaaboonae ki teemm u yab, ki jii Israel teeb maŋ ki teemm u niib.

Yaŋ 22:30

Maar paanu nba tan saa fiir saa jiantɔ, ki bi tan saa pak tur maar paanu nba saa fiir na ki jiin Yennu po.

Yaŋ 33:12

Parpeenn be digbann nba ki Yennu tee bi Yomdaanɔ na paak. Parpeenn be niib nba ki u gannib ki bi tee u yab na paak.

Yaŋ 73:15

Li-i bonni tee ki n yet mabooru na, n bo saa jurin a niibe.

Aisaya 26:2

Lootir doo na tammɔi ki ŋaan digbann nba ki mɔk biit na n kɔɔ, digbann nba niib tuun linba took.

Aisaya 41:8

“Ŋaan yimm Israel teebe tee n toontunna, ki tee niib nba ki n gann, kii tee n yɔɔk Abraham yaaboona.

Aisaya 42:16

“N saa tɔkin nan n jɔɔnii na, sɔnu nba ki bi ki ban tɔkine. N saa kpint bi bunbɔnn na ki teenir yentu, ki naa digbangbetima na ki turib. N mɔsonae na, ki n saa dia mɔsona maŋa.

Aisaya 44:1

Yennu yet a, “Gbiintir man, yimm Israel teeb nba tee Jakɔb yaaboona, ki tee n toontunna nba ki n gann.

Aisaya 61:6

ki bi sii yi-i Yennu mannteeb, ki yi-i Yennu toontunna. I saa di digbana na mɔkint, ki sii mɔk parbifaant nan li tee i yare.

Aisaya 62:12

I sann sii tee “Yennu kasii niib,” nan “Niib nba ki Yennu tinnib.” Jerusalem sann sii tee “Doo nba ki Yennu loon,” nan “Doo nba ki Yennu ki yêtir.”

Aisaya 66:21

N saa teen bi yemm nba mannteeb nan Liifai teeb.

Aisaya 9:2

Niib nba tuu somm bunbɔnn ni na ji la yentchiɔŋa. Bi tuu be bunbɔnn tiŋ na nie, ŋaan mɔtana yeeuŋ yent bi paaka.

Malakai 3:17

Yabint Yennu yet a, “Ŋamme sii tee n niib. Buut daar, bi sii tee n mɔŋ mɔŋ yabe. Ki n saa timm ninbaauk, nan bibaa nba tuu mɔk ninbatinu u bik nba tuunɔ biaŋinba na.

Matiu 4:16

yimm nba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Matiu 5:16

Ii muni be nna; ŋaant ki i yentu n yent tur nisaarii, ki bii laat i toonŋana kii dont i Baa Yennu nba be sanpaapo na.

Barŋanii nba ki LUK din sɔb nae na 1:79

ki li tan saa yent sanpaapo ki tur binba be kuun bunbɔnn ni na; ki bia yent ti taa ni ki tin tɔkin parmaasir sɔnjouk na.”

Jɔɔnn 17:19

Ki bi paake ki n jikit n mɔŋ ki teena na, a bin teen a tiɔŋ yab nan barmɔnii.

Toona 20:28

Li paak, ii dia i mɔŋ man bonŋann, ki bia dia Yiisaweira nba ki Yennu Seyeeŋ kubin i nuu ni, a yii tee bi yudamm kii goriib na. Ŋamme ki Yennu jiib ki teemm u niib, kimaan u jii u Bija sɔme ki daab.

Toona 26:18

Fine tee wunba saa yent bi numm po, ki bin nyi bunbɔnn ni ki kɔɔ yentu ni, ki bia nyinnib Sintaanii nuu ni ki bin kɔɔ Yennu nuu ni, ki wun nyik bi biit ki chabib, ki bin la yiar, binba ki Yennu teemm u niib na sinsuuk ni, kimaan baa teenin yada na paak.’

Toona 26:28

Ki Bat Agripa jiin Pɔɔl a, “Fin mi a a pinpauk mintik na saa fit dakin ki n teen Yiisaweirɔe.”

Rom Teeb 9:24

Li tee timm nba ki u gann nae; li ki tee Juu teeb kuukɔɔ kaa, ŋaan nan binba ki tee Juu teeb nawa.

1 Korint teeb 3:17

Li paak, wunba biir Yennu diiuk, Yennu mun saa biir li yɔɔwa. Kimaan Yennu diiuk tee diyeeŋe; ki yimme tee diiuk maŋ.

Efesus teeb 1:14

Ŋanne tee siara nan ti tan saa la yiar Yennu boor, ki bia want nan u saa tur u niib yent-n-mɔŋ nan barmɔnii. Tii piakɔ kii dontir u sann man.

Efesus teeb 1:6

Ŋaant ki tin pak Yennu kimaan u ninbatinu nba yab bonchiann biaŋinba, nan waa tint ninbaauk u Bilonkak paak na.

Efesus teeb 3:21

Ŋɔɔ Yennu tan saa la baakir Yiisa Masia nan u weira paak, yoo kur, yaayoo siiyoo. Mamɔmm.

Sennu 10:15

Ŋaan Yennu nba din loon i yeejamm bonchiann na paak ki u ganni ki gar nibooru nba kur be. Ki i bia daa tee u nigannkab.

Sennu 14:2

kimaan yimme tee i Yomdaanɔ Yennu niburchimm nba ki u gann, a yii tee u mɔŋ niib ki gar niib nba kur be tingbouŋ na ni.

Sennu 18:2

Bi daa mɔk tiŋ faar nan boorlia nba mɔk na. Bi tor tee baa mɔk yaak ki sii tee Yennu mannteeb nae, nan ŋɔɔ Yennu nba senn mɔsonn biaŋinba na.

Sennu 4:20

Ŋaan yimme tee niib nba ki u nyinni Ijipt, waruk ni na. U nyinni, a wun jii-i ki teeni u niibe nan yaa tee biaŋinba dinna daar ni na.

Sennu 7:6

kimaan i tee kasii damme ki tur i Yomdaanɔ Yennu. Ŋɔɔe ganni durinya nibooru kur ni, a yii tee u niib nba be i kɔɔ, ki gar sɔɔ kur tingbouŋ na ni.

Filipi teeb 3:14

Li paake ki n tɔk poot sɔnu maŋ ki tiin sunsonn ki saa nyannu bɔɔnu maŋ peŋ, maa n saa gaar paauk nba tee sanpaapo manfoor, ki Yennu yiinin li paak, Yiisa Masia ni na.

Kolosa teeb 1:13

ki bia nyinnit Sintaanii bunbɔnn naan ni, ki jiit ki kɔɔnt u Bilonkak maŋ naan ni.

2 Timoti 1:9

Ŋɔɔ Yennu-e tinnit ki yiinit a tii tee popeendamm. Waa yiinit biaŋinba, li ki tee ti toonŋana paak kaa, ŋaan u mɔŋe din senn a u saa tint ninbaauk, Yiisa Masia paak. U din senn nnae yoo nba ki u daa ki nan durinya na.

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

1 Piita 1:2

Ti Baa Yennu dɔŋ ganni, ki mi nan i tan saa teen u niiba, ki u Seyeeŋ te ki i tee popeendamm, ki u ganni a yii saak Yiisa Masia mɔb, ki u wuur i para nan u sɔn. Yennu ninkpabauŋ nan parmaasir-ii be nani bonchiann.

1 Piita 2:5

Ŋaant man ki Yennu n jii-i ki yii tee nan manfoor tana na, ki wun maa ŋaak nba ki u Seyeeŋ sii be li ni; ki i sii tee Yennu mɔŋ mɔŋ toontunna kii tuun u toonn nan u Seyeeŋ paŋ, ki u saa gaar li toonn Yiisa Masia paake;

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nae; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu n la paku bonsiar kur ni, Yiisa Masia paak; ŋɔɔ Yennu-e yen paku nan paŋ kur mɔkmɔk nan mɔkmɔk. Mamɔmm.

Fiitu 1:6

ki te ki ti tee u naan ni niib nba tee mannteeb, a tin tun u Baa Yennu toonn; ŋɔɔe yen paku nan paŋ mɔkmɔk nan mɔkmɔk. Mamɔmm.

Fiitu 20:6

Binba dɔŋ sinsinn kuun fiiru na ni, bi tee popeendamme, ki parpeenn bia tee bi yar; kuun nba pukin munlee na ji ki mɔk bi yiikoo; bi sii tee Yennu nan Masia mannteebe, ki saa lakin di naan nan Yiisa bintusir.

Fiitu 5:10

A bia te ki bi tee a naan ni niib nba tee mannteeb, a bin tun Yennu toona; ki bi sii yen tingbouŋ na teeb.”

1 Samuel 12:22

Yennu senn mɔsonjaann nan u kan ban nyikini, kimaan u lor nan u saa jii-i, ki i sii tee u tiɔŋ niib.