1 Kpanbara 8:36 - Yennu Gbouŋ Mɔɔr

³⁶ faa be yendɔuŋ ni na, a gbiint bi miaru, ki nyik chab bi kpanbar yanbɔmm nan ŋamm Israel teeb yanbɔmm, ki wannib ki bii tuun linba ŋan. Li poor po ki fin Yennu n te ki saak n baa a tingbouŋ na paak, tingbouŋ nba ki a tur a niib ki li yɔɔ tee bi faar na.

1 Kpanbara 8:36 ပူးပေါင်းရင်းမြစ်များ

1 Kpanbara 18:1

Yonkoonin na bina ŋantaa ni, ki Yennu yet Elaija a, “Saant ki wann a mɔŋ kpanbar Ahab, ki n saa tun saak.”

1 Kpanbara 18:41

Li poor po ki Elaija pak kpanbar Ahab a, “Ii saa di jeet. N gbat saak fu ki baat.”

1 Kpanbara 18:45

Laa yann waan, ki sanpagbanbɔnt piin sanpaak, ki wonpaaruk fukit, ki saak baar. Ki Ahab kɔɔ u taantoruk ni ki kun Jesreel.

Yaŋ 119:133

Ii dian ki n daa baa nan faa senn mɔsonn na; a daa te ki biit yentirimi.

Yaŋ 119:33

Yennu, wantin a sennii na paak, ki mii dia a sennii maŋ yoo saaka.

Yaŋ 143:8

Sanyiɔk kur, a tuu tiarin a lomm nba kaa gbennu na po, kimaan fine ki n teena yada. N miaru do a boor nie. Wantin sɔnu nba ki n saa tɔkin.

Yaŋ 25:12

Niib nba tiin Yennu, ŋamme saa tumii ki bann u sɔnii nba ki bi saa tɔkin,

Yaŋ 25:8

Kimaan Yennu nba be fanu, ki u toona ŋan na paak, ki u want yanbɔndamm sɔnŋanu nba ki bi saa tɔkin,

Yaŋ 27:11

Yennu, wantin faa loon man tun linba tura, ki ŋmakitin ki man tɔkin sɔnŋanu, kimaan n mɔk datai bonchiann.

Yaŋ 32:8

Ki Yennu yet a, “N saa wanna faa sii be biaŋinba, ki sii kpaana ki goriia.

Yaŋ 5:8

Yennu, n datai yab bonchiann. Sommitin ki man tun a loomm. Ŋammit a sɔnu fanu ki man tɔkin.

Yaŋ 68:10

Ki a niib jii tiŋ maŋ ki teen bi doo. Yennu, a ŋant paak, ki a teen talas damm linba ki bi loon.

Yaŋ 68:9

Yennu, a din te saak baa bonchiann, ki ŋamm pant tiŋ nba bo saat na.

Yaŋ 86:11

Yennu, a wannin a sɔnii, ki n saa somm nan barmɔnii. A wannin ki n jianta nan n par kur, kii tiin a sann jaŋmaanii.

Yaŋ 94:12

Yennu, parpeenn be daanɔ nba ki a tumiiɔ na paak, wunba ki a wantɔ a sennu na.

Aisaya 30:21

Yi-i bot ki saan diitu po koo gaŋ po, i saa gbat u kunkɔr i poor po, ki li yeen a, “Sɔnue na. Ii waar.”

Aisaya 35:8

Sɔnjar sii be leŋ ki li sann tee, “Kasii Sɔnu.” Biit daanɔ kan ban tɔkin sɔnu maŋi, ki jatit kan turin binba tɔk sɔnu maŋi.

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 42:3

Miat nan ti Yomdaanɔ Yennu n wannit taa sii tɔkii biaŋinba, nan taa sii tuun linba.”

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Joel 2:23

“Sayɔnn teeb, ii mɔk parpeenn man; ii kpamm man linba ki i Yomdaanɔ Yennu tun ki turi na paak. U te kpafusaak baa ki li jaŋiti, ki te saak baa sabouŋ, ki bia baa sakoouk nan waa tuu baa biaŋinba na.

Maika 4:2

Niib maŋ tan sii yeen a, “Ŋaant ki tin do Yennu kunkonn na paak, ki saan Israel teeb Yenjiantu ŋasaakak na ni. Ki u saa wannit waa loon ki tin tun linba; ki ti saa somm sɔnii nba ki u gann na ni. Kimaan Yennu wannu na nyii Jerusalem-e, ki u be Sayɔnn ki piak teen u niib.”

Matiu 22:16

Ŋanne ki bi tun bi poorpoweiteeb nan Bat Herod poorpojɔɔmu Yiisa boor, ki bi saa boiɔ a “Wanntɔɔ, ti mi nan a tee barmɔnpakirɔe, ki want niib Yennu sɔnu nan barmɔnii, ki ki fiin niib po, kimaan a baka kaa nan nisaarik nba tee wunba.

1 Samuel 12:23

Min ŋarin, Yennu n bɔr ki n daa tuun yanbɔmm ki nyikin i paak Yenmiaru, ŋaan n sii wanti linba ŋan ki bia tooke.