1 Kpanbara 8:26 - Yennu Gbouŋ Mɔɔr

²⁶ Li paak, Israel teeb Yennu, ŋaant ki bont kur n tun nan barmɔnii nan faa senn ki tur n baa Defid, wunba din tee a toontunnɔ na.

1 Kpanbara 8:26 ပူးပေါင်းရင်းမြစ်များ

1 Kpanbara 8:23

ŋaan miar Yennu a, “Israel teeb Yomdaanɔ Yennu, yensau ji kaa sanpaapo koo tingbouŋ na ni, ki tee nan fin na. A dia a mɔlor nan a niib, ki bia wantib a lomm, yoo nba ki bi sak a mɔb nan bi para kura.

1 Kpanbara 8:27

“Ŋaan Yennu, a set saa fit kii be tingbouŋ na paaka-a? Sanpaak na kur gbaa ki yarin ki jaŋ nan fii be leŋi, ki nlee ŋasaakak nba ki n maa na sii yarin ki jaŋani?

1 Barkperii 17:23

“Mɔtana, Yennu, a set gbeen a mɔsonn nba ki a senn nanin nan n yaaboona na, ki tun linba ki a yaa a saa tun na,

2 Barkperii 1:9

N Yomdaanɔ Yennu, gbeent mɔsonn nba ki a sat ki tur n baa Defid na. Fine dinnin naan a mii dia niib nba yab ki kaa kann na.

Yaŋ 119:38

Ii dia mɔsonn nba ki a senn ki tur min a daabir na, mɔsonn nba ki a senn tur binba saak a mɔb na.

Yaŋ 119:49

Tiat a mɔsonn nba ki a senn ki tur min a daabir na; li turin dindanne.

Yaŋ 41:13

Pakin ki dont Israel teeb Yomdaanɔ Yennu man. Pakin ki dontɔ mɔtana nan yoo nba kaa paak. Mamɔmm, lii tee nna.

Nyinu 24:10

ki saa la Israel teeb Yennu na. U taa nba din see linba paak na din naan linba ki bi jii tanbinyinyira nba ki li daauk paar na ki sere, ki li nyirii nan mianu na, ki tee bonbɔnwuwur nan sanpagbouŋ na.

Aisaya 41:17

“N niib nba tee tarii na kunkɔra-i koor, ki bi loon nyun yoo nba, min Yennu saa gat bi miaru. Min Israel teeb Yennu na kan ban nyɔr nyikibi.

Aisaya 45:3

N saa nyinn mɔkint bɔra ni ki tura, ki a bann nan mine tee Yennu ki bia bann nan min Israel teeb Yennu-e put a sann ki yiina.

Jeremaya 11:5

ki n saa dia mɔsonn nba ki n senn ki tur bi yeejamm, nan n saa turib tiŋ nba kpai ki mɔk mɔkint, ki bi ji be leŋ mɔtana na.” Ki n jiin a, “Yennu, lii tee nna.”

1 Samuel 1:17

Ki Eli yet a, “Ii saa nan parmaasir. Yennu nba tee Israel teeb Yennu na n tura linba ki a boi li po na.”