1 Kpanbara 7:40 - Yennu Gbouŋ Mɔɔr

^40-45 Huram bia din ŋamm boba nan sofira nan senii. U din gbenn toonn kur nba be Yennu ŋasaakak na ni, ki kpanbar Solomonn wannɔ a wun tun na. Waa din tun linba maŋe na: Toota ŋanlee nan li bona nba naan ŋmanii ki be toota na paak, nan jarit nba ki bi luur ki li tuuk leer na, ki paan dachaatir kur paak nan kutmɔnt tilɔɔna kobii ŋanna, ki li kur tɔɔ chaabii ŋanlee-lee, ki lint dachaatir kur, nan torit piik nan tatilaŋmanbana piik nan nyunbuuk nan naajai ninnant piik nan banlee, ki bi deen nyunbuuk na, nan boba nan sofira nan senii. Huram din jii kutmɔnte ki ŋamm bona nba na kur ki tur kpanbar Solomonn, a lii be Yenjiantu ŋasaakak na ni.

1 Kpanbara 7:40 ပူးပေါင်းရင်းမြစ်များ

1 Kpanbara 7:28

Bi din jii dapabae ki kpaa tukin leer paak ki teenir torit.

1 Kpanbara 7:39

U din senn torit ŋanŋmue niidiitu po, ki senn ŋanŋmu nba biar na niigaŋ po, ki jii nyunbuuk na ki senn niidiitu po ki jiin yondo po.

1 Barkperii 18:8

Defid bia din fat kutmɔnt bonchiann, Tib-haf nan Kunn doi ni, ki li tee doi nba ki Hadadeser dia. Solomonn din tan jii li kutmɔnte ki nannir ki ŋamm kutbuuk, ki bia ŋamm toota, nan kutmɔnt bondiakara, ki li be Yennu ŋasaakak ni.

2 Barkperii 4:6

Bi bia din ŋamm kutsɔnt piik, a bii dia kii wu bonkobit nant nba ki bi saa joor muu ki li tee maruŋ yar na, ki senn kutsɔnt ŋanŋmu ŋasaakak na niidiitu po, ki senn kutsɔnt ŋanŋmu niigaŋ po. Nyun nba din be buuk na ni din tee mannteeb nae-ii dia kii wu bi mɔŋ.

Nyinu 24:6

Ki Moses jii bonkobit na sɔn waan ki teen senii ni, ŋaan linba tenn na, ki u mɔɔn maruŋ binbintir na paak.

Nyinu 27:3

ki jii kutmɔnt ki ŋamm binbintir na bona kur nba tee kutsɔnt, ki bi sii wo tanpent nan li sofira, nan kutsɔnt nba ki bi sii diar ki jikin sɔn, nan diitmɔyaarii nba sii lot nant, nan kutsɔnt nba ki i sii mɔi muu,