1 Kpanbara 7:13 - Yennu Gbouŋ Mɔɔr

¹³ Ki kpanbar Solomonn tun ki yiin Huram, wunba tee saauk daanɔ, ki be Taya doo ni, ki din mi kutmɔnt toonn bonchiann na.

1 Kpanbara 7:13 ပူးပေါင်းရင်းမြစ်များ

1 Kpanbara 7:40

Huram bia din ŋamm boba nan sofira nan senii. U din gbenn toonn kur nba be Yennu ŋasaakak na ni, ki kpanbar Solomonn wannɔ a wun tun na. Waa din tun linba maŋe na: Toota ŋanlee nan li bona nba naan ŋmanii ki be toota na paak, nan jarit nba ki bi luur ki li tuuk leer na, ki paan dachaatir kur paak nan kutmɔnt tilɔɔna kobii ŋanna, ki li kur tɔɔ chaabii ŋanlee-lee, ki lint dachaatir kur, nan torit piik nan tatilaŋmanbana piik nan nyunbuuk nan naajai ninnant piik nan banlee, ki bi deen nyunbuuk na, nan boba nan sofira nan senii. Huram din jii kutmɔnte ki ŋamm bona nba na kur ki tur kpanbar Solomonn, a lii be Yenjiantu ŋasaakak na ni.

2 Barkperii 2:6

Sɔɔ kan fit maa ŋaak ki tur Yennu, kimaan sanpaak nan sanpagbant yabint ŋaan u kan fit kɔɔ li ni. Ki maa yaa n maa Yenjiantu ŋasaakak na, li tee siaminba ki n sii jokin bonnunubite ki teenɔ.

2 Barkperii 4:11

Huram mun bia din ŋamm boba nan sofira nan senii. U din gbenn bona nba ki u sat mɔb ki tur kpanbar Solomonn nan u saa ŋamm ki tur ŋasaakak na. Li din tee: toota ŋanlee, nan li yura ŋanlee nba naan senii, ki tɔɔ toota na paak, nan kut jarit nba ki bi luu ki paa toota yura paak, nan kutmɔnt lɔɔna kobii ŋanna, ki li kur tɔɔ chaabii ŋanlee-lee, ki lint toota na yura paak, nan torit piik, nan tatilaŋmanbana piik, nan nyunbuuk, nan naajai ninnant piik nan ŋanlee nba ki nyunbuuk tɔɔ li paak na, nan boba nan sofira nan diitmɔyaarii. Huram, wunba tee nuu toontunna saakɔɔ nae, din jii kutmɔnt nba ki bi ŋammir ki nan bona nba na kur, nan kpanbar Solomonn nba din wannɔ a wun ŋammir, ki bii diar Yenjiantu ŋasaakak ni biaŋinba na.

Nyinu 31:3

ki gbeenɔ n Seyeeŋa. N turɔ bannu nan yangɔrikin nan nuu toonbooru kur dudukita,