1 Kpanbara 4:6 - Yennu Gbouŋ Mɔɔr

⁶ Ki kpanbar ŋaatoontunna saakɔɔ tee Ahisar, ki wunba gorii doo mɔtaauk toonn paak mun tee Abda bija Adoniram.

1 Kpanbara 4:6 ပူးပေါင်းရင်းမြစ်များ

2 Samuel 20:24

Adoniram-e din gorii mabir toontunna. Ahilud bija Jehosafat-e din tee doo na gbounsɔbirɔ,

1 Kpanbara 12:18

Ŋanne ki kpanbar Rehoboam tun Adoniram, wunba din tee ninmɔnn toona saakɔɔ na Israel teeb boor, ŋaan bi din jaatɔ tanae ki kpiiu. Li yoo na ki Rehoboam kakit ki kɔɔ u taantoruk ni, ki chiar saan Jerusalem.

1 Kpanbara 4:5

Ki yent saakab yudaanɔ tee Natann bija Asaria. Ki kpanbar maaruk tee manntɔɔ Sabud, ki u tee Natann bija.

1 Kpanbara 4:7

Kpanbar Solomonn din nyinn jab piik nan banlee-e ki teemm yent saakab Israel tiŋ ni. Ŋamme din tuu jii jeet bi yent ni, ki baar nann ki tan tur ŋɔɔ kpanbar nan u ŋaateeb, ki bi di. Bi din dint kpanbar nan u ŋaateeb ŋmaarik ŋmaarike ki lɔnt leeb.

1 Kpanbara 9:15

Kpanbar Solomonn din jii ninmɔnne, ki toontunna maa jiantu ŋasaakak nan naan ŋaak na, ki bia jii tant ki gbeen baauk nba be Jerusalem yondo po na, ki bia maa doo maŋ joonjouk. U bia din te ki bi ŋamm maa doi nba tee Hasor nan Megido nan Geser.

2 Barkperii 10:18

Ŋanne ki kpanbar Rehoboam tun Adoniram, wunba din tee ninmɔnn toona saakɔɔ na, Israel teeb boor, ki bi saa jaatɔ tana ki kpiiu. Li yoo na ki kpanbar Rehoboam kakit ki jii u taantorit ki kɔɔ li ni, ki chiar saan Jerusalem.