1 Kpanbara 18:27 - Yennu Gbouŋ Mɔɔr

²⁷ Yonnu nba set yonsuuk yoo nba, ki Elaija piin ki laab ki yeen a, “Ii mei sanpaapowa man. U tee yenbike. Li ki gar u dukii dudukite, koo u tuun toonne, koo u saan sɔnue, koo u gɔɔnte ki yin fiinɔ.”

1 Kpanbara 18:27 ပူးပေါင်းရင်းမြစ်များ

1 Kpanbara 18:26

Ki bi jii naajak nba ki bi turib na, ki kpii ki ŋammɔ, ki miar Baal tee-e ki tan tuu yonsuuk ni. Bi din hoote ki yeen a, “Baal, turint gatu.” Bi din waae ki lintir maruŋ binbintir nba ki bi maa na, ŋaan bi din ki la gatu.

1 Kpanbara 18:28

Ki sɔkiniinba na miar nan kunkɔpaara, ki ji saa ŋma bi mɔŋ jukii, nan bi maruŋ nba wantib biaŋinba na, ki sɔn tan nyi.

1 Kpanbara 22:15

Waa dɔkit kpanbar Ahab paak yoo nba, ki kpanbar na boiɔ a, “Mikaya, min nan kpanbar Jehosafat n saan wor Ramof amii ti daa saa?” Ki Mikaya jiin a, “Saant ki wor. A saa nyanna. Yennu saa tura nyannuwa.”

2 Barkperii 25:8

A sii dukii nan bi saa taan a po ki a la paŋ tɔb ni, ŋaan Yennu-e mɔk yiikoo ki te ki nirɔ laat nyannu, ki bia kɔŋit, ki u saa te ki a datai na n nyanna.”

Yaŋ 121:4

Israel teeb guutɔɔ ki tiŋit koo ki gɔɔnti.

Yaŋ 39:3

Ki n par biir, ki mi-i dukin li po, parbiir n ŋamm pukin. Ki n ki fit nyik buboiti a,

Yaŋ 44:23

Yennu, fiit, bee ki a gɔɔnti? Kakitir a mɔŋ, ki daa yêent kɔtaa-a.

Banntɔɔ 11:9

Nipaauŋ, ii di manu i bisuk ni. Ii mɔk parpeenn, yaa daa paan na. Tumin linba ki i loon, ki maŋ i para, ŋaan ii tian man nan Yennu tan saa bu i buut linba kur ki i tun na paaka.

Aisaya 41:23

Betirit linba saa tun tɔɔnn po, ki tin bann nan i tee yenniie. Tumin toonŋansiar, koo baat nan biak. Ii te ki jaŋmaanii nan yaar lituk n soorit.

Aisaya 51:9

Yennu, fiit ki sommit. Jiin a yiikoo na ki tinnit, ki tun a yiikoo toonn nan faa din tun yaayoo ni biaŋinba na. Fine din gbat Ijipt nba tuu naan mɔkir ni bonkob-paaruk na burii burii.

Esekiel 20:39

Ki Yabint Yennu ŋamm yet a, “Mɔtana, yimm Israel teeb, ii tun linba saa maŋi. Ii ŋammit kii mann pata man. Ŋaan n kpaani nan linba na poor po, i tan saa sak n mɔb, ki ji kii dia piinii ki teen i pata ki biir n kasii sann.

Matiu 26:45

ki tan ŋmat baar u poorpoweiteeb maŋ boor ki boib a “I bia lek daa gɔɔnt ki fɔi-i? Gotir man, yoo maŋ pera. Bi jii min nisaarik Bik na, ki teen biitdamm nuu niwa.

Barŋanii nba ki MAK din sɔb nae na 14:41

Waa tan jen taapauŋ muntaa ni, ki u boib a “I bia lek daa dɔɔ gɔɔnt ki foi-i? Li jaŋa man. Yoo maŋ baara. Bi jii min nisaarik Bik ki teen biitdamm nuu niwa.

Barŋanii nba ki MAK din sɔb nae na 7:9

Yimm, i lek yêt Yennu sennu weiu, a yin dia i mɔŋ mɔŋ kaare;