1 Kpanbara 16:26 - Yennu Gbouŋ Mɔɔr

²⁶ Nan Jeroboam nba din tee na, Omri din donn Israel teeb Yomdaanɔ Yennu wutoor halii, kimaan u tiɔŋ biit paak, nan waa te ki Israel teeb tun biit ki bia mann pata na paak.

1 Kpanbara 16:26 ပူးပေါင်းရင်းမြစ်များ

1 Kpanbara 16:13

Bi patmannu nae din te ki Israel teeb kɔɔ biit ni. Baasa nan u bija Ela din donn Israel teeb Yomdaanɔ Yennu wutoore.

1 Kpanbara 16:19

Biit nba ki u tun ki tur Yennu na paake din te ki linba na tun. U mun din tee nan kpanbar Jeroboam nae ki biir Yennu par, kimaan u tiɔŋ biit, nan waa te ki Israel teeb tun biit na paak.

1 Kpanbara 16:2

“A din ki tee siar, ŋaan ki n jii Israel naan ki tura, ki mɔtana ki a tun biir nan Jeroboam na, ki kɔɔn Israel teeb biit ni. Bi biit maŋ donn n wutoora,

1 Kpanbara 16:27

Linba ki Omri tun ki pukin, nan toonjaana nba ki u din tun na, li sɔb ki be Israel kpanbara barkperii gbouŋ ni.

1 Kpanbara 16:7

Yennu din jii maan nba jiin Baasa nan u ŋaateeb po ki tur sɔkinii Jehu, kimaan Baasa nba din tun biit nba ki tur Yennu na. Li ki tee waa din tun biit nba nan kpanbar Jeroboam na kɔɔ kaa donn Yennu wutoori, ŋaan waa din kpii Jeroboam ŋaateeb kur na paak.

Yaŋ 31:6

A ki loon binba jiantir tingbana na. Fine ki n teena yada.

Jeremaya 10:3

Niib maŋ jiantu tee yanne. Tiike ki bi tuu chɔɔ ki lu fɔɔr ni, ki tikpeera n jii bi pai ki kpeerir,

Jeremaya 10:8

Bi kura tee jatit nan bonliiniie. Bi saa tumii bee, baa jii tiinii ki nan pata nba na boori?

Jeremaya 14:22

Tingbana na sɔɔ kaa ki saa fit tur saaki. Sanpaak mɔŋ kan fit te saak n baa. Ti teen ti dindann fin ti Yomdaanɔ Yennu nie, kimaan fine tuun linba na kura.

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Jeremaya 18:15

Ŋaan n niib tamm n powa, ki jokit bonnunubit ki teen tingbana. Bi gbiatire sɔnu nba tee bin tɔkin na ni, bi ji ki waa sɔnkperii na, ŋaan tɔkii sɔnbukii.

Jeremaya 8:19

Gbiintir. N gbia n niib wuyikinii tiŋ na munn po a, “Yennu ji kaa Sayɔnne-e? Sayɔnn kpanbar na ji kaa leŋe-e?” Ki Yennu nba tee bi kpanbar na jiin a, “Bee ki i jiantir i pata, ki gbaa jiantir boorganii yennii nba kaa nyɔɔt na, ki donn n wutoori?”

Maika 6:16

Linba na saa baar, kimaan yaa gaar kpanbar Omri nan u bija kpanbar Ahab marinbiit nba na paak. I tukin ki waa bi kaare, li paak n saa biiri, ki sɔɔ kur saa yisimi. Niib nba kur be kan chɔrimi.”

Toona 14:15

“Bee ki i tuun nna? Ti mun tee nisaariie nan yimm na, ki mɔɔntir Yiisa barŋanii, a tin ŋmanti ki yin nyik bon-yana maŋ, ŋaan kii waa manfodaanɔ Yennu, wunba nan sanpaak nan tiŋ nan mɔkgbeŋa nan linba kur be li ni.

Sennu 32:21

Bi patmannu nae donn n wutoor. Li mɔkin funfunn nan bi yenbis na; yensau kaa ki mɔk nyɔɔti. N saa jii digbanŋmaŋire ki donn bi wutoor, n saa jii digbanliiŋ nnae ki kɔɔmm funfunn.