1 Korint teeb 9:18 - Yennu Gbouŋ Mɔɔr

¹⁸ Lanne tee n nyɔɔti? N nyɔɔt tee maa mɔɔntir barŋanii maŋ yann nae, ki ki jii yaak nba ki n mɔk barŋanii toona ni na ki gaan siari.

Yennu Gbounpaauŋ Mɔɔr

¹⁸ Lanne tee n nyɔɔti? N nyɔɔt tee ma mɔɔntir barŋanii na yann, ki ki jii yaak nba ki n mɔkir barŋanii toona ni na ki gaan siari.

1 Korint teeb 9:18 ပူးပေါင်းရင်းမြစ်များ

Jɔɔnn 4:36

Ki dijaara tan saa gaar bi paauk, ki dii nba ki bi jaan na mun, ŋamme tee niib nba tan saa la manfoor nba kaa gbennu, ki damm nba buur nan binba jaan, bi kur tan sii mɔk parpeenn dii maŋ paak.

Toona 18:3

a wuu be namm, kimaan bi kur din tee gbanjabirae ki tuun nan leeb.

Rom Teeb 14:15

Fi-i te ki a naa bik par biir jeet nba ki a di na paak, ŋann a ji ki tuun lomm toonn kaa. Nirɔ nba ki Masia din gaar u paak ki kpo na, a daa te ki wun nyik Yennu sɔnu, a jedinu paaki.

1 Korint teeb 10:33

Ii tuun man nan maa tuun biaŋinba na; n loon ki n tun ki penn sɔɔ kur par bont kur ni; ŋaan li ki tee a n tuun linba ki n loon, koo linba ŋan ki turin kaa; ŋaan n tuun linba ŋan ki turibe, kimaan n loon ŋanne n tinnib.

1 Korint teeb 3:8

Bɔkitu kaa wunba buur nan wunba maant nyun na sinsuuk ni. Yennu-e saa turib nyɔɔt, baa tun linba na paak.

1 Korint teeb 7:31

ki binba di tingbouŋ na manu, li ŋan ki bii be nan bi baka kaa leŋ na. Kimaan tingbouŋ na nba tee biaŋinba mɔtana na, li kan yukir nan garu.

1 Korint teeb 8:9

Ii mi man yin tan jii i yaak na ki lin kpant baruk ki tur niib nba yada waar na.

1 Korint teeb 9:12

Siab-i mɔk yaak ki saa gaar bona i boor, timm ŋarin ki mɔk li yaaki-i? Ŋaan ti ki jii yaak na ki tun nann toonni. Ti di farae bonsiar kur ni, kimaan ti ki loon ki tin te ki Masia barŋanii na n jir poori.

1 Korint teeb 9:15

Ŋaan n ki jii yaak na ki tun nann toonni, ki bia ki sɔbin na a yin turin siari. Mi-i kpo, li sɔ nan sɔɔ n te ki n parbifaant-ii tee yann.

1 Korint teeb 9:17

Mi-i bonni gann toonn maŋ n tiɔŋue, n bo saa la nyɔɔta, ŋaan min kaa gann n mɔŋi, Yennu-e guunin toonn maŋ.

2 Korint teeb 4:5

Ti ki mɔɔntir ti mɔŋ po kaa, ŋaan ti mɔɔntir Yiisa Masia poe, a ŋɔɔe tee ti Yomdaanɔ na, ŋaan want nan timme tee u toontunna ki teeni, u sann paak.

1 Tesalonika teeb 2:6

Ti din ki loon i sɔɔ n pakiti.