1 Korint teeb 4:8 - Yennu Gbouŋ Mɔɔr

⁸ I poŋ mɔk linba kur ki i looni-i? I poŋ teen gordamma-a? Taa lek ki tee kpanbara na, ŋaan i tee kpanbara-a? N sunman ki i set tee kpanbarae, ki timm nan yimm n taan kii tee kpanbara.

Yennu Gbounpaauŋ Mɔɔr

⁸ I poŋ mɔk linba kur ki i loonii? i poŋ teen gordammaa? ta lek kaa i boor nna, ŋaan i tee kpanbara-aa? N poŋ loon yin set tee kpanbara nan barmɔnii, ki timm nan yimm-n taan teen kpanbara.

1 Korint teeb 4:8 ပူးပေါင်းရင်းမြစ်များ

Barjokit 13:7

Nisiab kpann nan bi tee mɔkitae, ŋaan ki mɔk siari; siab tee nan bi ki mɔk na ŋaan mɔk mɔkint bonchiann.

Barjokit 25:14

Niib nba sent mɔsonn, ŋaan ki ki gbeent na, tee nan saak nba tuu yin ki da wouŋ, ŋaan kan baa nae.

Aisaya 5:21

I boonta. I dukii nan i sube, ki mɔk yan.

Jeremaya 28:6

“Li ŋan bonchiann. N sunman ki Yennu tun nnawa. N sun ki a masɔkinkar maŋ teen mɔniiwa, ki wun jii jiantu ŋasaakak ni gor na kur, nan niib nba kur ki bi soorib daaba Babilonia na ki jen namm.

Nikant 11:29

Ki Moses jiin a, “N paake ki li mɔka funfunni-i? N sunman ki Yennu n bo jii u Seek ki tur u niib kure, ki te ki bi kur-ii piak nan sɔkiniinba na.”

Matiu 5:1

Yiisa nba din la nibur maŋ na, ki u doo kunkonn paak ki kar; ki u poorpoweiteeb lakin u boor.

Barŋanii nba ki LUK din sɔb nae na 6:25

“Yimm nba gboo mɔtana, li sii bi i paak, kimaan kon tan saa gbatiwa. “Yimm nba laa mɔtana, li sii bi i paak, kimaan i tan sii fabin ki mɔ.

Toona 26:29

Ki Pɔɔl jiin a, “N pinpauk-u fɔk koo laa ki fɔki, min yaa Yenmiaru tee ki fin nan niib na kura nba gbiint n maan na dinna na n teen Yiisaweira nan maa tee biaŋinba nae, ŋaan jarit nba na kuukɔɔe ki i kii mɔki.”

Rom Teeb 12:3

Yennu nba tinin ninbaauk na paake ki n yeen i kur a i sɔɔ daa dukii u par ni a u tee nijaann ki gar waa tee biaŋinba; ŋaant ki sɔɔ kur n dukin ki bann yada nba ki Yennu turɔ na bikinu.

1 Korint teeb 1:5

kimaan i la bonsiar kur i pinpakit ni, nan i minu ni, u boore.

1 Korint teeb 4:18

Siab mɔk dont-n-mɔŋe, ki dukii a n kan baar ki gɔnini.

1 Korint teeb 5:6

Li ki ŋan ki yii dont i mɔŋi. I ki mi a datiŋ waaminnae te ki boroboro yon kur fuutir piiri-i?

2 Korint teeb 11:1

Mi-i piak jatiie, ŋaan yimm n lek yabir i mɔŋ ki di sukuru nanin.

2 Korint teeb 13:9

Li-i tee ki i mɔk paŋ ki tuun toona nba ŋan, ŋanne saa maŋ ti para, kimaan ti ki loon ki tin wanni ti paŋ kaa; li paake ki ti mei Yennu ki teeni, a yin ŋamm i binbeŋ.

Galasia teeb 6:3

Sɔɔ-i kii tee siar, ŋaan bikii a u mun tee sɔɔ, u kpann u mɔŋe.

Filipi teeb 1:27

Tɔn, linba kpaa talas tee i ŋaan ki i binbeŋ-ii tee nan Masia barŋanii nba wann biaŋinba na, ki mi-i lekii fit baar lai, koo mi-i kii laini, ŋaan n saa gbat a i see fanu nan dudukyennkɔɔ, ki taa mɔb ki yiab i mɔŋ ki barŋanii maŋ saa tɔɔnn.

Filipi teeb 2:12

N naa walonkai, maa din be i boor ki i sak n mɔb biaŋinba na, maa lek kaa i boor na, ŋaan li kpaa talas ki yin sak n mɔb. Ii biaki tuun nan yentinu nan gbananjijekit man, kii tee nan niib nba tinn na,

Fiitu 3:17

“Yimme yeen a i tee mɔkitae ki mɔk linba kur ki i loon, ki siar kan pɔtiini, ŋaan ki ki mi yaa mɔk parbiir nan ninbaauk biaŋinba. I tee nandamme, ki somm yana, ki tee jɔɔnii.

Fiitu 5:10

A bia te ki bi tee a naan ni niib nba tee mannteeb, a bin tun Yennu toona; ki bi sii yen tingbouŋ na teeb.”