1 Korint teeb 11:7 - Yennu Gbouŋ Mɔɔr

⁷ Li ki tee jɔɔ n yir siari, kimaan u naan Yennu-e ki bia tee Yenpaku; ŋaan poo ŋarin tee jɔɔ pakue.

Yennu Gbounpaauŋ Mɔɔr

⁷ Li ki kpaa talas nan jɔɔ-n yir u yur siari, kimaan u naan nan Yennue ki bia tee Yennu paku; ŋaan poo ŋanin tee jɔɔe paku.

1 Korint teeb 11:7 ပူးပေါင်းရင်းမြစ်များ

Pinpiik 3:16

U din yet poo na mun a, “N saa tura daamii, poor sooru ni, nan matuk tonu. Linba na kur lek, a bia sii nian a sɔrɔ, ki u sii tee a yomdaanɔ,”

Pinpiik 5:1

Biaŋinba ki li sɔb wann Adam maarue na: Yennu nba din nan nisaarik, u din namɔ ki u tee ŋɔɔ Yennu ninnauŋo.

Pinpiik 9:6

Wunba nyinn nirɔ manfoor, nirɔe mun bia tan saa nyinn u manfoor, kimaan min Yennu ninnauŋo ki n nan nisaarik.

Yaŋ 8:6

Fine gannɔ a wuu gorii tingbouŋ na ni bonfoa nba ki a nan kur, ki teenɔ bonnaŋir kur yudaanɔ.

Barjokit 12:4

Poo nba mɔk binbenŋaŋe tee u sɔrɔ parbifaant nan kpinkpammuk; ŋaan poo nba dint u sɔrɔ fei tee nan dindiik nae u sɔrɔ kpaba ni.

1 Korint teeb 11:3

Ŋaan bonyennkɔɔe be ki n loon ki n tiari, a Masia-e tee jɔɔ kur yudaanɔ, ki jɔɔ kur mun tee u poo yudaanɔ, ki Yennu mun tee Masia yudaanɔ.

1 Korint teeb 11:6

Ŋaan li-i tee ki poo ki yir siar ki dɔkin u yur, ŋann li ŋan wun koor u yut; ŋaan laa tee fei ki poo n koor u yut, koo ki pɔɔ u yut na, li ŋan wun yir siar ki dɔkin u yur maŋ.

2 Korint teeb 8:23

Nisiab-i boi-i Taitus po, yin betib nan u tee n toontunnanlɔɔe, wunba sommitin ki n beeri Masia barŋanii. Nisɔɔ-i boi-i ti naa waas nba waa Taitus na po, yin betɔ a bi tee Masiaweira toontunnae, ki bi binbenŋaŋ paake te ki niib dont Masia sann.

Jeems 3:9

Jerinn nba ki ti dia ki piak dont ti Baa Yennu na, li jerinne ki ti bia dia piak mabiit a lin biir nisaarii, binba ki Yennu namm ki bi naan u mɔŋ na.