1 Barkperii 6:39 - Yennu Gbouŋ Mɔɔr

³⁹ Asaf-e din tee yan-yinna mɔtaauk nba waa munlee ni saakɔɔ. U yeeja ŋaak nyii Liifai maaru nie. Asaf baa din tee Berekia, ki Berekia baa tee Simea,

1 Barkperii 6:39 ပူးပေါင်းရင်းမြစ်များ

1 Barkperii 16:7

Li daare ki Defid din sint senn Asaf nan u leeb Liifai teeb, a bii tuu kii yiin dontir yaŋ nba na kii teen Yennu.

1 Barkperii 25:1

Kpanbar Defid nan Liifai saakab din gann Liifai naakuut nae, a bin tuu liit kii ŋmakitir Yenjiantii toona: Ŋamme tee Asaf nan Hemann nan Jedutunn naakuut. Ŋamme sii sɔkint Yennu maan, kii biaki faa kɔna nan duunii. Sana nba waa na tee niib nba ki bi din gannib a bin tuu liit jiantii nae, nan toona nba ki koonn kur saa tun:

1 Barkperii 25:2

Asaf bonjai bannae na: Sakur nan Joosef nan Netania nan Asarela. Asaf nba din sɔkint Yennu maan yoo nba kur ki kpanbar wannɔ nae din ŋmakitirib.

1 Barkperii 26:1

Bi din gann Liifai teeb nba nae, a bii tee Yennu ŋasaakak na tammɔguura: Meselemia, ki u nyii Kora naakuuk ni, ki u baa tee Kore, ki Kore tee Asaf bonjai na yenɔ.

1 Barkperii 6:38

ki Kora baa tee Is-har, ki Is-har baa tee Kohaf, ki Kohaf baa tee Liifai, ki Liifai baa tee Jakɔb.

1 Barkperii 6:40

ki Simea baa tee Maikel, ki Maikel baa tee Baaseya, ki Baaseya baa tee Malkija,

2 Barkperii 20:14

Ki Yennu Seek sik Liifai nirɔ nba pukin ki see nibur na ni paak, ki u sann tee Jahasiel, ki tee Sekaria bija, ki Sekaria tee Benaya bija, ki Banaya tee Jeyel bija, ki Jeyel tee Matania bija, ki bi nyii Asaf naakuuk ni.

2 Barkperii 29:30

Kpanbar Hesekia nan u saakab din yet Liifai teeb a bii yiin kii dontir Yennu, donta yanii nba ki kpanbar Defid nan Yennu sɔkinii Asaf din sɔb na. Ki sɔɔ kur yiin nan kpinkpamjaann, ki gbaa tiŋ ni ŋaan jiantir Yennu.

2 Barkperii 35:15

Liifai teeb nba tee Asaf naakuuk, ki tee yanyinna na din be bi toona boor nba ki kpanbar Defid din sennib na: ŋamme tee Asaf nan Hemann, nan Jedutunn, ki u tee Yennu sɔkinii ki piak teen kpanbar na. Tammɔguura nba din be Yenjiantu ŋasaakak tammɔi ni na, li din ki kpaa talas nan bin seet tammɔi na ni, kimaan bi leeb Liifai teeb nae din ŋamii bi Yukitgar tiaru jaamm jeet ki teenib.

2 Barkperii 5:12

Liifai teeb na yanyinna din tee Asaf nan Hemann nan Jedutunn nan bi bonjai nan bi nikpiimm, ki din lia tapeenii ki saan set yondo po, binbintir na boor, ki faa duunii nan kɔna, ki mannteeb kobik nan piinlee peeb naatuna.

Esra 2:41

Ki Yenjiantu ŋasaakak ni yanyinna yeeja tee Asaf, ki bi naakuuk ni niib tee kobik nan piinlee nan banniin.

Esra 3:10

Tanmara na nba piin ki birin ŋasaakak na fiakir yoo nba, ki mannteeb na lia bi liant ki see dia naatuna, ki Liifai teeb nba nyii Asaf naakuuk ni na see dia duunii, ki yiin ki dontir Yennu nan sennu nba tee biaŋinba, laa nyii kpanbar Defid yoowa,

Nehemaya 11:17

Matania, ki u tee Mika bija, ki tee Sabdi yaaboonn, ki Sabdi mun tee Asaf yaaboonn. Ŋɔɔ Matania-e din ŋmakitir Yenjiantu ŋasaakak na ni yanyinna, ki bi yiin niipoturu nan Yenmiaru yanii. Bakbukia, ki u din tee Matania sommtɔɔ. Abda, ki u tee Samua bija, ki tee Galal yaaboonn, ki Galal mun tee Jedutunn yaaboonn.

Nehemaya 11:22

Saakɔɔ nba gorii Liifai teeb nba be Jerusalem na sann din tee Usi, ki u tee Bani bija, ŋaan tee Hasabia yaaboonn, ki u yeejamm bia din tee Matania nan Mika, ki ŋɔɔ Usi tee Asaf naakuuk ni nirɔ; naakuuk maŋe din yen ŋasaakak na ni yanyinu.

Nehemaya 12:46

Laa nyii kpanbar Defid nan Asaf, wunba tee yanyinnɔ na yoowa, yanyin-tɔɔndamme din tuu ŋmakitir yanyinna, ki bi yiin ki dontir Yennu, ki bia teenɔ niipoouk.

Yaŋ 50:1

Yabint daanɔ nba tee Yennu na piak. U yi tingbouŋ na kur, laa nyii yondo po ki saa tuu yonbaa po.

Yaŋ 73:1

Yennu set ŋan ki tur Israel teeb, u ŋan ki tur binba para yeen na.

Yaŋ 74:1

Yennu, bee ki a nyikit nna? A wutoor saa do a niib paak mɔkmɔk nan mɔkmɔk-aa?

Yaŋ 75:1

Yennu, ti teena niipoouk, ti teena niipoouk, kimaan a naak nant. Ti piak a yabint nba tee biaŋinba, ki bia want a bakitnauŋ toona nba ki a tuun.

Yaŋ 76:1

Yennu sann nyɔɔnt Juda yent ni, ki u sann la baakir Israel tingbouŋ ni,

Yaŋ 77:1

N yikin nan kunkɔpaarir ki tur Yennu. N yikin nan kunkɔpaarir, ki u gbiint turin.

Yaŋ 78:1

N niib, gbiintir n wannu maŋ, kii tee soon nna ki gbat maa yaa man beti linba.

Yaŋ 79:1

Yennu, binba ki waa-a na lek a tiŋa. Bi biir a kasii ŋasaakak nawa ki but Jerusalem.

Yaŋ 80:1

Yennu, fin nba din ŋmakitir Israel teeb nan pekpaarik nba tuu ŋmakitir pei biaŋinba na, gbiintir ki turit. Fin nba kar a naangbouŋ paak, bonninnant banlee nba mɔk kpinkpant na paapo,

Yaŋ 81:1

Yinin yaŋ sanpaapowa nan kpinkpammuk ki tur ti guutɔɔ Yennu. Yinin dontir yaŋ ki tur ŋɔɔ Yennu nba ki Jakɔb din jiantir na.

Yaŋ 82:1

Yennu kar u naangbouŋ paak, ki barbuura bonchiann be u tɔɔnn, ki u bu bi buut ki yaa,

Yaŋ 83:1

Yennu, a daa ŋmini, a daa ŋmin ki taantir.

Joosua 21:4

Liifai teeb nba tee Kohaf naakuuk nae din sint gaar tiŋ tor. Aarɔnn yaaboona naakuut din gaar doi piik nan ŋantaae, ki li nyii Juda yent ni, nan Simeonn yent ni, nan Benjaminn yent ni.

Joosua 21:9

Digbana nba ki bi din nyinn Juda booru nan Simeonn booru yentnba ni,