1 Barkperii 5:2 - Yennu Gbouŋ Mɔɔr

² Juda boorue din paar ki gar boor leeb na kur, ki dint kpanbara ki bi dia bi kur.

1 Barkperii 5:2 ပူးပေါင်းရင်းမြစ်များ

Pinpiik 25:31

Ki Jakɔb jiin a, “Li-i tee ki a saa turin a saakatuk na ŋarin, n mun saa tura kpint nawa.”

Pinpiik 35:23

Lea bonjai din tee Rubenn, wunba tee Jakɔb bikperik na, nan Simeonn, nan Liifai, nan Juda, nan Isakar, nan Sebulunn.

Pinpiik 48:5

Ki Jakɔb ŋammit piak a, “Joosef, a waas banlee, binba ki a din marib Ijipt, ki sɔɔ ki n daa ki baar na, bi tee n yabe. Efraim nan Manase tee nan n waas Rubenn nan Simeonn nae.

Pinpiik 49:26

piisin nba teen jeet nan tipuuk, piisin nba nyi yaayoo ni jɔɔt paak, nan bonŋana nba nyi kunkon-kangbennuk ni, ŋaant piisin na kur-ii be Joosef paak, ki kpaa ŋɔɔ Joosef nba ki bɔkitu be ŋɔɔ nan u ninjamm sinsuuk ni na.

2 Samuel 8:15

Defid din dia Israel teeb kur, ki tuun linba ŋan ki bia took ki teen u niib yoo kur.

1 Barkperii 28:4

Timm Israel teeb Yomdaanɔ Yennu-e gannin n baa ŋaateeb ni, a min nan n yaaboonae saa dia Israel teeb nan yoo nba kaa gbennu. U din nyinn Juda boorue a bii tee tɔɔndamm, ki Juda ŋaak ni ki u gann n baa ŋaateeb. Ŋaak na teeb kura, ŋaan u par din peen nan wun gannin ki teenin Israel teeb kur kpanbar.

Yaŋ 108:8

Gilead yent tee n yare, ki kpab nan Manase yent, Efraim yent tee n kut fokirike, ki Juda yent mun tee n naan dammir.

Yaŋ 60:7

Gilead yent tee n yare, ki Manase yent bia tee n yar. Efraim yent tee n kut fokirike, ki Juda yent tee n naan dammir.

Maika 5:2

Yennu yet a, “Betlehem Efrata, a tee digbanbis nba be Juda yiar na ni yenne, ŋaan a niŋe ki n saa nyinn kpanbar, ki u saa dia Israel teeb, ki tee wunba ki u naakuuk bo be yaayoo niwa.”

Nikant 2:3

Li yondo po, binba tee Juda booru na, bii be nan bi fariŋ, kii be kaann kaann nan bi saakab. Baa sii kaar biaŋinbae na: Juda booru ni saakɔɔ tee Nasonn, ki u tee Aminadab bija, ki bi kann tee jab tusaa piinlore nan ŋanna nan kobii ŋanloob. Ki Isakar booru ni saakɔɔ tee Netanel, ki u tee Suar bija, ki bi kann tee jab tusaa piinŋmu na ŋanna nan kobii ŋanna. Ki Sebulunn booru ni saakɔɔ tee Eliab, ki u tee Helonn bija, ki bi kann tee jab tusaa piinŋmu nan ŋanlore nan kobii ŋanna. Ki bi kur taan ki tee jab tusaa kobik nan piinniin nan ŋanloob nan kobii ŋanna. Juda booru paabue sii be liik.

Nikant 7:12

Baa din tur bi Yenpiinii ki wei leeb paak daar daar biaŋinbae na: Sinsinn daar, Juda booru, ki bi saakɔɔ tee Nasonn, ki u tee Aminadab bija. Daaŋanlee daar, Isakar booru, ki bi saakɔɔ tee Netanel, ki u tee Suar bija. Daaŋantaa daar, Sebulunn booru, ki bi saakɔɔ tee Eliab, ki u tee Helonn bija. Daaŋanna daar, Rubenn booru, ki bi saakɔɔ tee Elisur, ki u tee Sedeur bija. Daaŋanŋmu daar, Simeonn booru, ki bi saakɔɔ tee Selumiel, ki u tee Surisadai bija. Daaŋanloob daar, Gaad booru, ki bi saakɔɔ tee Eliasaf, ki u tee Dewel bija. Daaŋanlore daar, Efraim booru, ki bi saakɔɔ tee Elisama, ki u tee Amihud bija. Daaŋanniin daar, Manase booru, ki bi saakɔɔ tee Gamaliel, ki u tee Pedasur bija. Daaŋanyia daar, Benjaminn booru, ki bi saakɔɔ tee Abidann, ki u tee Gideoni bija. Daapiik daar, Dann booru, ki bi saakɔɔ tee Ahieser, ki u tee Amisadai bija. Daapiik nan yenn daar, Aser booru, ki bi saakɔɔ tee Pagiel, ki u tee Okrann bija. Daapiik nan ŋanlee daar, Naftali booru, ki bi saakɔɔ tee Ahira, ki u tee Enann bija. Saakab na kur nba din tur bi piinii biaŋinbae na: Salimpeena kut sɔnt, ki li kpaiu tee nan simpeenii bɔrik-gbinn na, nan salimpeena tatilabik, ki li kpaiu tee nan simpeenii bɔrik-gbinjinn na, ki tee biaŋinba ki bi senn; ki li kur gbee nan yon ki ŋmat kpama, ki tee jeet Yenpiinii; nan salima senii, ki li kpiau tee nan janii bɔrik-gbinjinn na, ki bonnunubit gbee li ni; nan naajabir nan pejak nan pegann nba dii binn, ki li tee mujoonu Yenpiinii; nan buuk, ki li tee yanbɔmm Yenpiinii; nan naajai banlee nan pejai banŋmu nan buunii banŋmu nan pei banŋmu, binba dii binn binn, ki li tee weinanleeb Yenpiinii.

Matiu 2:6

‘Fin Betlehem nba be Juda yent ni na, a ki tee tinbik kaa Juda yiar ni, kimaan batsɔɔ tan saa nyi a nie, ki ŋɔɔe tan sii yen n niib Israel teeb.’ ”

Rom Teeb 8:29

U poŋ din senn nan binba ki u yiimm na, bi binbeŋ-ii tee nan u Bija binbeŋ nae, ki u Bija na n teen Bikperik, waas bonchiann sinsuuk ni.

Sennu 21:17

Li loon ki wun biit u faar na ki tur bikperik na tor munlee, wu-u leki kii tee pooloŋir biki. Li ŋan ki jɔɔ n bann u bikperik, ki jii linba tee bikperik yar ki turɔ.

Sennu 33:17

Joosef booru paŋ tee nan naajak paŋ nae, ki u yiikoo tee nan naajakookir yina na. Ki u saa jii ŋanne ki tut nyinn niib ki saan namm banfɔka. Ki u paŋ tee Manase maaru tusaa tusaa nan Efraim maaru tusaa piik piik.”

Hiibru teeb 7:14

Sɔɔ kur poŋ mi nan ŋɔɔ Yiisa nyii Juda booru nie, booru nba ki Moses din ki mi pak siar bi po ki jiin mannteeb po.

Joosua 14:6

Dasiar ki nisiab nyii Juda booru ni ki baar Joosua boor, Gilgal. Bi yenɔ sann din tee Kaleb ki u tee Jefune nba tee Kenis nirɔ na bija. U din yet Joosua a, “A mi Yennu nba din pak linba ki jiin min nan fin po ki tur Moses nba tee ŋɔɔ Yennu nirɔ na, Kades Banea doo ni.

Fiitu 5:5

Ŋanne ki saakab na yenɔ yetin a n daa bui, a n got wunba nyii Juda maaru ni, ki u sann tee Juda Yanbɔr na, wunba tee Defid Yaaboonjaann ki nyann bonsiar kur na, ŋɔɔe saa fit tabit yiit ŋanlore na ki pɔbit gbanpɔɔbir maŋ.

Barbuura 1:2

Ki Yennu jiin a, “Juda boorue saa liit. N jikit tiŋ na ki kubint bi nuu ni.”

1 Samuel 16:1

Ki Yennu yet Samuel a, “A saa fabin Sɔɔl po ki lin wei nlee? N yêtɔwa nan u ki tee Israel teeb kpanbar jikii. Mɔtana, lomin olif tiinii kpan, ki wuun yinn ni, kii saa Betlehem, jɔɔ nba ki bi yiu Jese na boor, kimaan n gann u waas na yenɔe ki u sii tee kpanbar.”

1 Samuel 16:10

Nna bannue ki Jese din yiin u bonjai banlore na ki baar namm Samuel boor. Ki Samuel yetɔ nan Yennu ki gann bi sɔɔ.

1 Samuel 16:12

Ki Jese tun ki boi Defid po. U din tee naasinŋaŋe, ki mɔk laafia, ki u ninbina nyirii ki ŋan. Ki Yennu yet Samuel a, “Jɔɔ maŋe na. Fiit ki mɔɔn kpan u paak.”