1 Barkperii 29:3 - Yennu Gbouŋ Mɔɔr

³ Maa lek lon linba na, ŋaan n bia nyinn salimpeena nan salimmɔna n tiɔŋ jafaa ni ki pukin, kimaan n mɔk lomm nan Yennu ŋasaakak na paak.

1 Barkperii 29:3 ပူးပေါင်းရင်းမြစ်များ

2 Kpanbara 12:4

Ki Joas tun yiin mannteeb na, ki tan betib a bii bɔrii likirii nba ki bi gaan ki jiin Yenjiantu ŋasaakak maruŋ po, linba ki niib na pa ki li tee yoo kur maruŋ, nan yanbɔɔ piinii po na.

1 Barkperii 21:24

Ŋaan ki Defid jiin Arauna a, “Aaii, n saa pa li daauk nba tee biaŋinbae. N kan jii linba tee a yar ki tur Yennu ki li tee Yenpiinii, koo ki ji linba tee dafur ki mann mujoonu maruŋo.”

1 Barkperii 29:2

N yabir bonchiann ki lon tiat nba saa maa Yennu ŋasaakak nawa, li salimmɔna, nan salimpeena, nan kutmɔnt, nan kutlaana, nan taabii, nan tanbinyinyira nba daauk paar, nan tanjabirkara, nan tanpeena, nan tanbooru kur, ki li yab bonchiann.

1 Barkperii 29:4

N tur salima nba ŋan, kuna tusaa kobik, nan salimpeena kuna tusaa kobii ŋanlee nan piinna, a lin jii ŋamm Yennu ŋasaakak dikpina,

Yaŋ 26:8

Yennu, n loon ŋaak nba ki a be na; ki li tee siaminba ki a baakir be na.

Yaŋ 27:4

N boi Yennu bonyenn kɔɔ poe, bonyenn kɔɔe ki n loon: N loon mii be Yennu ŋasaakake n manfoor ni kur, kii bari Yennu ŋant nba tee, ŋaan boi u sommir po.

Yaŋ 84:1

Yabint daanɔ Yennu, a ŋasaakak mantik ŋan bonchiann.

Yaŋ 84:10

Mi-i dɔɔr daar yennkɔɔ a ŋasaakak ni, li chee nan man dɔɔr siar po daa tusir. Mi-i see Yennu ŋasaakak boor ki guu tammɔb, li chee nan man kɔɔ nibiiuk ŋaak.

Nyinu 25:2

“Betir Israel teeb ki bin baar nan piinii ki turin. Wunba kur par lakib ki u baar nan piinii a wun turin, fan set ki gaar n paak.

Barŋanii nba ki LUK din sɔb nae na 7:5

kimaan u loon ti niib. U bia maa Yenjiantu diiuk ki turita gbaa.”