1 Barkperii 29:11 - Yennu Gbouŋ Mɔɔr

¹¹ Yennu, fine tee Yenjaann, ki mɔk yiikoo, ki a baakir yab, ki a mɔk nyannu nan ŋant bonchiann. Fine yen tingbouŋ nan sanpaak kur, ki tee kpanbar gbeŋir nba dia bona kur.

1 Barkperii 29:11 ပူးပေါင်းရင်းမြစ်များ

Pinpiik 1:1

Pinpiik ni dinn ki Yennu nan sanpaak nan tiŋ.

Pinpiik 14:19

Li yoo na ki u teen piisin Abram paak, ki yet a, “Yabint Yennu, wunba nan sanpaak nan tiŋ na n teen piisin fin Abram paak.

Pinpiik 14:22

Ŋaan ki Abram jiinɔ a, “N poŋ senn mɔsonn ki tur Yabint Yennu, wunba nan sanpaak nan tiŋ

1 Barkperii 29:10

Niib na kur tɔɔnne ki kpanbar Defid din pak Yennu, ki yet a, “Yennu nba tee ti yeeja Jakɔb Yomdaanɔ na, dontir tee a yare mɔkmɔk nan mɔkmɔk.

2 Barkperii 20:6

ŋaan miar Yennu sanpaapo ki yet a, “Ti yeejamm Yomdaanɔ Yennu, fine be Yendɔuŋ ni, ki dia doi nba kur be durinya na ni. A mɔk paŋ nan yiikoo, ki sɔɔ kaa ki saa fit kɔn nana.

Nehemaya 9:5

Liifai teeb nae din tuu be bi tɔɔnn, jiantii ni. Ŋamme tee Jesua nan Kadmiel nan Bani nan Hasab-neya nan Serebia nan Hodia nan Sebania nan Petahia. Bi din yet a: “Fiit set ki pak i Yomdaanɔ Yennu. Ii pak dontɔ nan yoo nba kaa gbennu. Ŋaant ki sɔɔ kur n pak u baakir sann na, ŋaan nisaarik dontir lek kan jaŋɔ.”

JOB labaar 37:22

Ki yabint Yennu nyi niigaŋ po nan u yentu nba ŋan, ki baat nan u yentsaakar, ki li mɔk jaŋmaanii.

Yaŋ 10:16

Yennu-e sii tun tee kpanbar, binba jiantir tingbana na saa bot u tiŋ ni.

Yaŋ 103:19

Yennu bir u naangbouŋ yendɔuŋ nie; ŋɔɔe tee niib kura kpanbar.

Yaŋ 104:1

N seek, pakin Yennu. N Yomdaanɔ Yennu, a yab bonchiann.

Yaŋ 145:1

Yennu nba tee n kpanbar, n saa mɔɔnt a yabint; n saa tura niipoouk mɔkmɔk nan mɔkmɔk.

Yaŋ 145:6

Niib saa pak a toonjaana po, ki man mɔɔnt a yabint po.

Yaŋ 21:13

Yennu, ti piak dontira, kimaan a panchiɔŋ paak. Ti saa yin yaŋ, ki dont a sann.

Yaŋ 29:4

Yennu kunkɔr mɔk paŋ bonchiann. Yennu kunkɔr mɔk yabint baakir.

Yaŋ 46:10

ki yet a, “Nyikin kɔnn man, ki bann nan mine tee Yennu, ki saa la dontir digbana kur ni, ki bia saa la dontir tingbouŋ kur po.”

Yaŋ 47:9

Digbana diateeb kur taan be nan niib nba tee Abraham Yennu niib na, kimaan kpanbara nba be tingbouŋ na paak tee Yennu yabe. U ŋan nan dontir.

Yaŋ 57:11

Yennu, want a yabint, sanpagbant ni, ki ŋaan a baakir-ii be tingbouŋ na kur po.

Yaŋ 57:5

Yennu, want a yabint sanpagbant ni, ki ŋaan a baakir-ii be tingbouŋ na kur po.

Yaŋ 57:6

N datai lu laauŋo a bin soorin, ki n be nan parbiir, ki bi gbii bootuk, sɔnu nba ki n tɔkii na ni, ŋaan ki bi mɔŋ tan baa li ni.

Yaŋ 89:11

Sanpaak nan tingbouŋ na kur tee a yare. Fine nan durinya nan linba kur be li ni.

Yaŋ 97:1

Yennu-e tee kpanbar. Tingbouŋ, ii mɔk parpeenn. Yimm tinii nba foo mɔkgbeŋa ni na, ii kpamm man.

Yaŋ 97:9

Yabint Yennu, fine tee tingbouŋ na kur diatɔɔ; a tee Yenjaanne ki gar yenbis kur.

Yaŋ 98:1

Yinin yanpaanii ki tur Yennu, kimaan u tun bakitnauŋ toonawa. U jii u tiɔŋ yiikoo nan kasii paŋe ki nyann nyannu na.

Yaŋ 99:1

Yennu-e tee kpanbar; ŋaant nisaarii gbanant n jek. U kar bonninnant paak, ŋaant tingbouŋ na n damm.

Aisaya 12:4

Daar baate ki niib saa yin yaŋ na a, “Turin Yennu niipoouk. Yiintɔ ki wun somma. Pakin digbana kur, waa tun linba. Wantib u yiikoo nba jan.

Aisaya 42:5

Yennu-e nan sanpaak ki jɔnnir, ki ŋamm tingbouŋ na nan linba kur be li ni, ki tur li niib kur manfoor nan foon. Ki mɔtana, Yomdaanɔ Yennu maŋe yet u toontunnɔ a,

Aisaya 66:1

Ki Yennu yet a, “Sanpaak tee n naangbouŋo, ki tingbouŋ na mun tee n taakpakitir. Ŋaboorbee ki i saa maa turimi? Binbebolanne ki n sii be leŋi?

Jeremaya 27:5

“N yiikochiɔŋ nan n paŋ nie ki n nan durinya nan nisaarii nan bonkobit nba kur be tingbouŋ na paak, ki tuu jiib tur wunba ki n loon.

Daniel 2:20

“Yennu mɔk yan nan yiikoo. Pakin ki dontɔ mɔkmɔk nan mɔkmɔk.

Daniel 4:3

Yennu nba fiit u bakitnauŋ toona nba ki tur niib, li yab bonchiann. Yaarlituk toona nba ki u tun na mɔk paŋ. Yennu-e tee kpanbar nan yoo nba kaa gbennu. U sii dia u niib maaru n tuu maaru.

Daniel 4:30

ki yet a, “Gotir Babilonn nba yab biaŋinba. Mine maar, a lii tee n digbansaakar, ki man wann n paŋ nan yiikoo nan baakir nan n yabint nba tee.”

Daniel 4:32

Bi saa ber nyinna niib binbeboor. Ki a sii be nan muuk ni bonkobit, ki ŋman mɔɔt nan naab na bina ŋanlore. Ki a ji saa bann nan Yabint Yennu mɔk yiikoo nisaarii naan paak, ki u fit jikitir ki teen wunba kur ki u gann.”

Matiu 6:13

A daa te ki ti kɔɔ jinjammii ni, ŋaan a nyinnit bonbiir ni. ((Kimaan fine yen naan nan yiikoo nan baakir mɔkmɔk nan mɔkmɔk.))’

1 Timoti 1:17

Dontir nan baakir tee Yennu yare mɔkmɔk nan mɔkmɔk. Ŋɔɔe tee kpanbar nba kan mi kpo, ki sii be yaa yoo nan yaa yoo; ki sɔɔ ki laatɔ; ki u tee Yen-yemmir na. Mamɔmm.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Joosua 3:11

I saa bann nan Yennu nba fo na be nani, yoo nba ki ŋɔɔ Yennu nba yen tingbouŋ kur na mɔlor lakir na gar i tɔɔnn, ki poot Jɔɔdann mɔkir.

Joosua 3:13

Li-i tee ki mannteeb nba jikin Yennu nba yen tingbouŋ kur na mɔlor lakir tan ŋmaa Jɔɔdann mɔkir na ni, li nyun saa jite, ŋaan taant poo boyennkɔɔ ni.”

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yiisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan mɔkmɔk nan mɔkmɔk. Mamɔmm.

Fiitu 11:15

Li yoo ki malaka nba pukin banlore na pebir u naatunn, ki kunkɔsaakara yeen Yendɔuŋ ni a “Tingbouŋ na naan kur kpant ti Yomdaanɔ Yennu nan u Niganntɔɔ Masia yara, ki u saa diab mɔkmɔk nan mɔkmɔk.”

Fiitu 19:1

Linba na poorpo, ki n gbat fuut Yendɔuŋ ni, ki li tee nibur pinpauk, ki bi yeen a “Haleluya, tinnu nan dontir nan paŋ tee ŋɔɔ Yennu yare;

1 Samuel 15:29

Yennu nba tee Israel teeb baakir na ki fa faak, u bia ki lebitir u dudukit. U ki tee nisaarik kaa ki saa lebit u dudukiti.”