1 Barkperii 17:20 - Yennu Gbouŋ Mɔɔr

²⁰ Yennu, ŋmee tee nan fin na? Ti poŋ mi nan fin kɔɔe tee Yennu.

1 Barkperii 17:20 ပူးပေါင်းရင်းမြစ်များ

1 Barkperii 17:19

A mɔbona paak, nan a tiɔŋ loomm nie, ki a tun toonjaann na ki fiit wannin.

1 Barkperii 17:21

Digbann siar ki be tingbouŋ na ni ki tee nan Israel teeb nba ki a nyinnib yommisin ni, ki teemm a tiɔŋ niib na. Toonjaana nan bakitnauŋ toona nba ki a tun ki turib na mɔɔnt a sann, ki gbenn durinya kur powa. A niib nba ki a fat nyinnib Ijipt tiŋ ni, baa yaa bin kɔɔ bi tiŋ ni na, ki a ber nyinn digbanlia na niib.

Yaŋ 44:1

Yennu, ti gbat nan ti tubawa, ti yeejamm betit faa din tun linba ki turib sianyoo nawa.

Yaŋ 86:8

Yennu, yensau kaa ki tee nan fin na, sɔɔ daa ki ban tun siar ki li tee nan a yar na.

Yaŋ 89:6

Yennu, sɔɔ ki be yendɔuŋ ni ki tee nan fin na; malakanba nba be yendɔuŋ ni, bi sɔɔ ki tee a lɔɔ.

Yaŋ 89:8

N Yomdaanɔ Yennu, sɔɔ ki be ki tee nan fin na. Yennu, fine tee yabint daanɔ, ki mɔk barmɔnii binbeŋ bona kur ni.

Yaŋ 97:9

Yabint Yennu, fine tee tingbouŋ na kur diatɔɔ; a tee Yenjaanne ki gar yenbis kur.

Nyinu 15:11

“Yennu, yenlanɔpoe tee nan fin na? Ŋmee tee nan fin nba tee kasii yaa kasii na? Ŋmee saa fit tun yaarlituk nan paŋ toona nan fin na?

Nyinu 18:11

Mɔtana, n mi nan Yennu-e tee Yenjaann ki gar yennii nba kur be, kimaan u tun linba na, yoo nba ki Ijipt teeb dia Israel teeb nan nɔɔntont nae.”

Nyinu 8:10

Ki kpanbar na jiin a, “A won miar ki turin wonn.” Ŋanne ki Moses yet a, “N saa tun nan faa loon biaŋinba na, ki fan bann nan yensiar kaa ki tee nan ti Yomdaanɔ Yennu na.

Nyinu 9:14

Fi-i kii te ki bi saan, n ji kan dat a saakab nan a niib kuukɔɔ tuba kaa, ŋaan n saa dat a mɔŋ tubira, ki fan bann nan sɔɔ kaa tingbouŋ na ni ki tee nan min na.

Aisaya 40:18

Ti saa bikin Yennu nan ŋmee? A saa bikinɔ nlee?

Aisaya 40:25

Ti saa bikin kasii Yennu na nan ŋmee? Sɔɔ be ki tee nan ŋɔɔ na-a?

Aisaya 43:10

“Israel teeb, yimme tee n siara damm; n gann yimme maa yii tee n toontunna, ki fit bannin, ki teenin yada, ki bia bann nan mine tee Yen-yemmir. Yennu ji kaa ki pukin n po; yensau din kaa kawa, ki yensau bia kan ban kii be.

Aisaya 44:6

Yabint Yennu nba dia Israel teeb, ki bia guub na piak a, “Mine tee pinpiik nan joontu, ki tee Yen-yemmir, yensau ji kaa ki pukin n po.

Aisaya 45:22

“Durinya kur niib, baat n boor man ki la tinnu. Min kɔɔe tee Yennu nba be.

Aisaya 45:5

“Mine tee Yennu, ki yensau ji kaa ki pukin n po. Faa lek ki min na, ŋaan n saa tura paŋ nba ki a loon.

Aisaya 63:12

Yennu nba din jii u paŋ ki tun toonjaana ki li nyii Moses ni, ki u bɔkit mɔkgbeŋir nyun, ki tɔkin nan u niib li sunsuŋ ni, a wun la sangbeŋir nba sii yɔɔ be na, ji be lia?” Yennu-e din gar bi tɔɔnn, ki bi somm nan taanii na, ŋaan ki ki gbiat.

Efesus teeb 3:20

Yennu paŋ nba tuun ti ni na paak, u saa fit tun bonsiar kur ki turit ki gar taa dukii linba ki meiɔ.

Sennu 3:24

‘Yabint daanɔ Yennu, n mi nan a fiit ki wannin a toongbeŋa nan bakitnauŋ toona nba ki a yaa a tuma. Yensau kaa sanpaapo koo tingbouŋ na ni ki saa fit tun a paŋ toona na leere.

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.

Sennu 4:35

Yimme ki u tun ki turi a lin wanni nan u kɔɔe tee Yennu, ki sɔɔ ji ki be ki tee nan ŋɔɔ na.

Sennu 4:39

Bant dinna daar nba na, ki daa ban tammit nan Yennu-e tee Yomdaanɔ, yendɔuŋ ni nan tingbouŋ na ni, ki yensau ji ki be.

1 Samuel 2:2

“Sɔɔ ki be ki tee kasii nan Yennu na; sɔɔ kaa ki tee nan ŋɔɔ na, sɔɔ ki be ki tee guutɔɔ nan ti Yennu na.