1 Barkperii 11:22 - Yennu Gbouŋ Mɔɔr

²² Benaya, wunba tee Jehoyada bija, ki nyii Kabseel na mun din tee kunkɔnkɔnwakitire. U din tun partoona bonchiann: U din fit kpii Moab kunkɔnkɔnwakita banlee. U ban sik bootuk ni samaatuk daar ki kpii yanbɔr.

1 Barkperii 11:22 ပူးပေါင်းရင်းမြစ်များ

2 Samuel 1:23

“Sɔɔl nan Jonatann din ŋan, ki niib loomm. Baa be bi manfoor ni, ki bia tan kpenn, bi ki bɔkit leeb. Bi tuu kakii ki gar baakir, ki bia paar ki gar yanbɔrawa.

2 Samuel 20:23

Joab-e din tee Israel kunkɔnkɔnna saakɔɔ; ki Jehoyada bija Benaya din ŋmakitir Keref booru nan Pelef booru nba guu kpanbar Defid na.

2 Samuel 8:18

ki Benaya, wunba tee Jehoyada bija nae din tee binba guu kpanbar Defid na saakɔɔ, ki Defid bonjai tee u ŋaasaakab.

1 Kpanbara 1:38

Ki Sadok nan Natann nan Benaya nan kpanbar guuteeb na jii Solomonn, ki kaanɔ kpanbar bontaamm na paak, ki saan nanɔ Gihonn nyuntonn na boor.

1 Kpanbara 1:8

Ŋaan manntɔɔ Sadok, nan Jehoyada bija Benaya, nan Yennu sɔkinii Natann, nan Simei nan Rei nan Defid guuteeb na ŋarin din ki taa Adonija po.

1 Kpanbara 2:30

Ki u saan kɔɔ Yennu lanbouŋ ni ki yet Joab a, “Kpanbar yet a fan nyi.” Ki Joab jiin a, “Aaii, n saa kpo nnae.” Ki Benaya ŋmat kpanbar boor ki saa wannɔ Joab nba pak biaŋinba.

1 Barkperii 11:21

Ŋɔɔe din tee kunkɔnkɔnwakitir nba ki u sann doo piintaa na ni, ki bi teenɔ bi tɔɔndaanɔ, ŋaan u sann din ki wokit ki baar kunkɔnkɔnwakita bantaa na.

1 Barkperii 12:28

nan Sadok, wunba tee kunkɔnkɔn-naasimɔ ki kɔn kɔnn fanu na, mɔk kunkɔnkɔnna saakab piinlee nan banlee.

1 Barkperii 12:8

Sana nba na tee niib nba nyii Gaad booru ni, ki din baar pukin Defid po, yoo nba ki u din be tanfiiɔk ni, kunkoouk paak nae. Kunkɔnkɔnna na din kakii, ki fit kɔn nan naagbankɔŋa nan kpana, ki bi jatuk tee nan yanbɔra yar na, ki bia kakii nan piarɔ nba be jɔfoouk paak na.

Joosua 15:21

Doi nba tant saan diitu po ki tee bi yar, nan linba din kpia Edom kpaar ki tee Kabseel nan Eder nan Jagur,