1 Jɔɔnn 3:17 - Yennu Gbouŋ Mɔɔr

¹⁷ Daanɔ nba mɔk ki li jaŋitɔ, ŋaan la ki u naa bik pɔt siar, ki u baka kaa u ni, Yennu lomm kaa daanɔ maŋ ni.

Yennu Gbounpaauŋ Mɔɔr

¹⁷ Daanɔ nba mɔk linba jaŋitɔ, ŋaan la ki u naa bik kɔŋ siar, ki u baka kaa u ni, Yennu loomm kaa daanɔ maŋ ni.

1 Jɔɔnn 3:17 ပူးပေါင်းရင်းမြစ်များ

Barjokit 12:10

Niŋamm tuu dia bi bonkobit fanue, ŋaan nibiit ton nan bi bonkobite.

Barjokit 14:31

Li-i tee ki a mukis nandamm, a sukii Yennu nba namm nae; ŋaan fi-i tiin nandamm ninbaauk, li wann nan a baakit Yennu-e na.

Barjokit 19:17

Fi-i tur nandaanɔ piinii, li tee nan a kpent Yennu-e bont maŋ na, ki Yennu tan saa pa tura.

Barjokit 21:13

Fi-i yêt fan gbiint nandaanɔ mɔnii, a mɔŋ tan sii bui ki loon sommir, ki sɔɔ kan gbati.

Barjokit 28:9

Fi-i kii sak sennu, Yennu kan gbat a miaru.

Barŋanii nba ki LUK din sɔb nae na 3:11

Ki u jiin a, “Wunba mɔk liata ŋanlee, see ki u paat yenn ki tur wunba ki mɔki, ki wunba mɔk jeet, wun wat tur wunba ki mɔki.”

2 Korint teeb 8:9

I mi ti Yomdaanɔ Yiisa Masia nuu nba yaa biaŋinba. U din tee mɔkitɔɔe, ŋaan ki i paak ki u kpant tarik, ki u tarik kpantu maŋ paak te ki yimm ji teen mɔkita.

Hiibru teeb 13:16

I daa nyikit toonŋana tumu, kii chentir yaa mɔk linba nan i leeb. Li maruŋ boorue pent Yennu par.

Jeems 2:15

Li-i tee ki a naa bik be ki ki laat gbab, ki bia ki laat di,

Jeems 2:16

ki a ji beerɔ a, “N naa bik, a kun manuwa, kii gbab, kii biaki di,” ŋaan ki turɔ siari, li mɔk nyɔɔti-i?

1 Jɔɔnn 4:20

Daanɔ nba yaa u loon Yennu, ŋaan bia ki loon u naa bik, u tee faak daanɔe. Li-i tee ki u ki loon u naa bik nba ki u laatɔ nan u ninbina, nlee ki u sii fit loon Yennu nba ki u ki laatɔ na nan u ninbina?

1 Jɔɔnn 5:1

Binba kur teen yada nan Yiisa tee Yennu Niganntɔɔ Masia na, li yabe tee Yennu waas. Ki daanɔ nba loon nirɔ, u bia sii loon nirɔ maŋ waase.