Toona 9:2 - Yennu Gbounpaauŋ Mɔɔr

² a wun gaar kadaat, a ki saan Damaskus ki saa wann Yenjiantu diit yudamm, a wu sii la wunba waa Yisa sɔnu maŋ, jɔɔ amii poo, see wun soorib ki lorib ki jen namm Jerusalem.

Yennu Gbouŋ Mɔɔr

² a wun gaar kadaat, ki saan Damaskus ki saa wann Yenjiantu diit yudamm, a wuu la wunba waa Yiisa sɔnu maŋ, li jab koo poob, wun soorib ki lorib ki jen namm Jerusalem.

Toona 9:2 ပူးပေါင်းရင်းမြစ်များ

Matiu 10:17

I mi man niib po, kimaan bi tan sa soori saan nani barbuteeb boor ni, ki bia booi bi jiantu diit ni.

Jɔɔnn 14:6

Ki Yisa betɔ, “Mine tee sɔnu na, ki bia tee mɔmɔmm, ki bia tee manfoor. Sɔɔ kaa ki sa baar n Baa Yennu boor ni, ki li ki tee ki u sint baarimi.

Toona 18:25

Ki bi din poŋ wannɔ ti Yomdaanɔ Yisa sɔnuewa. Ki u tan baar ki din piak want Yisa po bonŋann nan nunmɔnn, ŋaan u daa din ki bann Yisa maan maŋ kuri, kimaan u kpan din mi Jɔɔnn nba din wuur niib Yennu nyunwuru biaŋinba kuukɔɔe.

Toona 19:23

Li yoo maŋ daamuk bonbiir din fiir, kimaan ti Yomdaanɔ Yisa weiu paak.

Toona 19:9

Ŋaan niib na siab din tee tubkangbata damme, ki din ki sak maan na, ŋaan piak barbiit nibur na ni, ki biir ti Yomdaanɔ weiu sɔnu. Ŋanne ki Pɔɔl nyikib, ŋaan jii Yisaweira na ki saan namm Tiranus wannu diiuk ni; ki daar kur jik ki u faa labaar nan niib leŋ.

Toona 24:14

“Min beerae nan ma waa sɔnu nba ki Juu teeb yeen a li sɔnu ki ŋan na, ŋaan min lek jiantir ti yejamm Yennue. Linba sɔb Moses sennu gbant nan Yennu sɔkiniinba gbant ni na, n teen li kura yada,

Toona 24:22

Fiiliks nba ŋarin mi Yisa weiu po bonŋann na, ki u nyik maan na, ŋaan yaa a “Lanjimanba yudaanɔ Lisias-i taŋŋi baar yoonba, n sa dukin i maan maŋ po,”

Toona 26:10

Nnee ki n din tuun Jerusalem. Yennu jiantu yudamm din tuu chabin yikoo ki n so Yennu niib ki kɔɔntib dansarii. Ba din tuu bu bi maan ki tan gbenn ki chab a bin kpib na, n mɔŋ mun din tuu be binba din tuu chab a bin kpib na kann ni.

Toona 26:12

“Muksuk maŋ paake ki n yaan tan fiir ma n saan ki saa mukisib Damaskus, Yennu jiantu yudamm nba chabin yikoo, ki bia turin mɔb a n tun nna.

Toona 6:9

Ŋaan nisiab din ki sakɔ. Binba din nɔi nan Stiifen maŋ din tee Juu teeb nba din tee daaba, ki bi ŋaab bi daabsin ni. Ki bi nyii Sairene nan Aleksandria nan Silisia nan Asia nie. Bi mun din mɔk bi mɔŋ Yenjiantu diiuko.

Toona 7:19

Ki kpanbar maŋ din dia ti niib diabiiuk, ki din tuu ton namm bonchiann, ki bia din tuu miab a bin nyinn bi sanpantii bi ŋei ni ki lub ki bin kpo.

Toona 9:14

U daan gaar yikoo jiantu yudamm boor ni, ki baar nna, a wun soor wunba kur yi a sann.”

Toona 9:21

Binba kur din gbat u mɔɔntii maŋ, li din teemm yaarlituko, ki bi boi a “Jɔɔ na kaa daan kpi binba yi Yisa sann Jerusalem na-aa? U yaan ki baar a wun soor ki lor Yisaweira, ki ŋmat namm ki saa turib Yennu jiantu yudamm kaa na-aa?”

2 Korint teeb 11:32

ma din be Damaskus doo ni yoonba, Bat Aretas yoo na, doo maŋ ni saakɔɔ din loon wun soorime, ki din te ki lanjimanba see doo maŋ tammɔb ni ki gorii a bin soorin.

Galasia teeb 1:17

N bia din ki saan Jerusalem ki saa la binba din dɔŋ teen toomiinba nanin na, ŋaan n din fiire li taakpaak ni ki saan Arabia tiŋ ni; li poorpoe ki n ŋmat saan Damaskus doo ni.