Toona 8:9 - Yennu Gbounpaauŋ Mɔɔr

⁹ Jasɔɔ nna mun din be doo maŋ ni, ki tee nyɔkluurɔ, ki u sann din yi Simon, ki yosau ki u tuu tan tee u bakitnauŋ toona, ki li din bakitir niib kur nba be doo maŋ yakir po, ki u din yi u mɔŋ a u tee nijaanne.

Yennu Gbouŋ Mɔɔr

⁹ Jɔɔ nna mun din be doo maŋ ni, ki tee nyɔkdaanɔ, ki u sann tee Simonn, ki yosau ki u tuu tan tun bakitnauŋ toona, ki lin bakit niib kur nba be doo maŋ ni, ki u yi u mɔŋ nijaann.

Toona 8:9 ပူးပေါင်းရင်းမြစ်များ

Jɔɔnn 7:18

Daanɔ nba piak u mɔŋ mɔŋ wannu, ŋɔɔ loon nibaakir ki teen u mɔŋe. Ŋaan wunba loon a niib-ii baakit wunba tumɔ na, ŋɔɔe tee popeendaanɔ, ki ki mɔk biiti.

Toona 13:6

Li poorpoe ki bi din nyii Salamis, ki gaar tiŋ maŋ doi kur ni, ki saa baar Pafos. Leŋe ki bi din la nyɔkluursɔɔ, ki u sann yi Bajiisus, ki u din tee Juu nirɔ nba kpann a u tee Yennu sɔkinii.

Toona 13:8

Ŋaan ki nyɔkluurɔ maŋ, wunba sann din yi Elimas, Griik maan ni na, ki u ki sakibi, ŋaan koor a wun tia yudaanɔ maŋ ki u daa tee Yisa yada.

Toona 5:36

Sianyoo nba din gar, ki Tiudas din want u mɔŋ nan u tee nijaansɔɔe, ki niib kaman nan kobii ŋanna na din tee u poorpojɔɔmu, ŋaan niib nba din tan kpiiu, u jɔɔmu na kura din yate, ki u jagberin na gbenn.

Toona 8:11

U din tuu tee u bakitnauŋ toona maŋ, ki li bakitirib ki yukira. Li paak ki bi din teeu nibaakir ki bia gbiintir u maan.

2 Tesalonika teeb 2:4

U tan kan sak Yenjiantu nan jiantii kura, ŋaan jɔɔb u mɔŋ teen yudaanɔ nba gar linba ki niib jiantir kura. U tan sa kɔɔ Yenjiantu diiuk ni gbaa ki pur u mɔŋ Yennu.

2 Timoti 3:2

Niib tan sii tee jawudamme, nan likilonna, nan karinbaanii damm, nan garukdamm, nan binba sukii niib, nan binba ki saak bi damm mɔi, nan binba ki tian ŋamm po, nan binba ki tiin Yennu;

2 Timoti 3:5

bi tan sii dia Yenjiantu sanne, ŋaan ki saak Yennu paŋ. Nyint a mɔŋ li nibooru ni.

2 Piita 2:18

Bi piak karinbaanii barii nba ki mɔk nyɔɔte a bin kpann niib nba yabit bi mɔŋ a bin nyik biitdamm, ki kpannib a bii tuun gbanant loonbiit kii tuun bonchonchonn toona,

Fiitu 22:15

Ki nibiit, nan binba dia jabaat na ki bu ki kpann niib, nan binba tuun jakint toona na, nan nikpiira, nan patjiantdamm, nan binba tee fai damm ki kpann niib na, bi kur tan sii be doo maŋ nanyer poe.