Toona 8:5 - Yennu Gbounpaauŋ Mɔɔr

⁵ ki Filip nyii ki sik Samaria doo ni, ki saa mɔɔnt Yennu Niganntɔɔ Masia po ki tur leŋ niib.

Yennu Gbouŋ Mɔɔr

⁵ Ki Filip nyii sik Samaria doo ni, ki saa mɔɔnt Yennu Niganntɔɔ Masia na po ki tur leŋ niib.

Toona 8:5 ပူးပေါင်းရင်းမြစ်များ

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 21:8

Ki li yent sanyiɔk ki ti nyii Tolemais ki baar Siisarea ki saan kɔɔ Filip ŋaak ni, wunba mɔɔntir Yisa barŋanii na, ki be. U din tee jab bannlore nba ki bi din gannib Jerusalem a bii tee jetorteeb yudamm na yenɔe.

Toona 5:42

Ki daar kur ki bi saa Yennu jiantu ŋasaakak ni, ŋaan bia lin niib ŋei ni, ki want niib a Yisa tee Yennu Niganntɔɔ Masiae, ki bia mɔɔntir u barŋanii na, ki ki nyikiti.

Toona 6:5

Ki mɔtaauk niib na kur ji din mɔk parpeenn nan toomiinba maan maŋ paak. Ŋanne ki bi gann Stiifen, wunba mantik gbee nan Yennu Seyeeŋ nan yada na, nan Filip, nan Prokorus, nan Nikanor, nan Timon, nan Pamenas, nan Nikolaus, wunba din nyii Antiok, ki ki tee Juu nirɔ, ŋaan din kpint u jiantu ki waa Juu teeb jiantu na.

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.

Toona 8:26

Ŋanne ki ti Yomdaanɔ malaka tan baar bet Filip a “Fiit saan tɔkin sɔnu nba nyi Jerusalem ki siik Gasa na.” Leŋ din tee tinpere.

Toona 8:30

Ki u chiar saan nakin leŋ, ki gbat ki u karin Yennu sɔkinii Aisaya gbouŋ ni. Ki u boiɔ a “A bann linba ki a karin na paakii?”

Toona 8:40

Ki Filip ji din saa be Asotusewa, ki din lin digbana kur ki mɔɔntir Yisa barŋanii mɔkmɔk nan wa din tan baar Siisarea.

Toona 8:6

Ki nigbouŋ na mun din tikir ki gbiint Filip mɔɔntii maŋ, ki bia la nan u bakitnauŋ toona nba ki u tuun; u din nyinn narinbiit niib bonchiann ni, ki bi yikin sanpaapo ki nyii; ki u bia te ki gbanankpeena damm nan wɔbii bonchiann paak. Li paak din teen ki bi mantik gbiintir u maan fanu nan dudukyent.

Toona 9:20

ki din saan yiama Yenjiantu diit ni, ki mɔɔntir Yisa po, a Yisa kpan set tee Yennu Bijae.

1 Korint teeb 1:23

timm ŋanin mɔɔntir ki wantib biaŋinba ki Masia kpo dapunpunn paak nee, ki maan maŋ dont Juu teeb wutoa, ki bia tee jatmaan ki teen binba ki tee Juu teebi.

1 Korint teeb 2:2

Ŋaan ma din be nani na, n din ki mɔk duduksiat ki pukin Yisa Masia po, nan u dapunpunn paak kuun na po.

1 Korint teeb 3:11

Yennu poŋ din jii Yisa Masia ki u tee fiakire, ki fiaksiar ji kaa ki sɔɔ ji sa fit piinii.