Toona 8:14 - Yennu Gbounpaauŋ Mɔɔr

¹⁴ Ki Yisa toomiinba nba din be Jerusalem gbat a Samaria teeb gaar Yennu maan maŋ; ki bi din tun Piita nan Jɔɔnn,

Yennu Gbouŋ Mɔɔr

¹⁴ Ki Yiisa toomiinba nba din be Jerusalem na gbat a Samaria teeb gaar Yennu maan maŋa; ki bi tun Piita nan Jɔɔnn,

Toona 8:14 ပူးပေါင်းရင်းမြစ်များ

Matiu 13:23

Ŋaan bonboorii nba baa tinŋaŋ ni na tee kaman nan wunba gbat Yennu maan na, ki bann li paak, ki li tan kpaat ki nan; ki siab nan kobik kobik, siab mun nan piinnloob loob, siab mun bia nan piinntataa nee.”

Barŋanii nba ki LUK din sɔb nae na 22:8

ki Yisa tun Piita nan Jɔɔnn doo na ni ki betib a “I saa man ki saa teen yukitgar tiaru jeet na siir ki turit ki tin di.”

Jɔɔnn 12:48

Ki wunba yêenin ki ki saak n maan na, bonte be ki sa bu u buut; maan nba ki n pak ki u ki sak nee tan sa bu nanɔ dunia gbennu daar.

Toona 11:1

Li yoo na ki Yisa toomiinba nan Yisaweira nba be Judea lokir kur po na din gbat a binba ki tee Juu teeb mun tan sak Yennu maan.

Toona 15:4

Ba baar Jerusalem yoonba, ki Yisaweira nan bi saakab nan toomiinba na din gaarib saantuk. Ŋanne ki Pɔɔl nan Banabas betib linba kur ki Yennu tun namm.

Toona 17:11

Leŋ niib yan din kɔɔ Yisa maan maŋ ni ki gar Tesalonika teeb, ki bi set din sak maan na nan bi para kura, ki daa kur ki bi karin Yennu gbouŋ, ki gorii, a bin laan Pɔɔl nba piak linba maŋ, a li set tee mɔnii amii nlee.

Toona 2:41

Ki bi siab bonchiann din sak u maan maŋ, kaman nan niib tusa ŋanntaa na, ki bi wurib Yennu nyunwuru, ki bi pukin bi paak li daar maŋ.

Toona 8:1

Ki Sɔɔl din sak ba din yaa bin kpiu na po. Li daar maŋe ki muksubiir din baar Yisaweira nba din be Jerusalem na paak; ki bi kura din nyii yat ki saan Judea nan Samaria yaka po, ŋaan nyik toomiinba na kuukɔɔ leŋ.

Galasia teeb 2:9

Jems nan Piita nan Jɔɔnn mɔŋ nba ki bi yib saakab na, ŋaan bi mɔŋ din bann nan Yennue turin toongannkar na; li paak min nan Banabas nan ŋamm din foont leeb ki yokin ti leeb nii ni, ŋanne din want a ti kura mɔk mɔtaauk nan ti leeb. Timm nan ŋamm din sake a min nan Banabas-ii mɔɔntir barŋanii kii teen binba ki tee Juu teeb na, ki bi mun-ii mɔɔntir kii teen Juu teeb.

1 Tesalonika teeb 2:13

Linba yaa paak bia te ki ti piak Yennu yoo kura na tee nnee: ta din baar nan Yennu maan i boor ni, i din gbatir ki gaarir; i din ki gaarir kaman nan nisaarik yar na kaa, ŋaan i din gaarir kaman nan li tee Yennu yare. Ki li set tee ŋanne, kimaan yimm nba teenɔ yada na, maan maŋ tuun i para ni.

1 Tesalonika teeb 3:2

ŋaan daan tun ti naa bik Timoti, wunba ki timm nan ŋɔɔ taan tuun ki teen Yennu ki mɔɔntir Masia barŋanii, a wun chee i yada ki kɔɔnni para,

2 Tesalonika teeb 2:10

U tan sa jɔɔb faak boori kur ki kpann binba ki Yennu tan sa biirib na. Bi tan sa biira, kimaan ba ki loon barmɔnii nba bo sa tinnib maŋ ki yêtir na paak.