Toona 7:51 - Yennu Gbounpaauŋ Mɔɔr

⁵¹ Ŋanne ki Stiifen lek bia piak ki saa a “I mantik tee nigbaba hei, ki i dudukit bia fɔk nan Yennu bonchiann, ki i ki sak ki yin gbat Yennu maan. I kpan mun yêen nan ki i sak Yennu Seyeeŋ kaman nan i yejamm nba mun din yêt biaŋinba nae.

Yennu Gbouŋ Mɔɔr

⁵¹ Ki Stiifenn lek bia piak ki saa a, “I mantik tee nigbaba hei, ki i dudukit bia fɔk nan Yennu bonchiann, ki i ki sak yin gbiint Yennu maan. I kpan mun kɔn nan Yennu Seyeeŋ nan i yeejamm nba din tun biaŋinba nae.

Toona 7:51 ပူးပေါင်းရင်းမြစ်များ

Toona 6:10

Ki Yennu Seyeeŋ din tur Stiifen yanfantir bonchiann, ki bi ki fit nyannɔ nan u maan maŋi.

Toona 7:27

Ki wunba tur u lɔɔ daŋ na pii Moses, ŋaan betɔ yaa a ‘Sɔɔ ki ganna a a teen ti yudaanɔ amii ti barbuurɔ.

Toona 7:35

Ŋanne ki Stiifen bia lek piak ki saa a “Moses nba nee ki Israel teeb din yêtɔ na, ki bi din betɔ yaa a ‘Sɔɔ ki ganna a a teen ti yudaanɔ amii ti barbuurɔ,’ ŋaan ŋɔɔ nee ki Yennu mun din gannɔ a wuu tee bi yudaanɔ nan bi fatitɔɔ biak; ki ŋɔɔ Yennu din te ki malaka pak nanɔ ŋaan tumɔ. Malaka maŋe ki Moses din lau kunkonjagotuk paak muu na ni na.

Toona 7:39

Ŋaan ti yejamm din ki loon ki bin sakɔ. Li paak ki bi din yêtɔ, kimaan bi yan tunn Ijipta;

Toona 7:9

Ki Jakɔb waas maŋ din tan mɔk punponn nan bi waarɔ Josef, ki din tan soorɔ ki kɔiɔ, ki nisiab daau ki saan nanɔ Ijipt tiŋ ni, ŋaan Yennu din be nanɔ,

Rom Teeb 2:25

Fi-i sak Yennu sennu, a punpotu mɔk nyɔɔt, ŋaan fi-i kii sak sennu na, li ŋman a ki poti.

Efesus teeb 4:30

I daa te ki Seyeeŋ nba tee Yennu yent dɔk i paak na-n la parbiiri. Ŋɔɔe tee dɔk nba want nan Daar baat na ki Yennu tan sa turi yentinmɔŋ nan barmɔnii.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yisa Masia paak; linba na gar punpotuwa. Timm ki teen nifosaarik yar yada kaa.

Kolosa teeb 2:11

Yimm nan u benu nie ki i gaar punpotu; ŋaan li ki tee nisaarik nuu pot i gbananti; Masia punpotu na nee nyinnit biit ni,