Toona 7:2 - Yennu Gbounpaauŋ Mɔɔr

² Ki Stiifen yaa a “Chanbaanba nan n naa waas, gbiintir man, yoo nba ki ti yeja Abraham din be Mesopotamia yakir po, Kaldea tiŋ ni na, li yoo ki u din daa ki saan Haran na, ki paŋ daanɔ Yennu na dɔkit u paak,

Yennu Gbouŋ Mɔɔr

² Ki Stiifenn yaa: “Chanbaanba nan n naa waas, gbiintir man. Yoo nba ki ti yeeja Abraham din be Mesopotamia yent, Kaldii tiŋ ni na, li yoo ki u din daa ki saan Harann, ki paŋ daanɔ Yennu dɔkit u paak,

Toona 7:2 ပူးပေါင်းရင်းမြစ်များ

Matiu 6:13

A daa te ki ti kɔɔ jinjammii ni, ŋaan nyinnit bonbiir ni.’

Barŋanii nba ki LUK din sɔb nae na 2:14

“Dont Yennu sann sanpaapo man; parmaasir-ii be u nigannkab paak, tingbouŋ ni.”

Jɔɔnn 1:14

Yoo nba ki Yennu Mɔb maŋ din baar ki tee nisaarik na, u din be nant tingbouŋ na ni, ki din gbee nan ninbatinu, nan barmɔnii wannu, ki timm nba din tuu be nanɔ na laat u yentsaakar, ki li yentsaakar na nyii u Baa Yennu boor, kimaan u tee u Biyenne.

Jɔɔnn 12:41

Aisaya din yet nna, kimaan u din la u yentchiauŋ, ki din bunt buntir ki jikit saa u po.

Toona 22:1

“Chanbaanba nan n naa waas, gbiintir man maan nba ki n yaa n pak ki turi na.”

Toona 23:7

Wa pak nna maŋ yoonba, ki mɔniɔk ji fiir Farisiinba nan Sajusiinba maŋ sinsuuk ni, ki bi bɔkit leeb.

Toona 7:1

Ŋanne ki Yennu jiantu yudaanɔ boi Stiifen a “Li set tee mɔniiee?”

1 Korint teeb 2:8

Tingbouŋ na ŋaayudamm sɔɔ kaa ki mi yan na. Bi-i bo-i mir, bi din bo kan kpaa ti Yomdaanɔ wunba yen paku kura na dapunpunn paaki.

Efesus teeb 1:17

ki lek mei ti Baa Yennu wunba tee paŋ daanɔ ki bia tee ti Yomdaanɔ Yisa Masia Yennu, a wun turi Seyeeŋ nba sa turi yan ki fiit Yennu wanni kii ŋamm bannɔ.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu yentu na, ki dia dunia yaka kur nan u mɔmaan nba mɔk paŋ. Wa din tun linba sa te ki niib-n la nyikinchabu bi biit paak yoonba na, ki u ji kar ti yabint Yennu nuudiitu po Yendɔuŋ ni.

Hiibru teeb 11:8

Yada paake din te ki Abraham sak Yennu yiinii ki saan tiŋ nba ki Yennu din senn mɔsonn ki yaa a u sa turɔ na ni. U din nyik u mɔŋ dooe ŋaan ki ki mi wa saa siami.

Jeems 2:1

N naa waas, ya teen ti Yomdaanɔ Yisa Masia wunba tee paŋ daanɔ na yada biaŋinba, i daa mɔk ningannii.

Fiitu 4:11

“Ti Yomdaanɔ Yennu, li jaŋ nan tin jianta, ki tura nibaakir nan pakuwa, kimaan fine din nan bont kura. A loomm paake ki a naauŋ maŋ kur be, ki mɔk manfoor.”