Toona 6:9 - Yennu Gbounpaauŋ Mɔɔr

⁹ Ŋaan nisiab din ki sakɔ. Binba din nɔi nan Stiifen maŋ din tee Juu teeb nba din tee daaba, ki bi ŋaab bi daabsin ni. Ki bi nyii Sairene nan Aleksandria nan Silisia nan Asia nie. Bi mun din mɔk bi mɔŋ Yenjiantu diiuko.

Yennu Gbouŋ Mɔɔr

⁹ Ŋaan nisiab din ki sakɔ. Binba din nɔi nan Stiifenn maŋ tee Juu teeb nba din tee daaba, ki bi ŋaab bi daabisin ni, ki bi nyii Sairene nan Aleksandria nan Silisia nan Asia nae. Bi mun din mɔk bi mɔŋ Yenjiantu diiuko.

Toona 6:9 ပူးပေါင်းရင်းမြစ်များ

Matiu 10:17

I mi man niib po, kimaan bi tan sa soori saan nani barbuteeb boor ni, ki bia booi bi jiantu diit ni.

Matiu 23:34

Li paak te ki n beeri na, n tan sa tun Yennu sɔkiniinba nan yandamm nan wannteeb i boor ni, ŋaan i tan sa kpi bi siabe, ki kpaa siab kuun dapunpunn paak, ki boo siab Yenjiantu diit ni, ki bia wei tɔkii bi taa ki nyi doyenu ni ki tɔɔtir doleu ni.

Matiu 27:32

Ba din saa na, ki bi chet Sairene tiŋ ni jasɔɔ nba ki u sann yi Simon, ki soorɔ, ki miau jinnɔ Yisa kuun dapunpunn na.

Barŋanii nba ki MAK din sɔb nae na 13:9

“I chek i mɔŋ paak man. Bi tan sa soori ki saan nani buutdamm boor ni, ki booi Yenjiantu diit ni. I tan sa set tinii yudamm nan kpanbara tɔɔnn ni, n sann paak, ki yin betib n barŋanii na.

Barŋanii nba ki LUK din sɔb nae na 21:12

Ŋaan linba na kur daa kan teen daanni, ki bi tan sa soori ki dinni muksuk, ki kubini Yenjiantu diit yudamm nii ni, ki kɔɔni dansarii; ki bi tan sa saan nani kpanbara nan tiŋ yudamm boor ni ki bin bu i buut, kimaan ya waan na paak.

Toona 11:20

Ŋaan Yisaweira siab nba din tee Saiprus teeb, nan Sairene teeb na, saan Antiok, ki saa mɔɔntir ti Yomdaanɔ Yisa barŋanii ki teen binba ki tee Juu teebi;

Toona 13:1

Antioko ki Yennu sɔkiniinba siab nan wanntesiab din be Yisaweira na ni. Ŋamme din tee Banabas nan Simeon (wunba ki bi din yiu Jabɔŋ na), nan Lusius, wunba din nyii Sairene na, nan Manaen (bi din lakin wubii Manaen nan Bat Herod bi bisin ni), nan Sɔɔl.

Toona 13:45

Juu teeb nba din la nigbouŋ tikii na, ki bi fiin punpona, ki piak biir Pɔɔl wannu, ki bia sukiiɔ.

Toona 15:23

Ki bi din yaa bin tumm nan gbouŋ, ki sɔb a “Timm Yisa toomiinba nan Yisaweira saakab sɔbin gbouŋ na ki foont yimm ti naa waas binba ki tee Juu teeb ki be Antiok nan Siria nan Silisia.

Toona 15:41

Ki bi din saan, ki saa gar Siria nan Silisia yaka po. Ki Pɔɔl din piak ki cheen Yisaweira para doi na ni.

Toona 16:6

Ki bi din gar saan Frijia nan Galasia yaka po, ki loon bin saan Asia tiŋ ni, ŋaan Yennu Seyeeŋ din ki sak ki bin pak Yisa maan Asia tiŋ ni.

Toona 18:24

Ŋanne ki Juu jasɔɔ nna din be, ki u sann yi Apolos, ŋaan bi din marɔ Aleksandria, ki u din tan baar Efesus. U din tee mamin daanɔe, ki din mi Yennu gbouŋ bonchiann.

Toona 19:10

Li din jii nna ki baar bina ŋannlee. Ki niib kura nba din be Asia tiŋ ni ki tee Juu teeb, nan nileeb kura, din gbat ti Yomdaanɔ maan maŋa.

Toona 19:26

I mɔŋ mɔŋ mun poŋ gbat ki bia la nan Pɔɔl nba yeen linba na. U yaa a nirɔ nba maa yennu nan u nii, a ŋann ki tee yennu kaa, ki u maan na tunn niib yan bonchiann Efesus nna, ki maan na bia jii nna ki saan per Asia tiŋ kura.

Toona 21:27

Daa ŋannlore daar nba tan per yoonba, ki Juu teeb nba nyii Asia ki baar Jerusalem ki be Yennu jiantu ŋasaakak ni na, ki bi tan la Pɔɔl, ki tian u paak, ŋaan te ki niib na kur fiir jir jir jir, ki soorɔ,

Toona 21:39

Ki Pɔɔl jiin a “N tee Juu nirɔe, ŋaan bi marin Tasus nba be Silisia yakir nie. N poŋ tee digbangbeŋŋir ni nirɔe. N barimae, ŋaant ki n pak ki tur niib na.”

Toona 22:19

Ki n jiin a ‘N Yomdaanɔ, bi poŋ tuu mi nan mine tuu lin kɔɔ Yenjiantu diit ni, ki so niib nba waa a sɔnu na, ki boob kɔɔntib dansarii.

Toona 22:3

“N tee Juu nirɔe, ŋaan ki bi marin Tasus nba be Silisia yakir ni, ŋaan ki n tan ŋmant nirɔ Jerusalem nna. Ki n wanntɔɔ din tee Gamaliele. Ki u din wantin ti yejamm sennu chib chib. Ki n lek din waa Yennu nan nunmɔnn, kaman nan i kur nba waau dinna biaŋinba na.

Toona 23:34

Ki yudaanɔ maŋ gaar gbouŋ na ki karin, ŋaan boi Pɔɔl a “A nyii tinlaŋe?” Ki u jiinɔ a “Silisia.” Wa bann nna maŋ

Toona 24:18

Tɔn, sinsinn, ma daan ŋamm n mɔŋ gbenna, ki n daa be Yennu jiantu ŋasaakak ni, ki daa pi piinii maŋ, ki bi kɔɔ ki lan leŋ. Li yoo na niib daan ki yab ŋaak maŋ ni, ki fuut mun bia kaa.

Toona 26:11

“Yoo kur n din tuu yɔɔ ki mukisirib Yenjiantu diit kur ni, ki din tuu loon ki bii nɔi a bi ki waa Yisa. N din mantik donn wutoor bonchiann bi paak, ki li saa yakira. Li paak, n bia lek din tuu saa doi nba be tinganii ni, ki saa mukisirib biak.

Toona 6:10

Ki Yennu Seyeeŋ din tur Stiifen yanfantir bonchiann, ki bi ki fit nyannɔ nan u maan maŋi.

1 Korint teeb 1:20

Li paak, tingbouŋ na yandamm nan mirteeb nan mɔnɔdamm na be lee? Yennu te ki tingbouŋ na yandamm teen yanne.

Galasia teeb 1:21

Li poorpoe ki n din saan Siria nan Silisia tinii ni,