Toona 6:5 - Yennu Gbounpaauŋ Mɔɔr

⁵ Ki mɔtaauk niib na kur ji din mɔk parpeenn nan toomiinba maan maŋ paak. Ŋanne ki bi gann Stiifen, wunba mantik gbee nan Yennu Seyeeŋ nan yada na, nan Filip, nan Prokorus, nan Nikanor, nan Timon, nan Pamenas, nan Nikolaus, wunba din nyii Antiok, ki ki tee Juu nirɔ, ŋaan din kpint u jiantu ki waa Juu teeb jiantu na.

Yennu Gbouŋ Mɔɔr

⁵ Niib na kur ji din mɔk parpeenne toomiinba maan maŋ paak. Ŋanne ki bi gann Stiifenn, wunba mantik gbee nan Yennu Seyeeŋ nan yada na, nan Filip, nan Prokorus, nan Nikanor, nan Timonn, nan Pamenas, nan Nikolaus, wunba nyii Antiok, ki ki tee Juu nirɔ, ŋaan din kpint u jiantu ki waa Juu teeb jiantu na.

Toona 6:5 ပူးပေါင်းရင်းမြစ်များ

Matiu 23:15

“Yimm sennu wannteeb nan Farisiinba nba tee kpinkpannii damm na, li sii bi i paak, kimaan i duuk mɔkgbeŋŋa ki pootir kpenii ki kɔɔ digbangbeŋŋa ni ki loon wunba sa kpint u binbeŋ kii waa i poorpoe, ki li-i tee ki i taŋŋi la sɔɔ ki u waaini, i tuu te ki u biit nba jikitɔ saa Sintaanii muu ni na-n ŋamm pukin taar munnlee-e nan i yar na.

Toona 11:19

Tɔn, Stiifen kpinu poorpoe ki muksuk din baar Yisaweira paak, ki bi din yat; ki bi siab din yaat ki saan Fonisia, nan Saiprus, nan Antiok, ki din mɔɔntir Yisa maan ki teen Juu teeb kuukɔɔ.

Toona 11:20

Ŋaan Yisaweira siab nba din tee Saiprus teeb, nan Sairene teeb na, saan Antiok, ki saa mɔɔntir ti Yomdaanɔ Yisa barŋanii ki teen binba ki tee Juu teebi;

Toona 11:22

Ki Yisaweira nba din be Jerusalem na gbat labaar maŋ, ki tun Banabas a wun saan Antiok.

Toona 11:24

Banabas din tee niŋanɔe, ki mantik gbee nan Yennu Seyeeŋ nan yada, ki nigbouŋ bonchiann din teen ti Yomdaanɔ Yisa yada ki teen u weira.

Toona 11:26

Wa saa lau yoonba ki u jen nanɔ Antiok, ki bi din jii binn munn ki taan nan Yisaweira, ki want niib bonchiann Yennu maan. Li din tee Antioko ki bi din sint ki pur Yisaweira a “Kristo teeb.”

Toona 11:27

Li yoo dinne ki Yennu sɔkiniinba siab din nyii Jerusalem ki sik Antiok.

Toona 13:1

Antioko ki Yennu sɔkiniinba siab nan wanntesiab din be Yisaweira na ni. Ŋamme din tee Banabas nan Simeon (wunba ki bi din yiu Jabɔŋ na), nan Lusius, wunba din nyii Sairene na, nan Manaen (bi din lakin wubii Manaen nan Bat Herod bi bisin ni), nan Sɔɔl.

Toona 15:22

Ŋanne ki toomiinba maŋ nan saakab na nan Yisaweira na kura dukin ki nyinn nisiab bi ni, a bin tun ŋamm nan Pɔɔl nan Banabas a bin saan Antiok. Ŋamme din tee Judas, wunba sann din yi Basabas na, nan Sailas. Bi jab bannlee maŋ din tee Yisaweira yudamm na yemme.

Toona 2:4

ki Yennu Seyeeŋ gbee yent sɔɔ kur ni, ki bi piin piak barganii kaman nan Yennu Seyeeŋ nba wannib biaŋinba.

Toona 21:8

Ki li yent sanyiɔk ki ti nyii Tolemais ki baar Siisarea ki saan kɔɔ Filip ŋaak ni, wunba mɔɔntir Yisa barŋanii na, ki be. U din tee jab bannlore nba ki bi din gannib Jerusalem a bii tee jetorteeb yudamm na yenɔe.

Toona 22:20

Ki bia jenna, ba din yaa bin kpi a siara daanɔ Stiifen na, n mɔŋ mɔŋ mun din be leŋ, ki din loon ki bin kpiu. Mine bia din dia niib nba din kpiu na tiat.’

Toona 6:10

Ki Yennu Seyeeŋ din tur Stiifen yanfantir bonchiann, ki bi ki fit nyannɔ nan u maan maŋi.

Toona 6:3

Li paak, gotir ki gann jab bannlore i sinsuuk ni, binba ki i mi nan bi binbeŋ ŋan, ki bi bia mantik gbee nan Yennu Seyeeŋ nan yanfantir, ki tin teemm toona na yudamm;

Toona 6:8

Ki Stiifen din la Yennu sommir nan yikoo bonchiann, ki din tuun bakitnauŋ toonjaana niib na sinsuuk ni.

Toona 7:1

Ŋanne ki Yennu jiantu yudaanɔ boi Stiifen a “Li set tee mɔniiee?”

Fiitu 2:15

Li mun bia tee nnee i sinsuuk ni, ki i siab mun waa Nikola niib maŋ wannu.

Fiitu 2:6

Ŋaan ya tuun linba ki li ŋane na; i ki loon toona nba ki Nikola niib tuun na, kaman nan n mɔŋ nba ki loon toona nba ki bi tuun na.