Toona 6:3 - Yennu Gbounpaauŋ Mɔɔr

³ Li paak, gotir ki gann jab bannlore i sinsuuk ni, binba ki i mi nan bi binbeŋ ŋan, ki bi bia mantik gbee nan Yennu Seyeeŋ nan yanfantir, ki tin teemm toona na yudamm;

Yennu Gbouŋ Mɔɔr

³ Li paak, gotir ki gann jab banlore i sinsuuk ni, binba ki i mi nan bi binbeŋ ŋan, ki bi bia mantik gbee nan Yennu Seyeeŋ nan yanfantir, ki tin teemm toona na yudamm;

Toona 6:3 ပူးပေါင်းရင်းမြစ်များ

Matiu 23:8

Ŋaan yimm ŋanin, i daa te ki bi yi-i ‘Wannteebi,’ kimaan i kura tee naa waase nan leeb, ki mɔk i Wanntɔɔ yenɔkɔɔ.

Jɔɔnn 21:23

Li paake teen ki Yisa poorpoweiteeb din yeen a Yisa poorpoweitɔɔ maŋ kan kpo. Ŋaan Yisa ŋarin din ki pak yaa a u kan kpo kaa. U din yet a “Mi-i loon wuu be nan ma tan sa jen, li ki laani.”

Toona 1:15

Ŋanne ki daa ŋannlee nna tan gar, ki Yisaweira kaman nan kobik nan piinnlee na taan tikir kar, ki Piita tan fiir ki set

Toona 1:21

“Li paak amii ti loon ki tin gann niyenɔe ki pukinɔ ti po, ki wun teen Yisa kuunfiiru siara daanɔ, ki li ŋan ki wuu tee timm nba daan tuu yɔɔ lin nan ti Yomdaanɔ Yisa na ni yenɔ, yoo nba ki Jɔɔnn din wurɔ Yennu nyunwuru mɔkmɔk ki tan baar yoo nba ki Yisa nyii ti boor ni, ki Yennu donnɔ Yendɔuŋ ni na.”

Toona 10:22

Ki bi jiin a “Chanbaa Kɔneliuse tumit. U tee lanjimanba yudaanɔe, ki tee niburchimɔe biak, ki jiantir Yennu, ki Juu teeb kur teenɔ nibaakir. Tɔn, Yennu malaka won baar betɔ a wun yiina ki a baar u ŋaak ni, ki wun tan gbat linba ki a sa pak ki turɔ.”

Toona 15:23

Ki bi din yaa bin tumm nan gbouŋ, ki sɔb a “Timm Yisa toomiinba nan Yisaweira saakab sɔbin gbouŋ na ki foont yimm ti naa waas binba ki tee Juu teeb ki be Antiok nan Siria nan Silisia.

Toona 16:2

Yisaweira kur nba din be Listra nan Ikonium na din pak Timoti po bonŋann.

Toona 2:4

ki Yennu Seyeeŋ gbee yent sɔɔ kur ni, ki bi piin piak barganii kaman nan Yennu Seyeeŋ nba wannib biaŋinba.

Toona 22:12

“Ki jasɔɔ nna mun din be Damaskus, ki u sann yi Ananias, ki u din tee yentinɔ, ki bia din dia Moses sennu fanu, ki Juu teeb kura nba be Damaskus na din teenɔ nibaakir bonchiann.

Toona 28:14

Leŋe ki ti la Yisaweisiab. Ki bi gɔɔrit a tii be namm ki jaŋ daa ŋannlore. Ki ti be namm, ki tan nyii leŋ ki saa Rom doo ni.

Toona 6:2

Ŋanne ki toomiinba piik nan bannlee na yiin Yisaweira maŋ kura, ki tan yetib a “N naa waas, li ki ŋan ki tin nyik Yennu maan mɔɔntii ŋaan biar jeet toru ni.

Toona 6:5

Ki mɔtaauk niib na kur ji din mɔk parpeenn nan toomiinba maan maŋ paak. Ŋanne ki bi gann Stiifen, wunba mantik gbee nan Yennu Seyeeŋ nan yada na, nan Filip, nan Prokorus, nan Nikanor, nan Timon, nan Pamenas, nan Nikolaus, wunba din nyii Antiok, ki ki tee Juu nirɔ, ŋaan din kpint u jiantu ki waa Juu teeb jiantu na.

Toona 6:6

Mɔtaauk niib na nba gannib yoonba, ki bi te ki bi saan set toomiinba na tɔɔnn po, ki toomiinba maŋ miar Yennu ki turib ŋaan jii bi nii ki yii bi paak.

Toona 9:30

Ŋaan yoo nba ki Yisaweira bann nna maŋ, ki bi jii Sɔɔl ki sik nanɔ Siisarea, ki te ki u kun Tasus.

1 Korint teeb 12:8

Seyeeŋ na sa tur sɔɔ ki u mɔk yan paku; ki bia tur sɔɔ bannu ki u piak bannu maan; ŋaan ki li kur nyi Seyeen-yenɔ nie.

1 Korint teeb 16:3

Mi-i taŋŋi baar, n tan sa sɔb gbouŋ ki tun binba ki i gann na ki bin saan nan i piinii na Jerusalem.

Efesus teeb 5:18

I daa nyu daan ki yibi; ŋann sa biirie, ŋaan yii yabir i mɔŋ paak kii gbee nan Yennu Seyeeŋ.

1 Timoti 5:10

ki poŋ tuu mɔk sanŋann u toona paak, ki tee wunba poŋ tuu mi waas wubiru fanu, ki gaan saamm u ŋaak ni, ki tuun sikininmɔŋ toona ki teen u leeb nba waa Masia na, ki sommit niib fara ni, ki poŋ jii u mɔŋ kura teen toonŋana tumu ni.

Jeems 1:17

Bonŋann kur nyii sanpaapoe ti Baa Yennu boor, wunba din nan sanpaapo yentu kura. Ŋɔɔ ŋanin ki lebitir kaman nan sanpaapo yentu nba tuu lebitir biaŋinba na; u bia daa tee ŋɔɔ Yennue.

3 Jɔɔnn 1:12

Sɔɔ kur piak Demetrius; ki u benu nee bia want nan u waa barmɔnii wannu; ki ti mɔŋ mun piakɔ; ki a mun mi nan ti set tee barmɔnii damme.