Toona 6:1 - Yennu Gbounpaauŋ Mɔɔr

¹ Li poorpoe ki Yisaweira ŋammit yabitir ki pukii, ki bunburimii tan baar Juu teeb nba piak Griik maan, nan Juu teeb nba piak bi mɔŋ maan na sinsuuk ni; kimaan binba piak Griik maan na din yet a bi-i toor jeet daar kur, bi pakɔi ki laat bi tora nan leeb na.

Yennu Gbouŋ Mɔɔr

¹ Li poorpoe ki Yiisaweira ŋammit pukii, ki bunburimii tan baar Juu teeb nba piak Griik maan, nan Juu teeb nba piak bi mɔŋ maan na sinsuuk ni; kimaan binba piak Griik maan na din yet a bi-i toor jeet daar kur, bi pakɔi ki laat bi tora nan leeb na.

Toona 6:1 ပူးပေါင်းရင်းမြစ်များ

Matiu 23:13

Ki Yisa bia din yet a “Yimm sennu wannteeb nan Farisiinba nba tee kpinkpannii damm na, li sii bi i paak, kimaan yimme loo Yennu naan tammɔb a niib daa kɔɔ. I mɔŋ mɔŋ kan kɔɔ, ŋaan dɔk binba loon bin kɔɔ tammɔb na.

Toona 11:20

Ŋaan Yisaweira siab nba din tee Saiprus teeb, nan Sairene teeb na, saan Antiok, ki saa mɔɔntir ti Yomdaanɔ Yisa barŋanii ki teen binba ki tee Juu teebi;

Toona 11:26

Wa saa lau yoonba ki u jen nanɔ Antiok, ki bi din jii binn munn ki taan nan Yisaweira, ki want niib bonchiann Yennu maan. Li din tee Antioko ki bi din sint ki pur Yisaweira a “Kristo teeb.”

Toona 11:29

Yoo nba ki Yisaweira din gbat a kon yaa lin baa na, ki bi din dukin dudukit a bi sa tur sommir; ki wunba fit nyann biaŋinba lek, wun tur Yisaweira nba be Judea na.

Toona 2:41

Ki bi siab bonchiann din sak u maan maŋ, kaman nan niib tusa ŋanntaa na, ki bi wurib Yennu nyunwuru, ki bi pukin bi paak li daar maŋ.

Toona 2:45

ki tuu kɔi bi faa ki jikit li likirii ki toor bi leeb, ki jaŋŋit kaman nan sɔɔ kur nba loon biaŋinba.

Toona 2:47

Ki yoo kur ki bi piak dont Yennu sann, ki sɔɔ kur par mei bi paak. Ki daar kur ki ti Yomdaanɔ bia ŋammit ki te ki niib laat tinnu ki pukii bi paak.

Toona 4:35

ki tan teen toomiinba na, ki bi chentir ki teen bi leeb nan ba loon biaŋinba.

Toona 4:4

Ŋaan ki niib bonchiann nba din gbat Piita maan maŋ teen Yisa yada ki teen Yisaweira. Ki jab nba teen u weira na kann din tee kaman nan tusa ŋaŋŋmu na.

Toona 5:14

ki jab nan poob bonchiann din teen yada ki pukin Yisaweira na po.

Toona 5:28

“Ti daan turi mɔb nan nunmɔnn, ki yaa a i daa want niib Yisa sann ni, ŋaan gotir ya tan tun linba na, ya jii i wannu maŋ ki yat Jerusalem kur po, ŋaan ji loon a i teent Yisa kpiira.”

Toona 6:2

Ŋanne ki toomiinba piik nan bannlee na yiin Yisaweira maŋ kura, ki tan yetib a “N naa waas, li ki ŋan ki tin nyik Yennu maan mɔɔntii ŋaan biar jeet toru ni.

Toona 6:7

Li poorpoe ki Yennu maan ŋammit ki yat kɔɔ niib ni, ki Yisaweira mun bia yabitir ki pukii bonchiann Jerusalem, ki Yennu manteeb niburchiauŋ sak Yisa barŋanii ki teenɔ yada.

Toona 9:29

U bia din piak nan Juu teeb nba piak Griik maan na ki jikit saa Yisa po, ŋaan bi din nɔi nanɔ, ki koor a bin kpiu.

Toona 9:39

Ki u fiir ki bi jen nanɔ. Wa baar yoonba, ki bi jiiu ki doo nanɔ ditɔɔtuk maŋ ni. Ki pakɔi din be diiuk na ni, ki bi kur ŋaa lint Piitawa, ŋaan mɔ, ki jikit bi liata nan bi chinchena ki wantɔ, ki yeen a “Dɔkas nba tuu be u manfoor ni ki nyar linba ki teente na.”

Toona 9:41

Ki Piita dɔnn ki soor u nuu ki fiin sennɔ, ŋaan yiin Yennu niib nan pakɔi na, ki tan jiiu ki wannib nan u jen u manfoor niwa.

Rom Teeb 12:7

ki a piinii na-i tee a somm leeb, li ŋan fan somm a leeb; li-i tee a teen wanntɔɔ, li ŋan fan wann leeb;

1 Korint teeb 10:10

Ti daa mɔk bunburimii kaman nan bi siab nba din tuu mɔk, ki kuun malaka kpiib na.

2 Korint teeb 11:22

Kpinkpannii damm maŋ-i yi bi mɔŋ Juu teebie, n mun tee Juu nirɔe; bi-i yi bi mɔŋ Israel teebie, n mun tee Israel nirɔe; bi-i tee Abraham yaaboonaie, n mun bia tee yenɔe;

Filipi teeb 3:5

kimaan n mun din tee daa ŋanniin bike ki bi pot n punn. Bi marin ki n tee Juu nirɔe, Benjamin booru ni, ki tee Juu nirɔ nan barmɔnii. Li-i tee Juu teeb sennu dianu nba tee biaŋinba po naie, n din waa sennu maŋ kaman nan Farisiinba nba waa biaŋinba nee nan nunmɔnn,

1 Timoti 5:3

I teen pakɔi nba be bi kuukɔɔ na nibaakir,

1 Timoti 5:9

A daa kaan pakɔi nba daa ki kpet gar bina piinnloob na ki kɔɔnt pakɔi kann ni. Linba pukin, li kpaa talas ki wuu tee wunba din kun jɔɔ yenɔkɔɔe,

Hiibru teeb 13:1

Ya tee Masia niib na paak, i loon i leeb man yoo kur.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.

Jeems 4:5

Li sɔb Yennu gbouŋ ni a “U loon Seek nba ki u teent na bonchiann.”

Jeems 5:9

N naa waas, i daa mɔk bunburimii i leeb paaki, ŋaan li-i tee ki i tuun nna, Yennu sa bu i buut. Gotir man, barbuurɔ na nakin ki see i tammɔi ni.