Toona 5:31 - Yennu Gbounpaauŋ Mɔɔr

³¹ ki jiiu donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb-ii nyik bi biit, ki wun nyik bi toonbiit ki chabib.

Yennu Gbouŋ Mɔɔr

³¹ ki jii donnɔ ki kaanɔ u niidiitu po, ki teenɔ Yudaanɔ nan Tinntɔɔ, a Israel teeb n nyik biit tumu, ki wun nyik bi biit ki chabib.

Toona 5:31 ပူးပေါင်းရင်းမြစ်များ

Matiu 1:21

U tan sa mar bonjabike, ki a sa pur u sann Yisa, kimaan u tan sa nyinn u niib bi biit ni.”

Matiu 28:18

Ŋanne ki u chat ki nakimm, ŋaan yet a “Yennu turin sanpaapo nan tiŋ ni yent kurawa.

Barŋanii nba ki MAK din sɔb nae na 2:10

ŋaan n sa wanni nan min nisaarik Bik mɔk yikoo tingbouŋ nna ni, ki sa fit nyik chab nirɔ biit;” ŋanne ki u jiant bet wunba ki u gbanant kpo na a

Barŋanii nba ki MAK din sɔb nae na 4:12

a ‘Bin got ŋaan daa laat, ki bia gbiint ŋaan daa bant li paaki; kimaan bi-i la ki bann bi sa jen ki baar Yennu boor ni ki wun nyik chab bi biita.’ ”

Barŋanii nba ki LUK din sɔb nae na 2:11

Dinna nyiɔk na bi mar i Tinntɔɔ wunba tee Yennu Niganntɔɔ Masia, wunba tee ti Yomdaanɔ na; ki bi marɔ David doo ni.

Barŋanii nba ki LUK din sɔb nae na 24:47

a bin saan ki mɔɔnt niib u sann paak a bi-i nyik bi biit Yennu sa nyik chabib; a bin piin ki mɔɔnt Jerusalem teeb barii maŋ sinsinn, ki bia mɔɔnt nibooru kur mun.”

Jɔɔnn 4:42

Li yoo na ki bi bet poo na “Ta teenɔ yada mɔtana na, li ki tee fa betit u po na kuukɔɔ kaa, ŋaan ta gbat u mɔŋ mɔŋ maan na paake ki ti teenɔ yada, ki bann nan ŋɔɔe set tee tingbouŋ na ŋaateeb Tinntɔɔ.”

Toona 11:18

Ba din gbat nna maŋ yoonba, ki bi ji nyik bi kpayakit na, ŋaan donn Yennu sann, ki yeen a “Yennu chab binba ki tee Juu teeb mun a bin nyik bi biit ki teen Yisaweira ki la manfoor nba kaa gbennu.”

Toona 13:23

“Jɔɔ na yaaboona nie, ki Yennu din nyinn ti Tinntɔɔ Yisa, ki teenɔ Israel niib ni, kaman nan wa din senn mɔsonn biaŋinba na.

Toona 2:33

Ki Yennu bia donnɔ a wun kar u niidiitu po. Wa kar yoonba ki u gaar Yennu Seyeeŋ nba ki Yennu din senn mɔsonn ki yaa a u tan sa turit na, ki sikin ti ni bonchiann. Tɔn, mɔtana, li Seyeeŋe ki i laat ki bia gbia ti ni na.

Toona 2:36

Ki Piita bia yet a “Tɔn, li ŋan ki yimm Israel teeb kur-n bann nan li tee Yisa nee, wunba ki i daan te ki bi kpaau dapunpunn paak ki kpiiu na, ŋɔɔe ki Yennu wann nan u tee u Niganntɔɔ Masia, ki bia tee ti Yomdaanɔ biak.”

Toona 2:38

Ki Piita betib a “See ki i kura-n nyik i biit, ki tin wuri Yennu nyunwuru nan Yisa Masia sann ni, ki Yennu-n nyik i biit ki chabi, ki sa turi u piinii nba tee u Seyeeŋ na;

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 3:19

“Li paak, i nyik i biit man, kii waa Yennu sɔnu, ki wun nyik chab i toonbiit,

Toona 3:26

Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Toona 4:11

Ŋɔɔe tee daanɔ nba ki Yennu gbouŋ piak u po na, a ‘Tann nba ki yimm tanmaara yêtɔ na, a ŋannii set tee lɔtik ni tanŋann.’

2 Korint teeb 2:10

Li-i tee ki i nyik linba kur ki chab wunba, n mun nyik chabɔe na, kimaan mi-i nyik chabɔ linba na paak, i paak te ki n nyik chabɔ Masia sann ni;

Efesus teeb 1:7

Kimaan Yennu nyik chab ti biit ki nyinnit daabsin ni u Bilonkak maŋ sɔn paake.

Filipi teeb 3:20

Ŋaan timm ŋanin tee Yendɔuŋ ni waase, ki jekir ki guu ti Tinntɔɔ, wunba tee ti Yomdaanɔ Yisa Masia, a wun nyi Yendɔuŋ ni baar.

Kolosa teeb 1:14

U Bija maŋ paak ki u nyik chab ti biit ŋaan nyinnit daabsin ni.

Taitus 1:4

N sɔbin gbouŋ na ki teen fin Taitus wunba tee n bimɔŋ ki ti taa yada yennkɔɔ na. Ti Baa Yennu nan ti Tinntɔɔ Yisa Masia-n somma, ki bia tura parmaasir.

Taitus 2:10

ki daa jaan bi siari. Ŋaan li kpaa talas ki bin wann bi mɔŋ nan bi be fanu nan barmɔnii yoo kura; ŋanne ki bi binbeŋ kur sa wann nan ti Tinntɔɔ Yennu wannue ŋan bonchiann.

Taitus 2:13

kimaan ti guu ki mɔk dindann nba turit parpeenn nan ti yabint Yennu nan ti Tinntɔɔ Yisa Masia sa dɔkit nan yentsaakar ni;

Hiibru teeb 12:2

Ŋaant ki tin kpan kpaa ti ninbina Yisa paak; ŋɔɔe ki ti yada gaa u paak li pinpiik niwa nan li joontu ni na. Dapunpunn na din ki te ki u nyik u yabiru, kimaan parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak u nuudiitu po mɔtana.

Hiibru teeb 2:10

Kimaan Yennu nba din nan bonsiar kur ki bia dia li kur na, wa jii u waas bonchiann ki kɔɔmm u naan ni na, li din tokin u boor ni a wun te ki bi tinnu daanɔ Yisa-n teen bi Tinntɔɔ nan barmɔnii u fara dinu ni.

1 Piita 3:22

U saan Yendɔuŋ nie ki be Yennu nuudiitu po, ki malakanba nan yentdamm kur saak u mɔb.

2 Piita 1:1

Min Simon Piita, wunba tee Yisa Masia daabir nan u toomii nae sɔbin gbouŋ na ki teen binba teen Yennu nan ti Tinntɔɔ Yisa Masia yada u burchint paak, kaman nan ta mun teemm yada biaŋinba na.

2 Piita 1:11

ki Yennu sa te ki yin tan kɔɔ ti Yomdaanɔ Yisa Masia nba tee ti Tinntɔɔ na naan ni; u naan maŋe yɔɔ be ki ki mɔk gbennu.

2 Piita 2:20

Niib nba din mi ti Yomdaanɔ Yisa Masia, wunba tee ti Tinntɔɔ, ki poŋ din nyik biit nba be tingbouŋ nna na, li biit maŋ-i jiki taŋŋi jen ki nyannib, bi joontu tan sii bi ki gar bi pinpiik nba din tee biaŋinba nawa.

2 Piita 3:18

Yi ŋamm gaar ti Yomdaanɔ Yisa Masia wunba tee ti Tinntɔɔ na sommir ki pukin man, kii tumii u mɔmaan na. Ŋɔɔe yen dontir ki jikit saa nan yoo nba kaa gbennu. Mɔmɔmm.

1 Jɔɔnn 4:14

Ki linba pukin biak, ti din laat u Bija, ki mɔtana ti mɔɔntir nan u Baa Yennu din sikinɔ tingbouŋ na ni, a wuu tee tingbouŋ na ŋaateeb Tinntɔɔ.

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan yoo nba kaa gbennu. Mɔmɔmm.