Toona 5:3 - Yennu Gbounpaauŋ Mɔɔr

³ Ki Piita boiɔ a “Ananias, bee ki a ŋaan ki Sintaanii kɔɔ ki yent a par ni, ki a faar faak ki loon ki a kpann Yennu Seyeeŋ, ki paat likirii nba ki a daan kɔi a kpaab na paaki?

Yennu Gbouŋ Mɔɔr

³ Ki Piita boiɔ a, “Ananias, bee ki a ŋaan Sintaanii kɔɔ yent a pari, ki a faar faak ki loon ki a kpann Yennu Seyeeŋi, ki paat likirii nba ki a kɔi a kpaab na paaki?

Toona 5:3 ပူးပေါင်းရင်းမြစ်များ

Matiu 13:19

Nirɔ-i gbat Yennu naan barŋanii, ŋaan ki bann li paaki, Sintaanii tuu baare ki tan nyinn linba bo kɔɔ li daanɔ par ni maŋ; ŋanne tee bonboorii nba baa sanjouk paak na.

Barŋanii nba ki LUK din sɔb nae na 22:3

Li yoo na ki Sintaanii kɔɔ Judas wunba din yi Iskariot ki bia din tee Yisa poorpoweiteeb piik nan bannlee na ni yenɔ.

Jɔɔnn 13:2

Li yoo na ki ŋɔɔ nan u poorpoweiteeb din di jeet; ki Sintaanii poŋ din dɔŋ ki te ki Judas Iskariot wunba tee Simon bik na dukin a u sa nyi Yisa poor.

Jɔɔnn 13:27

Judas nba din gaar boroboro maŋ yoonba na, ki Sintaanii kɔɔ u ni. Ki Yisa ji betɔ, “Teent fa yaa a teen linba yian yian.”

Toona 5:2

ŋaan paat likirii maŋ paak ki bɔr, ki u ŋaapoo mi li po, ŋaan jii linba tenn na, ki baar nann ki tan tur toomiinba maŋ.

Toona 5:4

Fa daan daa ki kɔi a kpaab maŋ na, li daan ki tee a yar kaa-aa? Ki fa bia daan kɔir na, li likirii maŋ bia daan ki be a yent ni kaa-aa? Ki bee teen ki a dukin a par ni ki tun linba na? A ki faar faak maŋ ki paan nirɔ kaa, ŋaan a faar ki paan Yennue.”

Toona 5:9

Ki Piita boiɔ a “Bee ki fin nan a sɔrɔ taan mɔb, ki lor lor a i bikin ti Yomdaanɔ Seyeeŋi? Tɔn, naasimm nba jii a sɔrɔ ki saan ki saa piiu na, ŋammii kɔɔ tammɔb nna, ki bi mun bia sa jiia nnee ki saan piia.”

Jeems 4:7

Li paak, yii saak Yennu mɔb man, ŋaan yêt Sintaanii, ki u sa chiar ŋaan nyiki.

1 Piita 5:8

Yii dia i mɔŋ man, ŋaan kii mi i dataak nba tee Sintaanii na po; u line kaman nan yambɔr nee, ki loon wun la sɔɔ ki soor ŋman.