Toona 4:4 - Yennu Gbounpaauŋ Mɔɔr

⁴ Ŋaan ki niib bonchiann nba din gbat Piita maan maŋ teen Yisa yada ki teen Yisaweira. Ki jab nba teen u weira na kann din tee kaman nan tusa ŋaŋŋmu na.

Yennu Gbouŋ Mɔɔr

⁴ Ŋaan niib bonchiann nba gbat Piita maan maŋ na teen Yiisa yada, ki pukin Yiisaweira po. Ki jab na kur kann tee nan tusaa ŋanŋmu na.

Toona 4:4 ပူးပေါင်းရင်းမြစ်များ

Jɔɔnn 12:24

Barmɔniie ki n beeri na, li-i tee ki bi bur dibinn tiŋ ni, li tuu piae, ŋaan ki dibinn na-n kpo. Li poorpo dibinn na-n kpaat, ŋanne ji tuu te ki lin nan dii bonchiann. Ŋaan li-i tee ki bi ki bur dibinn maŋ, li kan kpo, ki bia kan nan; li sii tee dibinyenne.

Toona 2:41

Ki bi siab bonchiann din sak u maan maŋ, kaman nan niib tusa ŋanntaa na, ki bi wurib Yennu nyunwuru, ki bi pukin bi paak li daar maŋ.

Toona 2:47

Ki yoo kur ki bi piak dont Yennu sann, ki sɔɔ kur par mei bi paak. Ki daar kur ki ti Yomdaanɔ bia ŋammit ki te ki niib laat tinnu ki pukii bi paak.

Toona 28:24

Ki bi siab yan din tunn ki kɔɔ Yisa po, u maan maŋ paaka, ki siab mun ki teen yada. Ki bi jak leeb nan mɔniɔk, ŋaan yaa bin yat saan.