Toona 4:34 - Yennu Gbounpaauŋ Mɔɔr

³⁴ Ki linba na sɔɔ din kaa bi ni ki pɔt siari, kimaan binba din mɔk bi mɔŋ mɔŋ kpaant nan bi ŋei din tuu kɔie, ki gaar li likirii ki baar nann,

Yennu Gbouŋ Mɔɔr

³⁴ Ki sɔɔ din kaa bi ni ki pɔt siari, kimaan binba din mɔk bi mɔŋ mɔŋ kpaant nan bi ŋei din tuu kɔie, ki gaar li likirii ki baar nann,

Toona 4:34 ပူးပေါင်းရင်းမြစ်များ

Matiu 19:21

Ki Yisa betɔ a “Li-i tee ki a loon ki a binbeŋ-ii tee fanu nan barmɔnii, fii saa ki saa kɔi fa mɔk linba ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Barŋanii nba ki MAK din sɔb nae na 10:21

Ki Yisa gotɔ sirrr nan loomm, ŋaan betɔ a “Ŋaan bonyennkɔɔe pɔta; i kun ki saa kɔi linba ki a mɔk, ki jii li likirii maŋ ki tur talasdamm, ki a tan sa la mɔkint sanpaapo; li poorpo ki a jenna kii waan.”

Barŋanii nba ki LUK din sɔb nae na 12:33

Li paak amii, kɔin i bona nba ki i mɔk ki jii li likirii ki tur talasdamm, ki i tan sa la mɔkint nba ki mɔk gbennu. Mɔkint maŋ sii be Yendɔuŋ ni, ki kan wati, kimaan nanyukɔɔ kan kpian leŋi, ki bonŋmiŋmabit bia kan mɔɔri.

Barŋanii nba ki LUK din sɔb nae na 16:9

Mine beeri na, yi nyinn tingbouŋ na likirii kii tuun linba sii Yennu par ni; ki likirii na-i taŋŋi gbenn yoonba, u sa gaari Yendɔuŋ ni, ŋei nba ki mɔk gbennu ni.

Barŋanii nba ki LUK din sɔb nae na 22:35

Ŋanne ki Yisa boib a “Ma din tumi doi ni na ki i din ki dia likibɔɔrii nan kaliit nan taasaat na, i din kɔŋ siari?” Ki bi jiin yetɔ a “Aaii.”

Toona 2:45

ki tuu kɔi bi faa ki jikit li likirii ki toor bi leeb, ki jaŋŋit kaman nan sɔɔ kur nba loon biaŋinba.

Toona 4:37

ki u din tan kɔi u kpaab, ki gaar li likirii ki baar nann, ki tan tur toomiinba na.

2 Korint teeb 8:14

Linba te ki n yeen na tee nnee: ya mɔk ki li yab mɔtana na, li ŋan ki yi somm binba ki mɔk na, ki li-i tee ki i mun tan ki mɔk yoonba, ŋaan ki bi mun mɔk ki li yab, bi mun sa sommiiwa. Ŋanne sa te ki i kur-ii jan nan leeb,

1 Tesalonika teeb 4:12

Ŋanne sa te ki binba ki tee Masiaweira na-n turi nibaakir, ki li ji kii kpaa talas ki yin jɔɔb i mɔŋ ki denn sɔɔ i bonlonkara paaki.

1 Timoti 6:19

Nnee sa te ki bii mɔk mɔkint sanpaapo kii guu bi mɔŋ yoo nba tan sa baar na; ki bi sii fit mɔk manfoor nba tee barmɔnii manfoor.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na biit ni, ŋɔɔe set tee Yisaweirɔ nan barmɔnii, ki ki mɔk biit ti Baa Yennu boori.