Toona 3:26 - Yennu Gbounpaauŋ Mɔɔr

²⁶ Li paak ki Yennu gann u Toontunnɔ Masia maŋ ki tumɔ i boor ni sinsinn, a wun te ki i kur-n nyik i biit ki la mɔsonŋann maŋ.”

Yennu Gbouŋ Mɔɔr

²⁶ Li paak ki Yennu gann u Toontunnɔ Masia maŋ ki tumɔ i boor sinsinn, a wun te ki i kur n nyik i biit tumu ki la piisin maŋ.”

Toona 3:26 ပူးပေါင်းရင်းမြစ်များ

Matiu 1:21

U tan sa mar bonjabike, ki a sa pur u sann Yisa, kimaan u tan sa nyinn u niib bi biit ni.”

Matiu 15:24

Ŋanne ki Yisa jiin ki betib a “Israel teeb nba tee kaman nan pei nba bot na, ŋamm kuukɔɔe ki Yennu tumin a man saan bi boor ni.”

Barŋanii nba ki LUK din sɔb nae na 24:47

a bin saan ki mɔɔnt niib u sann paak a bi-i nyik bi biit Yennu sa nyik chabib; a bin piin ki mɔɔnt Jerusalem teeb barii maŋ sinsinn, ki bia mɔɔnt nibooru kur mun.”

Jɔɔnn 4:22

Yimm Samaria teeb ki mi ya jiantir wunba, ŋaan timm Juu teeb ŋarin mi ta jiantir wunba, kimaan niib tinnu nyii Juu teeb nie.

Toona 1:8

Ŋaan yoo nba ki u Seyeeŋ sa sik i paak ki yenti na, i sa la paŋ, ki tan sii tee n siara damm Jerusalem, nan Judea tiŋ kur ni, nan Samaria tiŋ ni, nan tingbouŋ na lokir kur po.”

Toona 13:26

Ŋanne ki Pɔɔl bia yaa a “N naa waas, a yimm nba tee Abraham yaaboona, nan i kur nba be nna ki jiantir Yennu na, maan nba ki Yennu turit ki li want tinnu maŋ po na, li tee ti yare.

Toona 2:24

“Wa daan kpo ki daa be kuun nii ni na, ki Yennu fatɔ ki fiinɔ kuun ni, kimaan kuun ki fit diau.

Toona 2:32

Ki Piita bia ŋamm yet a “Yisa nba nee ki Yennu daan fiinɔ kuun ni, ki ti kura na mun tee u kuunfiiru maŋ siara damm.

Toona 26:20

Ŋaan sinsinn n din dɔŋ ki mɔɔnt Damaskus teebe, ki pukin Jerusalem nan Judea tiŋ ni doi nba be lokir kur po. Li poorpoewa, ki n tan mɔɔnt ki tur binba ki tee Juu teebi. N wannu ki tur niib na kur tee a bin nyik bi biit kii waa Yennu sɔnu, kii tuun bonŋann, ki lin wann nan bi set nyik bi biit nan mɔnii.

Toona 3:13

Yennu nba din tee Abraham nan Aisak nan Jakɔb nan ti yejaleeb Yennu na, ŋɔɔe tee daanɔ nba donn u Toontunnɔ Yisa ki turɔ u mɔŋ yabint. Yisa maŋe ki i jiiu ki teenɔ ti yudamm nuu ni na, ki Pailat din poŋ bikin sinsinn a wun ŋaau, ki i bia yêtɔ Pailat boor ni.

Toona 3:15

Li paak, yimme te ki bi kpii Manfoturtɔɔ maŋ; ŋaan ki Yennu fiinɔ kuun ni, ki timme tee linba na siara damm.

Toona 3:20

ki u sa turi foon, ki bia tan sa tun Yisa Masia i boor ni, wunba ki u poŋ gannɔ ki turi na;

Toona 3:22

“Ŋann maŋe ki Moses mun din yet a ‘Ti Yomdaanɔ Yennu sa turi u sɔkiniisɔɔ, a ki u sii tee i mɔŋ nirɔ, kaman nan wa nyinn min biaŋinba ki teenin u sɔkinii i boor nna na. Gbiintirɔ man ki tun linba kur ki u sa pak turi;

Toona 3:25

Yennu mɔsona nba ki u din senn ki tur u sɔkiniinba maŋ, li mɔsona tee i yare; ki lor nba ki u din lor nan ti yejamm na, li lor mun bia tee i yare, kimaan u din yet Abraham a ‘A yaaboonyenɔ nie ki tingbouŋ na teeb kura tan sa la n mɔsonŋann.’

Rom Teeb 1:16

Fei ki mɔkin nan ki n mɔɔnt barŋanii maŋ, kimaan li tee Yennu paŋ nba tint wunba kur teen Yisa yada nee; sinsinn li tee Juu teeb yare, ki mun bia tee nibooru kur yar.

Rom Teeb 15:29

N mi nan mi-i baar i boor, Masia sommir sii be ti ni bonchiann.

Rom Teeb 15:8

Ma yeen linba na paak tee a Masia din kpint u mɔŋ ki tee Juu teeb na toontunnɔe, ki wann nan Yennu set tee mɔmɔmm daanɔe, ki gbeen Yennu mɔsona nba ki u din senn ki tur bi yejamm nba din tee nijaana na,

Efesus teeb 1:3

Ŋaant ki ti tur Yennu wunba tee ti Yomdaanɔ Yisa Masia Baa na niipoouk man, kimaan ta be Yisa Masia ni na paak ki ŋɔɔ Yennu turit Seyeeŋ piinii kur nba be sanpaapo.

1 Piita 1:3

Pakin man Yennu nba tee ti Yomdaanɔ Yisa Masia Baa na, kimaan u tint ninbaauk bonchiann ki turit manfopaann Yisa Masia kuun fiiru paak. Linba nee te ki ti mɔk dindann nan ti tan sii mɔk manfoor,

1 Piita 3:9

I daa tuun biit ki jiint biit paaki, i bia daa sukii ki jiint wunba sukiini, ŋaan kii jiinɔ a “Yennu-n senn mɔsonŋann a paak,” kimaan Yennu din yiini a yin gaar u mɔsonŋanne.

Juud 1:24

Yennu sa fit guui ki i daa baa, ki sa baar nani u tɔɔnn yentsaakar ni, ki i ki mɔk biiti, ŋaan sii mɔk parpeenn bonchiann;